2008/09/18

[日劇]懸疑復仇悲情片@《魔王》

(又出現了﹗哈哈,都估到我睇完一定忍不住賦文一篇的吧﹗哈.哈.哈…)

(故事、人物簡介可看舊文中貼的連結,小的越來越傾向不貼劇照和劇情了…懶…)

注意:大雷呀吓﹗
我喜歡日版:
    • 是我睇唔慣大韓男子,還是我真係中J家/日劇毒太深呢?我真係睇韓版兩個男主角唔順眼,一睇日版啲人就順眼番晒﹗(在等日版播出的期間,小的煲晒20集韓版了…卡卡)
    • 芹澤和成瀨都成日喊﹗(特別是結尾…這是讚嗎?﹗)
    • 演成瀨的大野智大部份時間都係板起臉扮冷漠,到結尾他信念開始動搖又要死雞撐飯蓋的茫然表情,就算對住老戲骨都無被比下去﹗據說他平時個人係傻傻地天然呆的…
    • 演芹澤的生田斗真有啲位都好over吓的(XDDDD…這句是踩…還是讚呢?)。劇情發展下去芹澤要面對痛苦過去,又要目睹至親好友被害,明知兇手是誰但又苦無證據,痛苦、失落又不甘心的表情/眼神叫人心痛(會有人覺得這是花痴偏心論嗎?﹗)…。比起之前學生傻小子角色,芹澤這樣熱血刑警角色確係難演好多…
    • 芹澤前往廢車場時那個邪邪的眼神,有一刻我蠻期待日版會弄個出人意表的結局…結局其實我已看了韓版,日版是跟足無改動的。
    • 不過這樣的結局我很喜歡,改了我可能又不滿意﹗
    • 山野一段有點改動。個人覺得佢先係魔王,仲魔過律師成瀨。
    • 看網說日本有芹澤劇中常戴的黑色電子錶賣…我都想要啊…幾型的說…(離題了…)
    • 見到芹澤件軍綠褸就覺熱,成瀨一日到黑都西裝更熱…
    • 韓版二十集都唔算多,劇情都算緊湊的。日版製作很細緻,將韓版的精髓都保留了。十一集的日版更勁,真係抖氣位都唔多,又成日欲蓋彌彰,當觀眾/直人以為下一個被害人是甲時真正被害的卻是乙,真係估佢唔到…(不過第九、十集都放慢了…)
    • 韓版在海茵到廢車場後就完了。我倒喜歡日版用兩隻蝴蝶象徵刑警和律師二人從十一年前舊事解脫,不過…蝴蝶…有點《梁祝》feel…呃…
    • 很喜歡主題曲《Truth》一句歌詞"I take you life forever, you take my life forever",簡單點出劇中你追我逐遊戲原由。雖然,我還是不太喜歡聽Arashi的…
      我喜歡韓版:
      • 夾在兩男主角中間的女角作用是安慰天使,日版的詩織妹妹哭臉超多,開始是好言相勸,後來我覺得是用眼淚要脅律師成瀨了,好煩(我懷疑是同一原因所以我不喜歡看恨兒…)。韓版海茵雖然都有為律師流淚,只是當她知道律師不會/能回頭,溫柔天使選擇在黑暗隧道盡頭等他,雖然有點無奈,不過更能感到她對他的心意。
      • 日版的大嫂一副多情(二奶)格,睇個樣唔攪婚外情才怪,感覺她和芹澤家的人很疏離…。韓版的大嫂較賢良熟德,韓版老爺死時家屬只有大嫂在場,又耐不耐關心吓刑警小叔,這樣的老婆紅杏出牆才更為被蒙在鼓裡的大哥不值吧…
      • 韓版除了刑警和記者(不過被幹掉了…)一直苦苦追查連串殺人事件真兇外,還有老師和律師樓事務長。日版刪了,好些對白落到刑警芹澤老頂中西主任度,另外就靠詩織睇殘像,好像科幻了點點…其實我比較喜歡韓版的安排,有老師和事務長加上海茵關懷,無日版一味靠詩織喊攻咁煩…
      • 篇幅問題,每位被律師推去借刀殺人的兇手日版沒時間follow,韓版就follow埋審訊,好似完整點。日版有點打完齋唔要和尚…雖然有天使律師同佢打官司,但打唔打得甩呢?
      • 又係篇幅問題,韓版對律師點樣處心積累向刑警報復著墨較多,更顯其魔性,成個plan勁精密極細心,淨係佢點搵各案既替死鬼,又鬼咁有心機寫信俾佢就知…。
      • 唯,演海茵媽媽那位auntie塊面和條頸係兩截色的,化妝唔得,令人極度不安…
      總結:
        • 主角問題,小的definitely支持日版﹗呵呵…
        • 看網上博友的文評價都唔錯啊,難道「叫好不叫座」都是本人支持劇集的宿命?﹗
        • 管他,總之很精彩就是了。很難得有套劇可以看得咁投入,直頭替主角肉緊,想佢快啲搵到兇手就唔使被折磨下去…(看得出小的係企喺芹澤那邊嗎?XDDDD)
        • 疑問:近親牽涉的案件,不是應該避嫌調離調查小隊的嗎?怎麼兩劇的刑警還可以查落去…我是看港劇太多上了腦嗎?
          後感有點散亂,pt form好了。回看夏季劇第一周除了看《魔王》還有看《Code Blue》,不過去到中段感覺很重覆放下了,劇情好像有點例牌…umum…好唔好埋尾煲咗佢呢…還是等下一季新劇…orz…

