2012/03/16

[日/韓劇]《仁醫》、《成均館緋聞》、《黃真伊》

我又煲舊劇了﹗奇妙的是…都是看了人家好評而走去看的…更奇妙的是…竟然都是古裝…(um,小的其實很喜歡看古裝片既…)實在是太京京了…

****************************************************
(不用追考試之後就去努力追劇…哈哈哈)

仁醫

又係2009年﹗我在補完2009年的日劇嗎?(繼這套這套之後)…呃,其實是看朴友看得有趣而跟風睇埋一份既。雖然對古裝片和醫療片有興趣,不過我對大澤隆夫叔叔沒甚興趣嘛…(自從《星之金貨》之後…佢搶彩兒搶嬴竹野內豐喎﹗)…不過見穿越穿得咁過癮就挑一挑囉(看《求婚大作戰》一路睇一路鬧我幾開心就知…)

才看完第一集,好血﹗好血﹗好好血﹗(所以我沒去做醫生是對的)睇阿仁哥一個鎚中落人家個頭度真係巧京京(仲驚過《急救病棟》江口洋介開電鋸喎﹗)…除此之外,我諗看頭是南方仁如何在江戶時代施展現代醫術吧?跟住咁多歷史人物登場梗係例牌的救唔救佢改唔改變歷史那些啦?(係,我自我穿橋了~)但見第一輯結局爛尾被人破口大罵(見《知日部屋》的這篇),然後第二部解謎又解得不倫不類的…看來…有陣《家政婦》的收視高而不理劇本好醜的味道…um(睇吓我睇完會唔會忍不住鬧埋一份?)

另,好耐無睇過小出惠介的日劇了…仲有文也山本耕史(對上一次係咪《華麗的一族》?﹗)…《星之金貨》+《同一屋簷下》,成件事好懷舊添…

其實小的好喜歡睇醫療劇的,奇怪的是竟然對 《on call36小時》完全提不起興趣…

(而說好想睇的《命運之人》,我諗我清晒呢啲劇既時候佢都做完了…哈哈)

中期報告:[日/韓劇]兩版《仁醫》
完成了﹗:[日劇]《仁醫》(1、2輯)

成均館緋聞
 


追2播嘛(最近的追劇路線圖都跟著追2走的說…),同埋見某韓劇達人對此劇男主角為之著迷,就好奇去看一看。乜原來號稱古裝版《原來是美男》?(更京人((我))的發現…乜原來有天少爺((敬稱))之前係東方神起成員嚟架?﹗但其實東方神起我只知其名((從蛇果報得知))而不知有甚麼人來的…)呀,果然是活到老學到老…

看到第二集,嘻嘻,我可以說我的目光係tune咗去女林大人度嗎?佢又讓我想起《花樣少男少女》的中津同學了(=斗真同學),看來攪怪度會過之而無不及…哈。而那位嬲憂至極的桀驁先生…讓我想起大君…啊﹗(=花癡)…哈,即是說呢,一男三女個設定又幾似《美男》喎…(但可唔可以有次男二/三可以同男一勢均力敵一點呢?次次都無得爭好悶喎﹗)

anyway,我想問,係咪套套韓劇都會喺那個甚麼文化村度取景?(睇到一景一物我都諗起《洪吉童》囉~)即係好似日本逢拍江戶時代都喺那個江戶城(《仁醫》啦即係講),然後祖國劇乜朝代都喺橫店都取景…咱們特區…呃…有荔枝角囉﹗XD

另,我又想問,點解朝鮮考科舉要mau喺度寫試卷咁辛苦?日曬雨淋架喎﹗又要彎晒腰咁寫﹗

[韓劇]《成均館緋聞》(完成﹗)
*************************************************
黃真伊
一條龍的終極大結局(應該是吧?我應該不會睇埋那套甚麼外星人甚麼吧?究竟甚麼是甚麼?)

才lap了少少,究竟係咪又喺那個甚麼文化村度拍?

又是一個後知後覺(事前不知有套《黃真伊》,反倒是知有套《同伊》…有記播過),乜阿喬妹也拍了個電影版?

某人據說只有前段部份角色就一命嗚呼了,應該很快ko的吧?XD

2/7/12:終於開動了:[韓劇]終於…一條龍最後《黃真伊》
*************************************************
努力繼續煲。(歡迎穿橋,仲有乜好劇推介?﹗哈哈)

16 則留言:

  1. 上年做project要講妓生,本來打算睇哂套黃真伊順寓學習於娛樂
    但最後都係卻步了....
    一條龍終極版,仲有「愛情雨」xd
    其實你覺唔覺「愛情雨」個名好鬼老套?

    回覆刪除
    回覆
    1. 翻兜舊劇同睇新劇不一樣嘛…
      睇新野唔使俾人話我outdated啊…

      日文堂遲吓都要做發表,有諗過講日韓互相翻拍的劇集…但具體…是未諗﹗
      到時要交功課先去維基搵野抄…

      咦,其實之前木村大神套《月之戀人》,阿久保田利伸首主題曲就叫《love rain》…所以我覺得某碩套劇叫呢個名又ok喎…另,《月之戀人》樣樣都爛,係首主題曲唔爛架咋…

      刪除
  2. 咦,係咪因為我知道有仁2所以無覺得仁1爛尾左呢?!?!

