2011/06/15

轉:香港古裝片造型30年的變化

無意中click到這篇文,看完真係太開心了…小的自小就愛看古裝片嘛,中學時更曾發夢入tbb做服裝部的﹗看完實在係思潮起伏,忍不住要加把口講兩句﹗~

Tirgger小的去寫一寫既就係左邊呢幅金電視的圖﹗OMG﹗小的雖然在舊文說過金電視排版多年來風格如一,但我手頭上的90年代期數(講緊1XXX期)和圖中呢本70年代的(92期﹗)爭成十幾廿年…個封面設計係如一架﹗﹗﹗﹗﹗我睇既時候賣5蚊本,92期係5毫子﹗﹗﹗﹗﹗(握拳﹗)嘩﹗﹗﹗﹗﹗(我係咪應該去中上環啲舊物店度睇吓有無實物睇呢?﹗哈)

(小的是80後嘛,有印象/實物的都講緊8尾9頭了…見到70年代的東東真係好新奇…哈哈…)
((BTW,我記得小時跟爸爸去more law街,啲攤檔有啲舊《蛇貓狗》,個封面係著住健康舞衣架囉…囧))

70後…
(我咁樣寫乜乜後會唔會令人search錯入嚟呢?﹗哈哈哈)((圖片刧自網路資源))

70年代電視劇我好像只看過《浮生六刧》(哥哥﹗)、《網中人》和《家變》,古裝片應該只有《沅花洗劍錄》,啲戲服的第一印象就如左圖呢套佳視的《神鵰》一樣(雖然其實我未看過的…) :窄身上衣加褲,簡單素色無花臣,女角就幾條辮仔咁…simple到不行的說…其實我睇唔到個造型有配合番個角色性格喎﹗(小龍女唔白衣飄飄我點知佢係小龍女呀大佬﹗)

再搵吓,秋官叔叔兩部《倚天屠龍記》和《書劍恩仇錄》啲衫都靚咗好多,裁剪多咗detail位之外布料pattern和顏色都多咗好多配搭,加埋髮型配番衣服顏色既頭飾,咦…又幾有80年代初啲史大奧喎﹗

另,我想問其實清裝唔剃頭,成個頭笠實的頭套係咪無記創出嚟既呢?雖然我都明吓吓要男演員剃頭又拍唔到時裝的了…是有點費時失時的…另…安安姐的香香公主真係好靚喎﹗…另另,阿姐的霍青桐又真係好清秀… (呀…好似出咗vcd架喎…我想睇呀﹗)

(呢部竟然有毛姐的…好爆﹗)((文戲和武俠片應該分開睇吧﹗))開首說的文章話70年代的戲服仍保留戲曲(是粵劇吧﹗)服裝的感覺…細個時逢見到如圖中啲女仔,上身披住的外衣咪好多時有啲「的絮」吊落嚟,我就好想meet晒佢走…哈哈哈…





80後…

從小的睇完幾部80年代經典的金老電視劇,80中前的有以下發現:
  • 一定有條白色領喺頸,疑似底衫,出面搭幾廿層輕紗飄飄吓的(但我覺得係車埋一件來的),跟住成日都有金線或銀線裝飾(不論男女),啲鞋多數係黑白色中或長靴…內裡的襪又一定係白色…通常俾得你睇,一係瞓覺,一係連襪都要除埋俾人r腳板底…或睇吓有無腳踏7星…又或者係吸毒血…
  • 袖口一定係金/銀cool手的,有時見到係魔術貼…古代有呢啲野架咩咩咩咩咩咩?(都好架啦…睇《梅花三弄》直頭見過清裝後面係拉鍊…o了咀…)
  • 男男女女眼(或鼻)影都超勁…呢個係normal妝咋喎,如果中毒既話個黑色唇膏會勁厚的…(我諗起《蓋世豪俠》的古艷陽…)
  • 啲女仔一定係梳起前髮,跟住剪啲短短的留海彎彎的垂在額前…小時我成日想知點樣可以整到咁圓咁彎呢?同埋有時見佢地頭髮有曲髮…古代電到髮架咩?﹗囧﹗

