[雜談]無乜歌星賀台慶

套容天后對佢自己演出環節既評語，這個節目頹既程度真係：「十分入面有一百﹗」

自前兩年復生以來，各路歌星都俾 面出席，話晒多個大騷出嘛，弄得本人是有點期待的，上星期六仲特登留喺屋企唔出街…點知…前輩唔來，咁上下人氣既後輩又無影，得番埋識名唔識歌(vice versa)既(新)人…orz。更無癮的是，環節唔好睇﹗整晚，我乖乖的坐在電視機前收看了…最後幾集《愛情合約》 …

同一晚十一點幾做的《TVB同行40年Mega Mix》好睇幾廿倍。

話說節目一開始就弄了個歌手介紹自己出場，狀甚「晒冷」的opening，睇完…嘩，呢個又無嗰個又無(看報紙知有幾位女歌手受傷去不了，另外有些事前已講明唔去)，滴汗，陣容和前兩年相比實只能用「陰公」二字形容。

無聊的我，做了以下的統計，灰色的是沒去：

環球

譚詠麟、李克勤(按：這個是最後來出來頒獎)、張敬軒、王菀之、蔡琴

正東

陳慧琳(按：陳天后連約都沒簽了…還會來嗎…)、陳小春、關楚耀、孫耀威

新藝寶

陳奕迅、謝安琪、郭芯其

上華唱片

張學友、蘇慧倫、許慧欣、小安

金牌

古巨基、鄭中基、梁漢文、蘇永康、方力申、側田、小肥

林憶蓮、鄧麗欣、吳雨霏、傳穎、楊愛瑾

軟硬天師、RubberBand (按：rubberband應該沒吧？我沒記錯的話)

東亞

黎明、許志安、鄭秀文、楊千嬅、何韻詩、衛蘭、衛詩、應昌佑、方皓玟、劉浩龍

EEG

容祖兒、Twins、謝霆鋒、Sun Boy'z、梁洛施、房祖名、關智斌、洪卓立

煎釀三寶：梁展儀、馮皓詩、袁家怡(<--乜嚟？)、李準基、張信哲

MusicPlus

王傑、鄭希怡、吳浩康、泳兒、鍾舒漫

MusicIcon

黃耀明、林子祥、李逸朗、蔣雅文、王凱駿、Baby Q

EEG Music Family

梁晴晴

華納唱片

方大同、周柏豪、周國賢、梁詠琪(代理宣傳及發行)、李紫昕(代理宣傳及發行)、薛凱琪、Shine(不是解散了嗎？﹗)、Zarahn

BMA

草蜢、鍾鎮濤、鄭伊健、V、關心妍、周麗淇、車婉婉、謝文雅

大國文化

王蓉、朱婧、吳彤、李爍、梁靖琪、許慧欣、郭富城、黃曉明、楊子姍、廖雋嘉、劉子豪、蕭正楠、鏡花緣、飄樂隊

新力博德曼 (Sony & BMG...)

莫文蔚、藍奕邦、陳柏宇、老家汶、王菲 (尚未解約，惟本身己退出)

星娛樂

關淑怡、鄭融

Silly Thing

麥浚龍、郭偉亮、張震嶽、Oscar、吳日言、葉佩雯、Krusty、I Love You Boyz、森美移動

WOW Music （ 維高文化 ）

盧巧音、張繼聰、飛輪海、S.H.E、陳綺貞、范曉萱、阿牛、Tank

LMC Music 內明齋音樂

胡琳

正視音樂有限公司

鄭嘉穎、吳卓羲、林保怡、馬浚偉、黃宗澤、陳山聰、高鈞賢、林文龍（只持有在香港的部分新曲的版權，林文龍本人現和中國內地某個經紀人公司有歌手合約。）、林峰、陳豪、佘詩曼、黎姿、胡杏兒、廖碧兒、鍾嘉欣、陳敏之、楊思琦、楊秀惠(鄧健泓會是簽這家的嗎？)

