2012/07/24

見工血淚史 之 2 年上篇

話說,和吾組一位嬋級姐姐(aka媽媽級)吃過飯後,令小的對見工又有一番新體會…

是咁的,因為吾組(aka吾司)的一些變故,令大家心生不安,唔想郁都要郁。

唔,首先佢同我講…有written test令佢震驚了…

唔…呢吓到我震驚了…無論我fresh grad時定係最近去搵工,多數都付有written test,無他,你吹到自己天上有地下無老虎都打死幾隻咁勁,即場測試最實際丫…爭在係同面試同一日做定係另外再約一日啫。而又說,我試過做份成3個鐘的test,做完天都黑齊,好灰。又試過in都未in俾人叫去做written test,真係written那種,同場仲有另外兩個美少女一齊喺間meeting room度written…跟住我地忍不住傾談喺上嚟(笑)…因為份卷好深囉…都唔知點作…呃。(而…之後係收到call約interview的,我忍不住自慢了…為我支筆…哈哈哈)

唔,然後佢同我講,乜而家interview有group discussion(這個是佢個女搵工的經驗)

唔…呢個又令我震驚了,好多MT、青衣job既工都係咁in架喎,睇你成堆弟弟妹妹打打殺殺一輪,interviewer就旁邊隔岸觀火再揀一番咁,尤來已久喎﹗而,雖然我係會考人(在DSE年代就係年紀之顯露了﹗嗚…泣奔),不過而家language科都係要group discussion吧?只要唔係考完oral就還番晒啲skill俾老師(或補習社),唔太agressive也不太一舊飯,正正常常的問題不大啦?(我成日覺得排除法係排走啲最好和最差的…)雖然,我知,common sense is not common.這是在社會大學多年以來其中一個最重要的覺悟。

唔,之後佢同我講,佢見過一份工本來成數頗大,但in完HR再in dept head的時候,從佢既body language佢feel到對方想要的是後生女而不是佢自己…

唔,當然人係唔應該以貌取人(就如…你唔好睇我英文考乜grade…睇埋我History考乜先得架﹗哈哈),不過interview用十幾廿分鐘去決定要唔要一個人,當然,有written test去睇你的料子有幾多,也可以從談吐中睇吓你個人係點,不過perception is king(孖劇停人又發作…笑),第一印象決定咗好多野架啦。而呢位姐姐,雖然佢確係好勤力,好正面,好上進仲好細心添,不過一個不太appealing的外型(我係咪講得好厚道呢?),即係呢,喺佢嚟吾組之前吾等對呢位姐姐的印象都麻麻的,係轉組之後相處落才知佢個人不錯…。呃,即係呢,以貌取人係唔啱,不過呢個世界確係以貌行先,性格能力既野要時間發掘架嘛,邊夠睇樣定第一印象直接啫…

當然,呢一點我係無(未諗到)直接點出嚟…

係咪代溝呢?(呢位係90年代出道的嬋級姐姐)…看來是有的,就我同佢對見工的睇法上而言。

呢個時候,我係咪要推介呢位姐姐個女睇我呢篇舊文?見工血淚史

16 則留言:

  1. 第一印象真的很屈機,好的會自動為你淡化缺點,差的會令人把你的缺點無限量放大

    回覆刪除
    回覆
    1. re:灰先生

      對的說,雖然你永遠唔知自己個面口中唔中interviewer的心水,但執令自己個樣永遠有著數…

      刪除
  2. 搵工果期D化妝品真的用得好快…你AKA阿姨好大代溝。果樹我同阿媽講,佢話洗唔洗咁多round啊?!但個現實係,即使咁多round,請到既都未必係最好既人。

    回覆刪除
    回覆
    1. re:caroline

      好在前一水搵工時天口都仲未熱,formal dressing唔會熱到滿身大汗,面上的化妝都可以放多一點…呵…

      我呢位嬋級同事入司時我仲迷緊郭富城古天樂咋…佢可能好耐無搵過工,或者唔知而家搵工的遊戲規則,覺得入得second in一定掂掛…我想話…我試過in到第3 round先被人foul呢…囧

      刪除
    2. 我試過IN某間連鎖飲食MT IN到第4 ROUND先玩完=.= 頂浪費我的青春…家下愈縮皮的公司愈鍾意搞勁Q多ROUND麻X煩(諗返起果時真係忍不住爆粗-_-), 我最後拎既OFFER都搞左4 ROUND啦=.=

      刪除
    3. re:caroline

      我第一份工都係MT(sort of),第一次去做attitude test,第二次做written,第三次先去總部in hr,好認真。但其實我完全唔鐘意呢份工也覺得唔啱,後來無做之後去探個負責請人的hr姐姐,佢都話當年請的MT入面有幾個係attitude test覺得唔適合,不過想test一吓於是照請的…咁卒之最早遞信唔撈的就係我地幾個啦…

      刪除
  3. 正如我manager,觀乎佢請返黎既人,我地得出既結論係佢中意請後生又長髮既女仔,而佢都曾經親口向我坦言佢唔中意搵男仔做admin,性別年齡歧視?無辦法,卒之佢咪請左一舊雲返黎囉....(雖然我唔覺得一舊雲個樣後生...)

