2010/09/19

突然懷舊之翻唱篇


呢水在聽胡琳(叫小琳很奇怪咁…囧)既新碟《Jazz them up》聽得很入迷,《我是不是該安靜的走開》和《我為何讓你嘔》啊﹗郭城城啊﹗

(無視了碟入面其他三大天王既選曲了)實在小的頗喜歡jazz風的,唱起來懶洋洋咁,和原曲稚嫩得快要走音的少男情懷真是完全扯不上關係囉。

翻唱一係就原汁原味咁唱,但珠玉在前很容易新不如舊;改頭換面一係就驚喜一係就驚嚇…又係翻唱四大天王…我諗起幾年前黎老闆隻碟…囧﹗


Janice第一隻碟係翻唱佢老細既歌,第一次聽呢隻《一夜傾情》真係好驚喜,本來我已好喜歡這首歌,翻唱版放慢了節奏編曲又jazz風了…更突出到Janice把靚聲,雖然係好酒廊feel,但聽落仲配合歌詞既意境喎﹗我係好認真咁買咗呢隻碟架﹗那時個封面係ok唔得人驚的…

只是佢後來啲碟…越唱…越…頹…


講起四大天王幾得劉uncle x年前出過一隻翻唱碟…仲plug咗《昨夜渡輪上》…攪到我搭親小輪都想煲一煲呢首。郭城城不太覺佢有翻唱過…咁張天王呢…我好有印象係上link個《活出生命Live》入面cut《瘋了》﹗不知何解成個live我最入迷就係呢首,好好un~yeah﹗來瘋戀我吧~~~~但學友爸爸個頭好難受…囧﹗


小鄧姐姐既歌係我娘既飛佛,但多年來小的都不太聽得入腦。反倒是見王菲出《菲靡靡之音》時竟然聽得入神…之後好神心咁搵番娘啲珍藏碟出嚟聽番原版…我諗王菲好成功咁將偶像既歌推介俾年紀細啲既朋友啦。個人飛佛係上圖呢cut,好迷幻好型﹗

貼得一首小鄧翻唱曲真係忍不住貼多首sk姐的,尤記得娘當年覺得佢將呢經典攪到不倫不類(好有型喎﹗仲迷幻多啲添﹗)…如果我無記錯,那水好似阿江希文都有翻唱過呢隻歌…個效果好似仲驚天地泣鬼神多啲喎﹗

btw,sk姐喺上一個演唱會度翻唱陳醫生《明年今日》又係好正的說﹗


話說呢小的一向不click王菲既,某次睇陳妖lone套《停不了的愛》,結尾主角死掉後播著這首妖lone版《我願意》…不由自主地…哭…了…(呢套片我翻煲了好多次既﹗哈哈)…某次喺有記電影台見到播舊版《停不了的愛》即刻神心地睇番啦…車﹗都無關係既﹗不過劉uncle個版本呢,又係一個抽心既悲劇呢…阿海潮和劉uncle當年都好圓潤啊﹗XDDDDD


呢個世界究竟有幾多個人翻唱過《Fly me to the moon》呢?﹗選光妹這個無乜原因既,因為係我第一次認識呢隻歌~(1/3/12後按:為了探究呢個問題…寫了這一篇:突然懷舊之《Fly me to the moon》)


有啲爆咪…但想講首歌旋律很動人,歌詞又夠細膩,最唔ok係個原唱者(死啦…我會不會俾人打架﹗)…聽到呢堅叔呢個版本真係好感動…實在太出色了﹗編曲照足原著…實在係技術性擊倒囉﹗卒之不用忍受副歌那個走音位了…。另,《Ken's Bar II》入面仲有一首《Because of you》都係本人飛佛,好奇聽番原版…嘩﹗好yoyoyo既美式快版歌嚟架喎,堅叔就rearrange到慢版結他unplugged咁款,唔講都唔知係同一首歌﹗

翻唱過《Close to you》既人又係多如天上繁星吧﹗即係呢,第一次聽《Coco d'Or》係好驚喜吓﹗Hiro係唱開SPEED架嘛﹗無啦啦走去玩JAZZ喎﹗睇吓啲歌大部份都係老歌﹗(完全拉不上關係﹗)聽落效果又很搭配…後來仲有一隻第二集,俾我聽到爛咁濟~

(前陣子阿泳兒姐都翻唱過,仲改了中文版《》 …係咪又係珠玉在前關係呢?硬覺得歌詞變了中文怪怪咁,硬譯英文詞變中文又係好怪…更不要提泳兒姐呢一身…黃色芒果郁啦﹗但佢唔苦口苦面唱舒情歌係OK既…呢首比起《花無雪》既硬詩意已經好好多的了…)

((1/11/11後按:條片死咗link呀﹗聽住《What a wonderful World》先啦﹗哈哈))

話說呢,小的係相當喜歡RUBBERBAND主音把聲既…咁我覺得其實呢首佢地係唱得平平實實咁… 但聽完啲女將既作品…呢首《認錯》係超得啦﹗

另一篇:翻唱潮

4 則留言:

  1. 你講的好多我都好同意:
    - 胡琳新碟係好聽, 但Janice果隻仲正. 最愛同你一樣都係一夜傾情.
    - 我buy SK 姐的忘記他多過鄧麗欣 ... 呀唔係, 鄧麗君個版本囉
    - 泳兒唱的 "近" 我冇意見, 但當佢直接翻唱 "Close To You" 就得人驚, d英文勁到呀 ......
    - 聽劉華大帝翻唱, 梗係唔少得果首 "你把我灌醉" 啦. 中間 bridge 果一句 "放不下你是我活該" 簡直係神"水".

    20th Sep 2010 08:43 AM

    回覆刪除
    回覆
    1. 可能係janice第一隻碟俾我太大驚喜,之後佢唱番流行k歌就覺得好普通囉…
      史姐有唱過忘記他咁驚咩?你嚇死我囉﹗哈哈。咁sk姐個版本同鄧麗君姐姐那個係好唔同既,小鄧姐姐一路都係溫柔架嘛,sk姐好迷幻的…
      泳兒把聲係ok既,佢唱功都係ok既(起碼唔會走音先…),但唔知點解佢啲歌我好唔ok…硬覺得好悶無動力去聽…

      9th Nov 2010 18:07 PM

      刪除
  2. 啱啱買咗胡琳!過兩日貼文先。
    《你在我心中》係我最鍾意阿FAYE的歌之一。成功將The Cranberries同Cocteau Twins的風格融入首歌裡。
    《忘記他》中的AD LIB又是一絕。
    FAYE同SK兩隻碟係經典!遲啲再貼文先(開BLOG之日已經打算寫呀!嗚。。。到而家都未。。。)

    20th Sep 2010 21:32 PM |

    回覆刪除
    回覆
    1. 我inspire了你可唔可以收番錢呢…umum
      你講那些我歌手我都無聽喎…曲風如何我唔識分析啦,總之無啦啦我覺得《你在我心中》很合我意…一路我麻麻地菲姐的說…哈…

      9th Nov 2010 18:10 PM

      刪除

要講幾句嗎?﹗XD