Neway Star

王浩信、Hotcha

潮藝娛樂

EO2

唔知屬於那間唱片公司：
劉華大帝、杜麗莎、關菊英、李卓庭、Freeze、J.O.Y、農夫、江若琳、裕美

男歌手會爭獎的沒了陳醫生、李克人，只有古巨lei，加上福祿壽三寶(即係倫伯、曾志偉和陳百叻)和Uncle George，會是年尾獎項的預示嗎？天后只剩楊千fa和容天后，何詩詩不去官方原因是早就接下廣告要拍，傳聞是因為相關環節太無聊…話實，我覺得佢唔去好過去，同時大部份環節(特別是女歌手的)都十分無聊，佢呢個做法實在係十級明智。淨下來就是so-called「總司令」的Dodo姐和杜麗莎(敢問細契係唔係？)，話實Dodo姐一個人頂福祿壽真係檔到頭都大埋，阿Teresa一味喺度傻笑，容天后寧願佢唔好講野，數數吓就只有楊千fa偶爾發兩個冷箭串番曾志偉。於是，成晚就係Dodo姐好似發皮四咁係咁鬧福祿壽，好似鬧交，十分煩。

奇又奇在，人腳已唔齊，無記又唔call自己班親生仔女來撐場，代表只有林峰和鄧健泓先生，女歌手可能只有細契一個，是有甚麼驚世奇技於台慶時才表演嗎？﹗諗諗吓，可以叫埋危天行來啦，佢同細契再「靚聲后」和「靚聲王」上身，危天行再表演驚為天人既「坐低」走音秘技，一定能令整個節目生色不少﹗到時我真係笑到講不出聲耶…又點會全程掛住睇賀小美呢﹗

唔知係咪人少少，所以無咗每年我最期待的經典金曲大串燒，換來只有楊千fa和古巨lei的甚麼「招牌乜鬼金曲咩咩串燒」(個名咁上下啦)，一把汗呀睇到我， 呢個可能係全個節目最正常，最related到歌星和無記的環節。其餘的(唔知啱唔啱次序，純粹係以我記憶所及…)，一開始Uncle George由好幾個男歌手以結他伴奏唱出佢既經典金曲…由首先既木結他到後來的電結他…實在啲人彈就彈得好勁，high晒咁，出來的音樂…我又feel 唔到真係由好多支結他一齊彈出來喎…。另外有關心妍、胡琳和江若琳表演的鋼管舞，恕我衰啲講句，雖然睇得出佢地好用心練，但那件尤如睡衣既舞衣和那些舞姿實在…難怪曾志偉串貢貢的話似去老蘭(九龍朗x坊那邊…)，實在有點兒cheap…。然後是EO2、孫生和一個我唔記得係邊個既男歌手出來跳舞，嘩，孫生拍埋去真係…人家EO2跳得極似樣…孫生嘛？﹗Orz…同埋我唔知點解要除衫囉…港男咩而家﹗then有細契孖住衛蘭和鄭融以酒廊歌女feel唱出粵、國和英的金曲，鄭融真係唱得不賴，沒被professional既衛蘭比下去。到中間就係一開始講既楊、古合唱，但唔知點解要其他的歌手好似學生唱choir咁企埋上台大合唱，不過都好，唔係都唔知做乜成晚流流長，千fa演唱會之後把聲仲keep得好好呢，呵。

雖然鋼管舞被某人戲稱老蘭feel，不過都唔夠張敬hins和鄧健泓半男半女上陣合唱得人驚…，佢地勇於奉獻自己實在可敬，不過出來效果是可怖…orz…同埋佢地把聲又唱唔到女聲…首《滾》…真係好驚…邊睇我邊想像緊千fa坐在一邊係咪笑到收唔到聲…

男女子組合作除了楊古那個，仲有一大班人勁歌熱舞的，之後有古巨基既機械舞，又有容天后的甚麼「迷人兵Lady」(可唔可以唔好玩到梅姐首《愛將》怪雞咗？)，勁歌熱舞就算…呃…。但數全晚我最有印象的，是Twins、Stephy和另外幾位彈木琴(是木琴嗎？)的樂器表演…雖說樂器既野係要夾，不過佢地講到好似東華亡命表演咁練得鬼咁辛苦，係咪誇咗少少呀？﹗另，Stephy除了大合唱外，好似就係得呢個環節有份，佢塊面一路表演一路黑，中途先笑番咋… 最終於令我忍不住轉台的環節：曾志偉先生和陳百祥先生以老飛造型出來高歌…orz﹗之後倫伯和杜麗莎出來高歌了兩咀，不過我轉番台睇既時候，已差唔多唱完。

實在男子組定女子組誰勝誰負都唔緊要，呢舖明顯係lose-lose situation，個show奄悶又唔齊人，都係那句，同一晚十一點幾做的《TVB同行40年Mega Mix》好睇幾廿倍。想講，今個星期三既《勁歌金曲》有Jolin、可愛教主和陳醫生，卡士吸引好多囉﹗

上年的台慶日記：[雜談]萬千蒸瓜賀台慶