聽了個幾星期的《L Album》(我不能再粉絲失格的了﹗.\ /.)，很難得兩隻碟(Love 和 Life)都巧巧聽(你敢說不好嗎？﹗)，當中最喜歡是這cut《Tomorrow again》，不過在你管只有這個karaoke版…囧，any肥，我喜歡這種正能量滿滿的歌嘛﹗(這首讓我想起《Brand new day》)
《離開拉斯維加斯》~果真出碟了﹗《優與美》真係首首都很優和美耶﹗我想問這首和《一起去阿拉斯加》是朋友嗎？成首歌好有畫面的，會想像到一個勁頹的人喺拉斯維加斯玩到盡頹到盡之後想出走去搵番新生活咁，UM，之後唱《美麗到不能》就可以了﹗哈。
《誰》~洪小弟今年的《LAST DANCE》(還是上年的？)和這首《誰》都很不賴，第一次聽時覺得很熟口面，不過而未諗得起係乜歌…UM。唔知點解覺得好有聖誕舞會之後回歸寂寞的感覺…UMUM
《Baby don’t cry》~咦，TIM LUI作詞架喎，但比起平時RUBBERBAND啲SWEET SWEET野，呢首歌有陣苦澀味，好似鬧完交(或者直頭分了手？)後送番俾激嬲咗既BABY咁…
《莞爾》~話呢首歌既歌詞係REGEN自己既親身經歷喎，而我係聽完DJ介紹才知莞爾一笑係咁解既…唔知呢，呢首歌輕輕快快咁，歌詞講當事人從失戀苦痛中爬番出嚟莞爾一笑放低一切咁，又CLICK中我鐘意正能量野啦﹗
《時光》~咦，時光…美麗動人﹗(呀﹗這是郭富城的《時光》…哈)許牙醫成日唱埋啲成長呀，大個呀，朋友呀咁…我會好CLICK架嘛﹗
《我杯茶》~這首讓我想起蘇永康的《普洱茶》，也是以茶比喻到了人生某個階段會明白自多咗，就好似沖杯茶出嚟咁有味道咁…唉呀，容天后這張碟真的很不錯…UMUM。
***************************
SORRY，還是想數一吓呢水喜歡聽的，下面先係今年我有印象的(中文)歌，雖然有文有真相，但很多年初時寫過的歌我都唔記得係乜野了…年尾先出真係有著數的…而，很多大牌歌手出過乜歌呢？我完全唔知道喎﹗
《世界變了樣》~Supper Moment最初我以為係SUPER MOMENT…UMUM，哈哈﹗我想話呢首歌呢好有U2、OASIS啲FEEL，歌詞字少反而係音樂帶出個世界觀…好勁﹗(咦，我在講乜呢？)
《第一志願》~我就說正能量野我喜歡嘛﹗
《青春頌》~話說京都回港的一天，HARUKA列車經過大海時MP3 LOOP到呢首，望住個海聽著歌詞「如若你還淘氣 你還強壯 盡管出走別折返」，內心的感動差點就要掉出眼淚啊(太誇張了…)我正是出走的最後一天呀﹗終有一天I'LL BE BACK呀﹗…藍UNCLE X 許牙醫這個組合真係太CLICK中了…一野LOOP了幾廿次先肯跳落下一CUT耶…
《美麗到不能》~超喜歡歌詞說「要薔薇盛放 我或要先張開臂彎 往外看」和「我縱沒魔法但有這點信望」，想要得到自己想要的東東總得付出才行，不要一味怨天怨地吧，不要問只要信﹗勁呀﹗(其實成張《優與美》都勁好聽…好難選的說﹗)
《小日子》~舒服是重點…而家咁凍時聽會想起夏天舒爽的海風…呀~
《諸葛亮》~過檔到柏高旗下的費公主啲歌都很不賴，近期PLUG緊的《宮若梅》(但我沒看《一代宗師》喎﹗)，之前的《周末畫報》和《告別我》都很不錯…雖然我講不出好聽在那裡，但就是留有印象，講得出係乜歌囉﹗
《誰》~我堅覺得好聽架﹗
《永遠愛不完》~唔好意思我啲偏好係好偏的，如果無睇過郭城城今年的演唱會…應該係唔識的，但作為一個長期郭粉，聽到歌詞收埋好多N年前舊歌串埋成句時是有種奇怪的感動既…
《狂舞吧》~最後一首呢，照計HIT歌既話有GIN LEE既《玫瑰的故事》或者鄭天后的《沙漠甘泉》，但我作為偏門人，硬係要選首偏既…《狂舞派》主題曲堅係好聽喎﹗
以上。
沒有留言:
張貼留言
要講幾句嗎？﹗XD