蝦里波特之消失的新人們

每年開展燦爛星光大道的新星多如繁星，但最後有幾多可以留低呢？

競爭這回事，真是很殘酷啊﹗

主打，我係想回顧失消了的朋友~

89年--王菲、蘇永康也曾給視為在這一年正式出道,因為他在這一年才出首張個人大碟。關淑怡
轉戰：彭家麗(好像是開唱歌學校)、林保怡(電視,偶爾主唱令人一聽難忘的主題曲)、譚耀文(主打拍戲) 、蔡齡齡(主打DJ)、寶佩如
已蒸發--麥偉豪、陳德彰、陳思彤、李健達、梅愛芳、黃翊、浮世繪（重組而給視作新丁）、鄭瑞芬、林楚麒、文佩玲、仇雲峰、風之Group、Echo、Crystal Zone

組合…除了Echo和浮世繪外完全唔知係咩…《風之刀》或《風之谷》我都知…風之group嘛…至於Echo，成員李蕙敏後來solo成績因為一首《你沒有(好結果)》紅了一陣子，區海倫《全線大飲茶》了一排，後來結婚去了…

不知何解我極記得文佩玲，除了名字和我一個親戚同名外，就是她和杜德偉的合唱(忘了歌名)，和她的一首《鬥氣》…

90年--尚在樂壇﹕黎明、鄭秀文、戴蘊慧(不停以新藝名再戰歌壇…)
轉戰：蔣志光(無記supporting act王)
已蒸發﹕吳婉芳、陳少偉、姚志漢、袁志偉、莫鎮賢、劉祖兒、陳雅雯、蔡濟文、梁球、曾航生、韋綺姍、新青年、Face to Face

蔡濟文當年和鄭伊面鄭敬基的一首《Home Alone》到現在本人仍煲﹗曾航生和何婉盈《再見亦是朋友》、蔣志光和韋綺姍《相逢何必曾相識》都是盛極一時的合唱歌，後者還有星爺在《家有喜事》最後一幕忘情演唱，於是每到新年都有機會重溫這首經典金曲﹗

Face to Face當年本人都頗欣賞，她們有首主打好似都係叫《Face to Face》是首帶歐洲風味柔情的中版歌(2/7/14後按：最好聽梗係《情迷Milano》﹗)，和Echo的風格可謂大異奇趣，不過其中一位成員遇上車禍，令這支組合提早離場。(5/3/13後按：吳婉芳有本人萬年至愛《秋意中等我》呀﹗)

91年--尚在樂壇﹕梁漢文、彭羚、軟硬天師
轉戰：劉錫明(主打是拍戲，不過都仲有出碟) 、張智霖、劉彩玉、歐陽德勛、溫碧霞

已蒸發﹕黎瑞恩、劉小慧、袁鳳瑛、李國祥、許秋怡、周影、黎明詩、劉漢樂、譚又銘、李美鳳、蔡興麟、施偉芝、花生女郎、民藝復興、Purple Heart、RoseGarden

結婚(黎瑞恩、劉小慧、李美鳳)究竟應該算係轉戰還是蒸發？我都唔知…黎明詩當年我以為佢同黎明有關係…一如陳奕、陳奕詩、陳奕迅…

劉彩玉當年首《紅太陽》(配打歌專用紅色膠裙，極記得)是姨姨心水，於是本人又極記得：「紅太陽你怎麼欠熱情…」，過不久她就拍劇(《蜀山奇俠》鄭伊面版中演欺侮石生的大小姐﹗)和《都市閒情》到現在了…
花生女郎，除了她們有個叫《PP Girls》的英文名和歌外，真唔記得其他了。後來成員張可頤選港姐入TBB再發展，這是後話…其他的組合，都係唔識…

92年--尚在樂壇﹕郭富城、鄭伊健、黃耀明（﹖）
轉戰：張衛健、唐韋琪(首《夢中天使》堪稱代表作…我諗係兒歌界都仲算係樂壇掛？﹗)、何寶生(出家了，算不上蒸發？)、李樂詩&湯寶如(耐不耐見佢地見報唔算蒸發呀呵？)

已蒸發﹕葉玉卿、梁雁翎、鄭梓浩、黎允文、陸家俊、李家明、劉以達與夢、何詠琳、許子聰、豹小子

張衛健92年先出個人碟咩？咁遲？﹗當年佢首改俄羅斯方塊的歌(唔記得歌名)和改林志穎的《真真假假》真不錯…至於近年的電視劇，我為家中電視機著想一套都沒看了…

陸家俊和之前的蔡興麟因為當年HIT到被軟硬收入《廣播道fans殺人事件》歌詞內(詞中的新人都可堪回味)，再被I Love U Boyz翻炒，可能佢地自己都估唔到因為咁於是佢地到而家仲有知名度和見報率…

葉玉卿和梁雁翎可算是許秋怡以外最hit的飛圖女歌手，玉卿嫂之經典不用多說，梁雁翎最震撼我的心靈是根據黃Y文口供(詳情請睇佢本書)，梁當年已穿西太后衣服﹗以她的曲風、mv中的造型…她穿西太后的嗎？OMG…是小學仔的我唔識貨了…嗚嗚…

