[雜談]我最「難忘」的電視劇角色…@TBB

本人自得知是次師姐集體吹水的題目後，反覆思量，終於諗到以下難忘的角色~

今次只數無記出品或播過的華語劇~

黃蓉~《射鵰英雄傳》 (1983)
舊文《射鵰馬拉松》 都講過，本人係95年才看的，當時翁美玲已過身十年了，本人只能從雜誌認識她，期望已久終於等到無記重播﹗我沒看過米雪的版本，所以不知前有無古人，但肯定後無來者(這是某次我留言時留的，自己抄自己先~嘻)，光是那對靈巧大眼睛和兔仔牙甜美笑容，不就是書中那個三分邪中七分正(七分邪中三分正？)的鬼靈精？

除了黃蓉，本人還很熱愛演楊康的苗uncle和黃藥師的曾江，苗uncle的奸笑真係乞人憎得想打佢一身，偏偏佢又鬼咁識耍把戲，阿念慈又總係會心軟，激死人﹗我心想佢快啲離開楊康，但諗諗吓都係唔好，唔係邊有更令本人為之瘋狂的靚仔楊過呀﹗係喎…哈

題外話，劇中演楊康母親的，乃係大契李司棋，大鮑就演我好鬼憎的死人臭道士(呢個係學楊過叫的)，但唔記得係邊個…好似係丘處機？

仲有呢篇：[港劇]射鵰英雄傳(83翁美玲+黃日華版)
我看金庸小說一~電視劇篇 (26/6/2014後按：卒之只寫了個一…其實之後我想寫乜既呢…無人知…)

楊過~《神鵰俠侶》 (1995)

最愛版本：95古版(唔好問點解，無得解﹗哈，古先生在這版本中的演技其實很爛，但當中很多場口的反應想是他的真性情(我覺得…哈)…要看比較有水準的演出，睇《尋秦記》吧﹗我係唔會推介《創世紀》的說…)

最無意見版本： 83劉版 (可唔可以不自己加劇情呀？楊過小龍女養龜都算啦，心高氣傲的楊過會去全真教扮王重陽整古班道士？我唔信﹗仲有，無啦啦做咩要區瑞強和張德蘭做對私訂終身 的師生仲要被亂石掟死？人家過兒唔使見人辦都已有決心要同姑姑一齊架啦，呢啲劇情真係激死我…)

P.S. 我係2000年過後先睇這個版本的VCD的說…

最嘔血版本：98任版(自已睇劇照啦：[雜談]歷代神鵰大雜薈

周芷若《倚天屠龍記》 (1993/4？)  

本身已超喜歡周海湄，而本人看《倚天》時兩女又比較喜歡周芷若，這版本二合為一﹗正~

看這版本前看了幾套馬先生的激動瓊瑤劇，見佢劇中繼續激動的眼淚鼻涕口水長流地演出…無言…真係無言…

本來我唔覺呢個版本好睇，多得無記反過來搵程醫生翻拍一次，天呀，原來一山可以還有一山「高」…

余英男&石生~《蜀山奇俠之仙侶奇緣》 (1991?)

好多古裝片呀﹗對，本人自小迷古裝片多於時裝片的說。話實呢套其實無前一集《紫青雙劍》製作認真，造型、佈景甚至打鬥(那些蕉蕉聲的特技呢…)都平實了很多(詳見舊文：鄭E面)，但我就是對《仙侶奇緣》印象很深，一來結尾是悲劇，二來兩位主角都和兒童節目有著密不可分的關係…雖然《紫》劇有超有型的警我師兄關禮傑和郭先生飾小師弟乙件，但敵唔過松松姐姐和伊麵哥哥的親切感呢~

頂癮之最，係黃一山演的師公…個造型明抄龜仙人架﹗

另外一套松松姐姐的《天涯歌女》都好鬼好睇~那時松松姐姐好似仲讀緊預科的說…

另一篇：[港劇]最喜愛的回顧~2~古裝片(武俠片類)

賀燕秋&佢個仔~《京華春夢》 (1980)

 唔計因為考試先有得睇既《家變》/洛琳(唔記得個劇名…《強人》？)，《京華春夢》算係第一套睇既阿姐舊劇，嘩，原來一向女強人的阿姐可以咁外柔內剛，當年已三十多的她扮起十幾歲的學生造型極清秀，極有說服力…不得不說，靚仔至極的劉松仁…嘩哈哈

最難忘係後來燕秋、振西和阿仔(唔記咗個名)喺破廟相認，之後振西就死咗…那一場喊到我不能自拔…嗚嗚…應該係第一次睇港劇喊得咁厲害﹗

當中演阿姐個仔的馮志豐七情上面的表情更令本人難忘…我係咪應該開一行俾佢呢？他在《射鵰》和《神鵰》演大俠童年都唔夠挑戰性(還有《香城浪子》，不過我沒 看過…)，《京華》和父親相認和喪父一幕才夠感染力﹗他長大後演過黎天王主演的《人在邊緣》，做因為女人型而被人恰的Mary，後來自殺死了…據說他覺得自己在演藝圈發展不大，專心讀書現在做DJ去了。若有得選80年代最佳童星，我一定投馮志豐的說﹗