    回覆刪除
    回覆
    1. 四妹…

      你令我爆笑了…

      admin我又好直覺都覺得係女仔,可能啲野濕碎啲咁女仔suppose細心啲,是有性別歧視的,不過呢個係現實發生緊既事囉…

      而你的一舊雲…哈,你識得我遲,我曾經都有個經典的阿同同…嬲到我日日喺plurk嬲爆佢…好在佢走咗…唔係我癩咗入青山都有份…事過境遷就甚麼都是浮雲了…你遲吓都會睇化架啦施主…

      二姐…

      刪除
  4. 沙士果時,搵工好難,果時有間屋之島約見工。

    我記得果時係俾求職信,係文員、助理之類,但係你上網睇都知,屋之島係賣屋,係間房度,成埋人,粒聲唔出等死咁,個個著晒老西,都好嚇人。

    果次搞左好耐,仲要係得個吉,有個阿頭黎,講佢公司d野,仲話你黎見工,梗係要知間公司既野啦,講到自己幾錢人工,幾大壓力(巴閉咯),之類之類。

    之後,又黎多左又大粒d既,都係講差不多既野,仲寸!佢仲帶個靚仔黎,好似比個待範單位你睇咁,又好話我無著成套老西啦(見個助理,著到去飲咁為咩?)(佢請我都唔知一個月都做唔做到,我買套老西黎份人工夠唔夠比?)又講好多廢話啦,好似袋錢你袋咁,又話工作要點樣點樣……其實佢講既同維園亞伯都無咩分別,只不過佢有錢寸得起。

    最記得佢點個靚仔針茶個靚仔就去針,真係聽話個隻狗,有d人都頂唔順,一個一個走,咁就無左個朝早,簡單d講,無見過工,係聽佢講呢間野d威水野,聽佢d威水野。

    佢無諗過阻人時間,果時環境都唔好,仲要咁樣整人,唔見你份工,人地可以見到好多份,未做份工都咁,你話入去做會點?

    by無敵

    回覆刪除
    回覆
    1. re:無敵

      我都試過俾人叫上去見工,但個interviewer完全唔認真,坐喺度吹水都唔係講份工既野…真係浪費大家時間…畢業時全職搵工,希望快啲有offer嘛,你唔請我fine,但唔好浪費我時間聽你吹水囉…

      我都試過俾人話做乜唔著suit嚟見工,我心諗大熱天時喎…我都盡量西裝裙/褲架啦,無計,有時唔中interviewer的心意就係唔中,第一吓衰咗之後做乜都補救唔到乜濟…

      刪除
  5. 上面我講得唔係幾好,其實老老實實我學歷差,求職都唔諗住做咩高職位工,佢叫我in,經過呢次既事,佢跟本都係搵d炮灰黎做地產代理之類。

    真係有錢大晒咁,係呀,沙士無人請人得佢請,佢就可以咁浪費人時間咁,就算唔俾人工要倒貼人工都應份咁(唔係講笑,佢「袋錢落我袋」果時,真係話:「你做野,洗錢就當然要」咁言下之意即係貼錢返工?好野!),我覺得呢間屋之島真係好過份,希望大家真係認住呢隻鷹。

    by無敵

    回覆刪除
    回覆
    1. re:無敵

      我明呀,我都試過好多次被人叫去in啲工作內容完全唔關事唔知點解會叫我去的interview。不過第一步都係要怨自己做乜咁濫send cv先既…

      我覺得有啲interviewer鐘意懶係塞錢入人袋,我都試過因為衣著唔合適俾個哥哥仔訓話,佢講咗唔會請我,之後講一輪interview應該點點點,最後話見我係佢大學師妹所以醒兩招俾我…我想話佢夾硬留我喺度聽佢講野…part-time遲到囉…

      刪除
  6. 你的見工血淚史是好好的參考,黎睇一睇,都Prepare下自己。
    全職搵工心情真係好唔穩定...有時好似諗到自己想做乜,但諗諗下又覺得好似唔岩自己,都唔知想點。
    唯有見一關闖一關。

    回覆刪除
    回覆
    1. re:Eli

      我試過雙失足半年,所以有豐富見工(失敗)經驗可以分享一吓…

      當年我係搵到懷疑自己,覺得自己好廢,有一輪係唔想出嚟見同學仔食飯連msn都唔想,好驚知道人地搵到好工又做得開心咁,自己會好失落,最嚴重試過坐喺度無啦啦都喊…勁驚…

      不過而家掉轉睇,係一個經歷呢既…會令個人成長,同埋珍惜得來不易的offer

      刪除
  7. 我都有少少驚訝原來experience hire都有甘多written n gp discussion, 我以為得fresh grad先有。。。果時畢業搵工搵到想死,勁多test又要讀書顧得邊樣,最慘係啲同學個個搵到自己無TT

    最近有個上司辭左職,佢都話宜家難搵工,睇來出面真係風大雨大

    回覆刪除
    回覆
    1. re:鈴

      gp discussion我又未試過,都係trainee(剛畢業)才試過…但written就幾乎個個都要,爭在係interview之前定之後咋…

      我諗風大雨大係睇行業,舊司勁多人走,而家新司又係新舊交替,有啲行業應該係相當貨如輪轉…

      刪除

要講幾句嗎?﹗XD