[日劇]《空飛ぶ広報室》(飛翔情報室)~悶之完成…

頭搖又尾擺﹗Sky~~~~

呀，sorry，呢個Sky同那個Sky係唔同的﹗哈哈哈﹗本來係因為呢套劇的片尾曲是安室唱，於是就搵個mv嚟睇，但又未有喎而又有人將劇情剪埋同首歌一齊，睇完好似幾ok就開嚟睇吓…突然發現男主角劇中外號係…Sky~~~

呀，我應該正經一點來講，呢套劇其實係講自衛隊的，男主角空井大佑(綾野剛)本來係飛行員，成日話咩就嚟揸到藍色夢想甚麼的，佢既隊友叫佢俾個代號自己，從小就夢想成為飛行員的空井就改自己做Sky啦…sorry，呢個名我真係…只會…諗起…《極速傳說》…頭搖又尾擺…

我在想，當年木村一套揸飛機弄出一套《衝上雲Siu》，呢套《飛翔情報室》如果hit起來(應該無吧？)，無記咪要整套港版…講解放軍駐港部隊的了？

但any肥，自衛隊放在劇集裡都幾新鮮的…雖然…樂趣是…無乜…

題材是新鮮，但setting嚴重老掉牙，男女主角都有自己夢想的工作，差一點成功的了卻功敗垂成，只能在周邊等機會咁，於是對現在的環境十級唔滿意，佢兩個的老頂睇得出呢個情況，各自俾tips佢地渡過呢一關咁…好熟口面呀﹗

九成，女主角稻葉(新垣結衣)會跟男主角空井同病相憐之下由憐生愛，跟住是但一個有機會重返本來的崗位，仲要去美國﹗唔知點解一定係美國﹗跟住套劇就好熱血地完了。劇情唔使側重喺愛情度太多既，熱血就得，總之夢想行先﹗唔知點解夢想實現的地方總係美國…

哈哈哈﹗我又估劇情了，其實而家我只看了兩集，新垣既記者角色跟之前《Legal High》的新人律師好似，都係一味追求真相死追到底，死心眼到不能的，佢因為追一單案件的情況走去追住疑犯老婆，令對方身心受創，點知呢個疑犯turn out無罪，於是佢就被公司調走投閒置散了。um，其實…佢可以做狗仔隊呀﹗

另一失意人綾野剛好似很有人氣，成日見雜誌講佢，但劇我無乜印象我睇過(或者我睇過但講唔出佢個名吧？)…呢個角色苦口苦面…實在係太慘了…空井呢個角色令我想起(應該無乜人睇過的)《Rescue》，夢想總係由細開始，無人半途出家既？

今次生瀬勝久唔攪笑，反而係攪笑室長柴田恭兵搶鏡喎﹗佢有外號係欺詐…山P呀﹗哈，其實我好期待佢出場…兩個男女主角成日苦口苦面耶﹗

Any肥，熱血野啱夏天睇呀﹗繼續努力…

**************************************************

21/7/13後按：

究竟係乜野令我會成套睇晒既呢？

由頭到尾最好睇係室長，佢又會攪氣氛，又會啟發下屬潛能，又會喺必要時出嚟幫下屬頂，有個咁既老細真係正喎﹗

而空井(綾野剛)由頭到尾都黑口黑面，稻葉(新桓結衣)角色是慢慢成熟，但在嘉賓發表了對自衛隊不利的言論，情報室send信去抗議時佢竟然整了封野直接走去同局長反映，真係太唔社會性了吧…而我以為這是劇集的高潮…即係小稻稻被調離貼身專訪，新的宣傳片又被指作野，形象大大受損，我正期待如合兜番轉頭的時候，下一集…吓？竟然係話室長退休，大家各散東西咁？實在係太o咀了令我…

而…沒有人要去美國我應該感動了？不過空井去了松島，而令男女一分開了…囧…

或許係我睇得唔投入(一路打一路睇，呢套劇推銀度真係奇高…)，究竟點解無啦啦空井去了松島？跟住無啦啦又講番311，又無啦啦講311後的重建…做乜呀？咁空井係咪仲係情報組的呢？最爆係佢send晒野請小稻稻去訪問時，又同佢講唔好同我一齊啦…之後室長出手，又叫blue wave機們整了個心心型雲…大家就好感動…真愛呀﹗兩人就攬在一起…呃…點呀？

更O咀的是，空井無啦啦帶小稻稻去唔知乜鬼大學度，小稻稻講完一段好熱血(而悶到我差啲瞓著)的訓話趕住走人時，小稻稻無啦啦被空井吻了…我諗起《最後的灰姑娘》涼子姐姐無啦啦跟部長的一吻…除了無啦啦…我唔知點形容呢段無聊到不行的劇情…囧

究竟點解我會睇落去架？明明悶到傻…

只能說，這是一個很好的宣傳，將自衛隊很多細節都讓大家知道了…一路睇一路心諗…係咪真係成轉成正規軍隊而舖路呢？

呀…算啦，清咗佢我就可以專心睇《聽見你的聲音》了…