80中後的除了戲服唔再一味白色領,個design越來越破格(回帶:《蜀山奇俠》楊寶玲和李婉華啲衫我覺得係芭蕾舞衣嚟架囉﹗) ,跟住啲髮型唔再一味短留海,好多時係將前額頭髮gel成一pat加頭套…而那水應該很流行電大波浪曲髮吧﹗記得睇《仙侶奇緣》時陳慧儀就係電了一頭曲髮…跟住正常造型有頭套笠住係ok的,當劇情講佢受傷披頭散髮時…佢本身的曲髮從頭套中fei了出嚟…跟住佢本身的頭髮又長到面珠…一pat野咁fei出嚟…加埋後面的長直髮…成件事好唔正常…古代無理由有人可以前面曲後面直咁爆掛﹗(我認真了?﹗)…呃…想講呢個時期造型係好破格…但我覺得唔靚…
其實每個朝代啲婚嫁服應該有分別的吧?點解劇集啲鳳冠都係差唔多,跟住套衫又一定係那隻清裝企領和有白色毛毛既呢?(我又認真咗?)…同埋呢…80年代啲清裝衫係薄啲架喎…同埋一定要有那條紗布拎喺手的…又係我小時的疑問…咁薄eateat既野…抹野吸水架咩?

90後…
(左:我最愛的《蜀山奇俠之仙侶奇緣》呢﹗)…90年代初幾部《風之刀》、《武林幸運星》、《烏金血劍》(《奇幻人間世》?)啲髮型都誇誇地,頗有80年代中後的風格…啲男角髮型通常帶多pat留海,成日好似瞓醒未梳好頭咁…

9字中後無記又翻拍金老,一連幾部《射鵰》、《神鵰》、《笑傲》、《天龍》、《碧血劍》、《雪山》、《鹿鼎記》等,啲戲服層層疊,見到都覺得熱(古代夏天唔熱咩?雖然話那時未有溫室效應啫…),女仔又開始垂番留海(當年我覺得傳明憲的郭芙和陳彩霞((好似唔係呢個名啦喎…))既小師妹好靚的~)…清裝劇呢偶然會有一套半套男演員會剃頭…但得一個半個剃又唔係全部剃…不如唔好剃啦…(如:《笑傲江湖》的恆山派…)

---無意中發現的…原來唐寧有份做96年的《笑傲江湖》喎﹗





圖中既《楊家將》其實係80年代產物,不過我想問點解金國人成日都戴第三行從右到左第三幅那種白色帽…83睇到94《射鵰》喎﹗同埋蒙古人一定束"嬪"辮,然後佢地對鞋個鞋尖通常會有個勾突出嚟…廿年不變﹗其實係咪同一堆戲服道具recycle架咋?﹗

講起recycle,古版《神鵰》中年和年青時黃蓉黃色及紫色套戲服成日見reuse(雖然我唔記得劇名…)…我諗著咗座底有7,8年…好環保的說﹗(仲要係一set咁著喎…好難唔認得啦﹗)

9字中後造型回歸平實,真係好深刻的就沒有了(除了我覺得靚那些囉…)…好似沒有80年代那些咁sharp呢…

另一篇整理文:我看金庸小說1~電視劇篇

千禧後…


記得睇《天子屠龍》或《乾隆大帝》(有人知道是甚麼嗎?),啲造型係奇hea無比,腳上無花盆底,頭頂的是疑似卡紙的髮髻,睇到咀都o埋(人家台劇除了拉鍊戲服,大部份時間都是認真的)…千禧後幾部大型古裝片又認真咗喎,服裝、髮型和飾物都落重本…起碼唔覺係recycle的先啦﹗雖然劇情就…呵呵呵…(回帶:其實《洪武》啲皇后公主造型都好靚好grand吓的…)