[港劇]最喜愛的回顧~4~民初劇類

文信~《包青天之屠龍記》(1993)

當年我很愛追《包青天》的說，當中最熱愛的單元就是《屠龍記》，男主角文信性格有少少楊過影子，平時有點輕浮，遇上大變會一時衝動想歪，但性格善良，最終都會改邪歸正，不同的是文信來自湖州大戶人家…(究竟有無人記得呢個單元呢？)…

演文信的是宋逸民，孖生兄弟宋達民都有演《包》劇，估唔到當年佢地仲係台灣既偶像…

嘩…EEE…我諗無咩人知佢係邊個…任賢齊版《笑傲江湖》中演林平之那個呢？算把啦…總之當年我覺得他極有型，劇中的文四公子又極有型…嘩哈哈哈哈…當年我迷到買咗呢個單元的改編小說的說﹗

程朗~《今生無悔》 (1992)

話說第一次看已很迷這劇，一來有本人很欣賞的海味，二係很欣賞主題曲，當時我仲未知邊個係王傑，只覺首歌很好聽…仲樣衰到以為係男主角唱… (Oooohhh noooo)…三，係男主角身世，浪子呀﹗難得地我迷上了男主角(之後翻看《人在邊緣》也很癲…當年無記總係要阿男主角做些邊緣人角色…但…很有型)但原 來我應該將那份欣賞回贈番王傑，話說男主角小時到過台灣結婚生子的經歷時參考王傑的說…

不過我覺得此劇虎頭蛇尾，前段講男主角和老爸劉紹銘的父子心結很深入(有真人故事改的關係？)，很容易令人投入進去，後段奸人溫兆倫開始作惡，但他的手法卻異常兒戲，殺人殺得比用死亡筆記還要易？咪玩啦﹗btw，演男主角阿仔子洋的小朋友也很可愛，不過未能動搖馮志豐的不敗地位；另外，男主角後來進修自強，地點是偉大的商場大學呀﹗(其實…當年未起商場，也未轉大學…)睇到我嘩嘩聲…還是頭一次見傳說中的又一城空(爛)地…

另一篇：[港劇]最喜愛的回顧~1~《人在邊緣》 / 《今生無悔》

章浩輝~《緝私群英》(1996)

呢套其實只係typical無記紀律部隊劇--男主角是絕世好仔，對工作有熱誠，對家人重視，對愛情專一，對同事、朋友有義氣，劇情集查案、親情、 愛情於一身，男主角之後做臥底，被同袍、家人、女友懷疑，信心開始動搖，最後破案，大團圓結局﹗橋段娘到不行…但我又鐘意睇王喜喎…

以上劇情，在後來的重頭劇《雷霆第一關》來了個超級加強舊酒新瓶版，嘩，唔得﹗可能我是先入為主了…

尤記首播結局是暑假最後一天，第二日就開學(95年《神鵰》結局都係暑假尾，睇完又係勁失落…)，遇著心愛的劇集做完，真係無限失落﹗於是決定唔追接著播的《新上海灘》﹗哼…

22/12/2015後按：死啦，再睇雖然覺得佈景流fei，演員呢其實男女主有少少咁多多生硬，劇情老正，但還是覺得好好睇喎﹗ 

[港劇]20年自high系列~《緝私群英》
---------------------------------------------------------------------------------------
數來數去都係舊劇？新啲既有古先生的《尋秦記》(也不算新了其實…)、《洛神》(蔡少芬演得很精彩，而阿羨妮演奸鬼其實都唔錯…三位公子嘛…)、《金枝》(最愛如妃)、《鐵血保鏢》(但我說不上欣賞馬小生的演出，欣賞既應該係演佢阿爸的郭鋒)…哎…近年無咩追無記劇啦…

另一篇：[雜談]不敢讓人知道的(兒時)偶像…
我最喜歡的女演員
我最喜歡的男演員(電視版) 
*******************************************************
集體吹水聯盟之我最「難忘」的電視劇角色：

牢騷絮語 ： 我最「難忘」的電視劇角色：濫看者嚴選十大
一個好人？： 我最「難忘」的電視劇角色：Lynette Scavo @ Desperate Housewives
Island Blue：我最「難忘」的電視劇角色：金三珣的成功之道（又名：肥田完敗之謎）
紫熊部屋：我最「難忘」的電視劇角色 - 翁美玲飾演的黃蓉
加百列傳：我最「難忘」的電視劇角色: 庶務二課生電王
五師兄字：我最「難忘」的電視劇角色：方展博
Blah Blah Blah: 我最「喜愛」的電視劇角色
PK_日記 Episode II: 我最「難忘」的電視劇角色