我的日文道路

朋友知道自己在學日文，隨之而來一定是兩個問題：「點解」和「係咪想去日本」。問題一的答案之前說過不重複了。問題二嘛，又未到唔去會身痕，個人其實喜歡這國家的文化和東東甚於這個地方，真係去旅行的話比較恨去台北的說…

言歸正傳，就是喜歡這國家的東東，某年的暑假開始學習日文之路，唔覺唔覺已x年了，就總結一下本人的經歷(冤枉路…)

人家學語言是報course由基本學起，本人卻是左學學，右學學，於是路程迂迴曲折的。

最開始是高考的暑假，暑期工未有著落關係整天躲在家中悶得發慌(注意我當年係無網上架吓﹗)，心血來潮不如搵啲野學，很自然就想到日文。由於已經做緊大食懶不事生產，不好意思叫媽媽再俾錢我出去學，於是就到書店買書自學。圖中的系列很不錯的，有cd附送，五十音和基本生字句型就深入淺出，俾心機睇的話可以打出個不錯的根基。一套四本，據書本介紹說讀畢整個系列可以挑戰四級試，但我「自修」到第三冊時就開始商大三年，放低了。

大二時一為呃GPA，二為免費(其實都要既…有俾學費架嘛…)於是take了日文course，由於早已讀過五十音，第一個sem成功騙到很好的成績﹗讀過的三個學期很幸運都遇到日本人老師，不過當年本人日文太爛，只能英文溝通。加上課業超忙，永遠都是考試測驗前望望書之後就去打天才波，過目即忘…成績雖然是不俗，根基是打了點，但日文能力沒實際提升過。

畢業後的起心肝學好佢，不過由於雙失(失業又失學﹗嗚)太久，銀兩欠奉，未敢挑戰商大老師介紹的中大校外課程，只有去挑戰工聯會。工聯會特色是平，至於靚正與否就看運氣，好的可以很好(我就遇過個有在中大校外教的阿sir，整堂超informative的)，亦可以很hea，祝君好運。不過這都不是最大件事，最麻煩是工聯會一星期只上一堂，可以學到的東西很少，而且它沒有甚麼考試制度，基本上你俾錢就可以學，很難知道自己的程度去到邊；再加上，就算你遇到好老師，因為上課中心schedule緊密，老師肯留下來解答問題也不能留很久。所以，這兒只識合初學，若有志再學下去還是找別的好了。

心肝再的起，終於報讀了商大老師推介的中大校外日文證書課程。由於唔知自己程度去到邊，於是由重頭學起…這已是唔知第幾次學寫五十音了﹗﹗﹗然而有人逼溫書和做功課， 一個星期兩堂的學習確係截然不同。讀過三個course的老師都係本地人(詭異的是係個日本人介紹的說…)，都係十分有料到的，解釋極清楚詳盡，真係唔錯的說。要雞蛋裡挑骨頭，就係幾貴，初級的要成三千幾四千一個course(看章程港大space的比中大校外還貴耶…12./3/13後按：港大space是平霸啦﹗)，比日本語講座或Pasona這些日本語學校還要貴。另一個死穴就係上堂多數聽和寫，講的機會不多，最多只係跟書照讀，讀完，個人仲係啞啞地的。讀了差不多一年，今年年初停了。

現下剛開始上Pasona的課，第一堂日本人老師以超光速飛書，說實在有點擔心跟不上，有過一刻想閃人，只是，既然到別的學校都係撞手神的話，倒不如試著跟跟這老師的速度，攪不好三個月後變成一條好漢耶﹗(我都是剛下此決定的…orz)只是，上課前要比多兩錢肉緊備課(呢個動作讀書年代我係唔會做的說﹗)。這回，決心要好好讀下去的了，嚴禁轉來轉去和讀吓停吓(在計claim到幾多CEF了…)。

我想多數讀日文的人都會挑一挑日本語能力試，本人呢啲考試精點會例外。其實早在商大年代已想挑一挑，不過…又係因為課業擱置了。過了一大水才捲土重來，一開始茫無頭緒，於是又到老相好工聯會報雞精班，最初是報四級的，不過第一年錯過了報名的日子，於是又無咗件事。第二年，即係上年終於出手考了。事前報了工聯會的三級雞精班，春季的阿sir的notes很強，一坐低就派派派，聽解、生字、文型一大堆的，上堂狂做練習，那三百幾四百蚊很划算囉。之後夏季又報了， 遇上中大校外的阿sir(佢應該係臨時拉夫來代課的，奇在佢認得我…)，這個阿sir又係教得極好…話實上年本人真好彩，今年遇到的那個…就…呃…

BTW，工聯會的雞精班只去到二級，沒一級的。而regular班，好像只有低、中和高班。到咁上下就要離巢獨立，另覓學校去了。

無聊的我有挑過中大校外的雞精班，真係唔知頭唔知尾，阿sir俾低一疊文法的notes，完全不明所以，我想，不會再挑戰的了。

以本人上年考三級的經驗，只要買本圖中的文法書煲一煲，做做past paper，報個雞精班補補，要pass並唔難。更奇的是，本人考完後再揭三級的書，驚覺有幾個文型事前讀都無讀過﹗﹗﹗

今年挑二級完全唔係三級那回事，深好好好好好好好多，預計應該要考兩次先pass到(12/3/13後按：又真係俾我講中喎﹗)。現在不停同自己講今年志在test吓自己level， 感覺好似輕鬆啲…誰叫本人是考試精…一考試就緊張…

上年hea hea的本人真係準備得很hea，除了past paper、文法書、雞精班的notes外就沒其他材料預備考試了，連一本似樣的字典也沒有，只得查高考時買下的袋裝字典，於是很多字查不到就要上網查囉。本人常到的有Excite和三省堂， 有時就咁開日文輸入法睇拼音，hea得恐怖吧﹗於是心生買部字典機念頭。

一開始不改本人hea的本色，找來NDS出品「漢字そのままＤＳ楽引辞典」，和英、英和也有，而且NDS支援手寫功能，查字無難度；壞處就是字少，三級還可以，二級就常找不到要查的字。趁某博友到東洋旅行時托對方買部回來，事前主打看Casio和Sharp的出品，老實說兩個品牌都差不太多，和英、英和、廿幾三十本字典詞庫、發聲手寫插卡等…睇到本人暈得一陣陣。基本上，對我呢啲成日記唔熟拼音的人來說，沒手寫就不行了，不過有手寫就大舊，這是個trade-off。大舊的它剛好套得在陳醫生新碟的衫仔中…呵呵呵…

若無門路托朋友到日本入貨，還是脆脆地整部NDS好了。之前用過阿媽部好易通，查日文的部份只有「四國字典」(中、日、英、韓)，不用說，查十次有六次都查無此字，激死人的。當然，若閣下自問無定力，會查查吓走去打機的話就另作別論了…

就係咁樣學吓停吓停吓又學吓，於是人家問我學了多少年，都唔知點答…
*********************************************
博友心得：
紫熊大人：日本語能力試, 學日文, 哪一間學校最好?, 守門口的工具 - 日文電子辭典
blue大：電子辭書攻略, 一級攻略

其他的：

日本語學校雜談
日文與我‧問卷調查(這是呃文﹗)