93年--尚在樂壇﹕莫文蔚、鄭嘉穎、馬浚偉（﹖）
轉戰：白嘉倩(專注做瘦身代言人)、江希文(用番原名出碟，之後又唔見咗…)、劉玉翠(拍劇)、袁潔瑩(拍白瓜牛廣告)、吳君如、楊采妮、車沅沅、黎姿
已蒸發﹕莫少聰、林俊賢、葉蘊儀、王馨平、鄒靜、GirlFriends

這一年的，很多都轉咗去拍戲或電視劇了…

鄒靜我記得佢前幾年仲有係無記度拍劇，最近就真係唔知去咗邊…

袁潔瑩再次不知何解我很記得她有首《放過我》，是當年大學做project時的主題曲…

94年--尚在樂壇﹕古巨基、李蕙敏、張崇基張崇德
轉戰：海俊傑、曹永廉、陳山蔥、孫耀威、劉雅麗、趙學而、張玉珊、李莉莉、范振鋒

已蒸發﹕洪楗華、區紹偉、鍾嘉興、黎瑞蓮、吳倩蓮、陳奕、李孋珍、風火海、CD Voice、An-Doize

海俊傑的《永遠的偶像》仍然長存我等餅迷(老餅的歌迷也)心中，呢首歌真在係太大整蠱了，竟然叫個新人唱…唉…

95年--尚在樂壇﹕陳曉東、陳慧琳、李玟、陳建穎 (改名陳紀匡復生了？﹗) 、羅敏莊
轉戰：唐文龍、郭晉安、黃秋生、伍詠薇、陳浩民

已蒸發﹕李俊傑、劉諾生、康賢、何偉圖、戴恩玲、馬怡靜、伍婉琛、甄蕙文、王翠玲、幕後玩家、天織堂、Black Box、Art Gallery、Twilight、Zen、Summer Grace、Virus

伍婉琛我很記得她同期和郭天王有首同叫《神經》的歌﹗(可惜mv只搵到郭富城的)

94、95兩年人很多，但留下來的卻不多…令人唏噓

96年--尚在樂壇﹕梁詠琪、陳奕迅、楊千嬅、鄭中基、羅堅(之前仲見佢係亞記做配樂…算唔算樂壇啊？﹗)
轉戰：朱茵、何超儀、李中希
已蒸發﹕曾仕賢、Jackals Dream、蔣卓樂、蔡安蕎、Black and Blue

朱茵的《洗衣機》和《地震》…聽完…umum…現在有阿Paul為她主理樂曲真替她高興…

97年--尚在樂壇﹕謝霆鋒、林海峰、陳小春
轉戰：袁詠儀、宣萱、譚小環(呢3個說是轉戰不如說是元神歸位，演番戲咪好地地)、胡諾言
已蒸發﹕沈魚、李君筑、黎駿、丘采樺、黃浩詩、余力機構、陳琪、姚琇齡、紀炎炎、朱潔儀、Dry、Tequila、T & T

譚小環驚為天人的雀籠笠頭封套真係一見難忘，至於碟內歌曲…umum…想聽者可以搵我，因為我唔知痴咗邊條線買咗《我要自主》呢張碟，仲有主打歌《自主》mv送架﹗或者，聽《如果天空要下雨》會感覺正常啲。

姚琇齡和丘采樺出的一張《2 in one》，姚琇齡者即係後來凡事都被請來tarot一留的姚安娜姐姐，姚的一首《狡辯》當年仲被某dj改了做《大便》，為本人當年熱唱過吓的金曲。

千禧後精選：

VRF 金曲精選：寒冰掌(歌詞), Why didn't you (碟評)
呢首歌當年堪稱瘋魔k場(哎呀…呢首都係當年唱k必歌作啊﹗)歌詞極唔知想點：「寒冰掌又推開兩件」，又推開兩件？西餅定蛋散？﹗正經的有《Why didn't you》，這隊組合感覺上頗像後來的EO2(可能比之更正常)，不過係…首《寒冰掌》實在太得人驚了﹗

梁浩賢 金曲精選：含蓄、樂園
我覺得梁浩賢真係唱得唔錯，錯在當年各大唱片公司仍在努力推偶像派新人時，華星替他選了內容頗大膽的《含蓄》作主打，之後再來一首改編平井堅的《樂園》，兩首難度之作他處理得不俗，只是堅叔在香港不是主流，曲可能高了點，也太和寡，就係咁…摺咗…

漢洋 金曲精選：失戀2000
有一水BMA力谷小雪，同時力谷漢洋呢位人兄。當年他們除了合唱《其實我介意》外，漢洋這首激情之作《失戀2000》都幾得，起碼深得我班同學歡心，收到肥咗的test paper之後就高呼「理論之中失戀(肥佬)不算不幸，不再相愛(高分)仍能憎恨，為何難共你合襯」

有緣再續…(即係當我搵到其他年份的新人list時…哈哈)

舊文：懷個90年代的舊
今年新人特別多…
無記歌手…我見和我想…
無記歌手2~舊時歌手今日藝員
究竟有幾多藝人本來唱歌後尾走咗去拍劇/戲？