(嘩﹗都是s4主演的…)…我想問點解啲古裝片咁鐘意有舊野笠喺個頭度呢啲男仔?(林lone的那兩套之外仲有套bobo和唱k的《肝膽崑崙》)((千禧後好似得一部程至美醫生版的《倚天》,跟住就開始拍其他如溫瑞安、黃易(古龍?)啲武俠小說啦喎…))…乜唐朝和宋朝同一個郁的嘛…well,00後啲劇集好多時女仔都唔整啲短短既留海,反而係一pat gel埋成中間界或側界,衫那方面跟90中後沒太大分別囉…(無意中見到《英雄.刀.少年》…又係一班人無啦啦剃頭跟住有啲無剃的奇怪組合了﹗)

我睇得好開心的《王老虎》呀﹗好耐無見過的短短留海啊…阿文賓和祝枝啲戲服好retro…勁70年代…哈哈(開首幅《金電視》呢)…同埋我充滿疑問那套新娘鳳冠和衫,點解個個朝代都一樣既﹗﹗﹗﹗又講開…呢套劇睇得我好開心的說…唔爭在貼多幅:

靚﹗爆﹗哈哈…

好…以上。再續~

10 則留言:

  1. 過路人23/3/12 14:44

    兒時,T記開拍金庸好影響在下而古裝服就沒咩研究LA

    15th Jun 2011 17:56 PM

    回覆刪除
    回覆
    1. 細個時我會認真到整古裝衫俾BARBIE著的…XDDDDD

      16th Jun 2011 11:49 AM

      刪除
  2. 頭套應不是無記發明的。話說我睇英雄本色時,驚見狄龍髮線極後,原來佢因為以前拍古裝戴頭套太多搞成咁的。

    陳彩霞->陳少霞

    15th Jun 2011 22:37 PM

    回覆刪除
    回覆
    1. 頭套唔係…粵語片時已經有啦應該…我係諗緊包晒成個頭的清裝頭套…清朝應該係要剃咁一半去架嘛,得番後腦啲頭髮喺度…
      係喎…我COMBINE咗人家個名…=P

      16th Jun 2011 11:51 AM

      刪除
  3. 但我成日係度諗,古代人唔比剪頭髮,身體髮膚受之老豆老母,應該唔會有瀏海嫁bor!!

    16th Jun 2011 10:38 AM

    回覆刪除
    回覆
    1. 我都有呢個疑問…不過一世人流流長,唔剪的話咪長過萬里長城…總得修剪一吓吧…篤…

      16th Jun 2011 11:52 AM

      刪除
  4. 講到尾清裝最難靚,來來去去都係果D衫,變化唔大,唔怪得佢,清裝無咁天馬行空,再古D都可以玩下野,清裝唔可以太離譜。

    民初四個袋以前覺得唔靚,不過而家葉問果D戲整靚左果D衫,都覺得四個袋唔錯,其實四個袋清朝其實有無?

    記得洪金寶勁舊同元彪有套敗家仔,講詠春宗師梁贊,個肥妹竟然有著開叉其袍,應該搵笨,開叉其袍應該都民初,而且D平民女人都係著好似黃玉郎醉拳,醉娃果種衫

    好難怪電視台D古裝唔考究,因為跟足,我諗都唔方靚。


    18th Jun 2011 12:44 PM

    回覆刪除
    回覆
    1. 清裝個mode好似比較固定啲,都係髮型、布料配搭度加加減減,唔知點解呢,可能細個睇埋太多《新月格格》、《梅花烙》呀咁,特別係宮廷劇覺得啲衫好靚…哈哈…無記啲服裝又真係無乜考究架喎,清裝自己獨立咗一set,但其他對上的朝台幾乎啲衫係撈亂嚟著的,總之笠了個假髮就係古裝的了…衫都算了…離譜極有個限度,啲對白時空交錯先恐怖…不過…tbb…唉…算啦…

      22nd Jun 2011 15:26 PM

      刪除
  5. 嘩,睇電視睇到咁PRO!再認真啲可以做論文,研究香港電視發展史喎~

    19th Jun 2011 16:55 PM

    回覆刪除
    回覆
    1. 如果吳昊請我我好樂意幫佢手架﹗

      22nd Jun 2011 15:27 PM

      刪除

要講幾句嗎?﹗XD