    咁,講好左係穿越時空,梗有d天馬行空野,暴走我又唔覺得好有問題.無人叫阿部屋主人當係歷史劇咁睇喎.你話大河劇暴走就話者.今次真係唔認同阿部屋主人啦 :P

    你驚血?哎呀... 之後仲有喎.你點算好呢.

    回覆刪除
    回覆
    1. um…都可能係,咁你覺得仁2解唔解得晒仁1的謎?

      其實歷史野小的有時都好糾結於正史(supposed)和創作之間(是讀得太多了…),應該點樣取條平衡線(讓自己唔好抓狂)…呃,我會覺得,作還作,logic上合情合理就算啦,唔係標榜真人真事的話就總會加啲創作成份,唔過份到不合理就可以啦…

      啲血既場面…我會FF﹗

      刪除
    2. 你覺得仁2解唔解得晒仁1的謎 > 解唔晒 XD 但如果你相信佢最後個解釋,咁就算囉.如果唔係會好抓狂.

      手術d野都覺得幾不可思議.而家樣樣都靠MRI, CAT Scan個d,仲要開腦喎!真係咁岩俾佢揾到d傷口/出血嘅地方咁.囧

      如果叫house回到過去,佢應該無得好似阿南方醫生咁有熱誠啦. XDDDDD

      刪除
    3. 呵呵,咁睇嚟有仁2所以仁1時啲控訴大抵都講得過了…

      都係喎,佢咁中落去又知一定中得啱個位,同埋無野消毒,隨時中中吓感染細菌…不過講故唔好駁故啦…佢話個人醫得番就醫得番啦…

      係咪話阿南方醫生太自知所以攪到女友昏迷好愧疚,反省過後盡量救得幾多得幾多,就算喺古代都要咁熱誠?

      刪除
  3. 月之戀人... 真係逢chiling姐出場就飛.未試過一集睇得咁快!!!

    連首主題曲我都唔多得.唉...

    回覆刪除
    回覆
    1. 我睇咗少少就放棄了…chiling姐姐都仲未變身做番美女…

      主題曲…可能係《長假》情意結…有一水狂loop的…

      刪除
  4. 可能睇完仁醫2所以覺得1只係未完,不過我睇1時都覺得,有無攪錯?咁就完??唔係呀嘛,好在有2出,我都接受到佢嘅解謎,對穿越時空戲來說,算係咁啦,解釋都ok,不過我覺得1好睇啲,2可能多講歷史野,有時有啲悶,不過1開頭一個鎚中落人家個頭個度真係好驚險,唯一就係,個時重未做到舒血,啲人唔會失血過多㗎咩

    回覆刪除
    回覆
    1. 可能見好收視就唔喺1度解太多謎,唔係無人睇2啦…

      都係喎,中落人家個頭度啲血BABA聲咁流…睇到我勁驚…不過阿哥那度都叫有麻醉劑,之後俾馬踩到個姐姐無麻醉地聯針…佢痛都叫我睇住都覺得勁痛…真係會痛到暈架喎…巧京京…

      同埋我在諗,啲工具就話可以消毒再用,線呀膠布那些遲早會用完…佢仲點做手術?

      刪除
  5. 仁醫是我生平最愛的日劇﹐雖然2比1多歷史﹐較為悶了一點點﹐但依然精彩﹐尤其最
    終章﹐喊死我﹗至於解謎我覺得八成講得通﹐不完美﹐但已收貨﹐反正現實根本沒
    穿越時空的正確答案。

    >線呀膠布那些遲早會用完…佢仲點做手術?
    可以再生產。看下去就知道了﹐南方仁得到的龐大支援。。。

    《on call36小時》手術完全用卡通畫面交待就算﹐同仁醫真的沒得比

    回覆刪除
    回覆
    1. 歷史野我ok喎﹗(雖然當年是讀明治維新,which is之前的幕末唔太熟,係靠睇《大奧》補元回來的…)…

      睇大家的評價都說2係解到大部份1的謎…咁都好啲…哈。呢水開始早睡番,keep住一日煲廿幾分鐘,幾日先籥完第一集(成個半鐘﹗)

      咦…咁得意﹗會生產了﹗(不過都應該有啲簡單機器了吧當年?)

      on call因為又有楊怡(而且又係那個髮型)而令我看不下去…其實馬明我是ok的…

      刪除
  6. 琴日執房搵到一張大大既張妃海報~你要唔要啊~

    回覆刪除
    回覆
    1. 好呀好呀~~~~~ bling blung眼

      刪除
    2. 好似仲有一張細張D...今晚返去Confrim一下先~
      你要比你地址我bo~

      刪除
    3. 微博私信了…大謝啊~

      刪除

要講幾句嗎?﹗XD