《死亡筆記》後感

我諗每個睇完《死亡筆記》的人都會諗若然自己得到本death note會點用，但而家，我想要《收嗲筆記》多啲，實在好想毒啞晒隔離左右嘻哈終日的花樣少男少女，他們天真爛漫的笑聲令hea hea的我感到無限煩厭，忙碌中的時候聽到更燥到想殺咗佢地(ohhh…最終都係會用嚟殺人﹗哈)

言歸正傳。

後知後覺的我前幾天才入看這套戲…

我對《死亡筆記》的第一個印象不是來自原著漫畫(無睇過)或動畫(被弟弟逼睇了少少…)，而係陳醫生首《黑擇明》(這是上一水本人勁熱愛的金曲﹗)其中一句歌詞：誰也在暢讀死亡的筆記　不如來推推理

啊…原來《死亡筆記》係推理故事呢架…

話說，我一直將夜神月個名掉轉為「夜月神」--以為佢係一個神…同死神流克鬥(但我知有死神呢個角色喎…)，之後有個黑眼圈人叫L(我是最近才發現原來博友歐十十頭像幅圖係L…)…還是為這是個神怪類故事…誰不知是推理…啊…只有死神外和本筆記有點神怪…

這一水煲《Liar Game》時有博友提起《死亡筆記》，並將兩者推理情節相提並論，登時引起本人興趣，原來《死亡筆記》係個咁既故事…﹗

講完前言。

睇之前我無特登做咩資料搜集(一反本人鐘意穿晒橋既嗜好…)，只將影碟播放就是了，想留番少少神秘感和考考自己的推理能力(《Liar Game》的又真係幾易估…雖然秋山真係幾神…)，誰不知睇睇吓小弟歸家，一見我在看此片就不停穿穿穿穿穿橋…又不停爆爆爆爆爆動畫的劇情…都話我想要 《收嗲筆記》…

看下去不知不覺想起《欺詐獵人》--主角同樣以受爭議的方式替天行道，夜神月結合了《欺詐》中的黑崎和冰柱，他自己就是個法學系學生，本想以法律執行公義，可是見很多人仍能逃出法網不禁失望。某天執到死神流克的死亡筆記，就用之殺死犯人，建立他夢想的無罪惡 新世界。月的出發點是替天行道，但他不是執法人員(佢阿爸係…)，犯罪率是下降了，殺的人亦屬罪有應得，但同時自己也犯上殺人罪，警方找來名偵探L追查月化身的正義之士「奇拿」，過程鬥智鬥力，很緊張，很精彩。話實本人極愛看這類要邊睇邊諗的戲，戲估佢唔到點子極多，睇到我機都唔打專心睇，好難得的說。

在阿月眼中他做的是為正義，然而L的出現令他走火入魔。為能擊倒L，阿月開始殺無犯罪的人，從追捕他的警察到女友，最後甚至連父親都唔放過。感覺…好似睇獨裁主義者如何獨裁。最後當然是很娘的--成魔後惡有惡報，他栽在L和死神流克手上，和應第二集片名--成了最後的名字。

善與惡，對與錯，總係一線之差，但這一線一失就足成千古恨…

由於本人無睇過原著，除了南空直美(瀨戶朝香)殺詩織(香椎由宇)一段比較騎呢，全戲上下實在沒太多悶場，而且不停諗不停估，好好玩﹗但看過原著的小弟就邊睇邊鬧，係咁嘈夜神月唔似原著(實在真係唔似…)、這場原著無、那場原著唔係咁…bla bla bla…

咁電影始終有時間限制，邊有可能將所有劇情都交代出來？想悶死人咩(咁就真係死亡…)，總要有啲刪剪，加加減減在所難免。看金庸劇集看得多的本人化了，只是小弟很堅持--尤其即夜神月藤原龍也--無咗漫畫中那睿智，反而陰深咗…幾乎邊睇邊鬧…令本人想趕佢走…

我反而係奇怪藤原龍也講野把聲咁鬼似堂本光一…

反而松山研一的L就獲本人和小弟一致讚賞，型神俱備，佢做呢款怪怪雞雞的角色入型入格得很，好過做《一公升眼淚》入面個學長…小弟初時仲唔信L就係學長…

下圖那場戲呢…本來阿月想叫海砂(戶田惠梨香)睇L既真名，L知道她是阿月女友時都仲問對方可唔可以同佢約會，笑死我…






見到阿月我有啲不安，想快啲飛咗佢睇L…哈哈。佢場場戲都不停食，又要「mau」唔坐得…好辛苦…

最後L大戰阿月，感覺很像以前的金田一，當奸的(阿月)知道自己事敗後，總係會不打自招講晒成件事既真相出來，唔似港劇啲犯永遠在在律師嚟之前唔會落口供的說…

睇維基說原著中L比阿月早死，在戲中就掉轉，是想強化番善惡到頭終有報吧…確實本人支持L多啲…見佢嬴都不知幾開心…嘩哈哈

挑戰完《死亡筆記》，本人將會挑另一個二步曲：《硫黃島からの手紙(硫黃島戰書)》和《戰火旗蹟》，一場二次大戰的戰事，兩戲分別從日軍(硫黃島)和美軍(戰火)角度出發，一雞兩味，美國人再玩日本武士道，又會是怎樣一棵樹呢？呵呵

From我伴星光： Letters from Iwo Jima 硫黃島からの手紙
硫磺島之戰的家書和相

另一篇：12度的《賭博默示錄》
*************************************************
死亡筆記@維基
由＜死亡筆記＞到＜財神筆記＞ (好攪笑呢篇…)
死亡筆記人物占卜～
…有人物占卜梗係要玩﹗竟然…

堂本氷子是死神　流克 呀呀呀呀！
死神　流克　是個有先見之明的人。會比別的人想得更快，一早下定計劃。可是因為怕麻煩，定下了的計劃可 能會不做，白白浪費時間和精力。當有麻煩事的時候，卻意外的可以好好處理。此外，對潮流的觸覺很敏鋭，比人更快一歩就會掌握到服裝等的資訊，總之就很潮流 ～因此，很可能會批評身邊的人對衣著的品味，而失去朋友哩！

死神呀﹗哈哈…

<--現實中的松山…都係做L時好睇啲…









*************************************************************
令人幻滅的2016新版：《死亡筆記: 照亮新世紀》…是笑片來的嗎？