          延伸讀閱:
          日韓《魔王》比比比﹗
          《Code Blue》和《魔王》1集後感
          from KIUI:《魔王》全劇觀後感

          14 則留言:

          1. 咖啡之心11/8/13 16:25


            我都選此劇為今季的第一名,實在太緊張了. 不知韓版是否和日版一樣死咁多人,上一次會死咁多人的都應該係"白夜行"了...

            18th Sep 2008 13:45 PM

            回覆刪除
            回覆
            1. 《魔王》係我心目中08暫時最好的劇集啊﹗哈
              日版死得更多,韓版沒說葛西會死,山野又無被警察殺死,大哥也沒自殺…日版死得更多…
              《白夜行》都係我心目中黑暗悲劇之選﹗睇完個人好唔開心的說…(我仲要年三十睇完喎…跟住都提不起勁去拜年啊﹗)
              20th Sep 2008 17:38 PM

              刪除
          2. Code Blue我也是中途放棄
            一來愈來愈忙沒什麼時間看
            二來劇情太公式化, 沒有令我追看下去的動力
            不過遲些有空可能會再看吧...

            18th Sep 2008 19:31 PM

            回覆刪除
            回覆
            1. 睇《code blue》純為睇山p,如果想睇醫療劇的話實在有太多更好的選擇了…
              我係見既然開咗個頭就唔爭在睇埋佢…
              20th Sep 2008 17:40 PM

              刪除

          3. 韓版我爛尾,信王子魅力不繼,顯露演技過嫩。嚴大哥又無乜魅力,故事離奇,看得吃力,投入不能。走去看日版,可能打了個底,跟到劇情了,也覺得日版氣氛好些,但又覺得少了點甚麼。看罷你的文章,我明白了。韓版太多細節,遲鈍的我看得一頭霧水;又,韓劇某些常見現象,小的看了幾年還是看得頭皮有點麻。日版精簡了卻跳過很多前因,有點衝來衝去的,有甚麼丁點兒事卻又不厭其煩地給你加長版反應表情。整體上覺得日版好看些(其實韓版沒看完)。我看兩男角在日版裡演得很不錯,生田沒讓人失望,那個熱血的角色換了另一位人氣小生很可能會一味灑熱血賣正義,然則由頭帶到尾好立體,雖然劇本要他有點重覆(全東京咁多警察,係你先可以拉你老豆大佬?應該找個無親戚關係播先啱。想起多年無看的港劇)。另一位以前未看過的j系男生,估不到做得這麼好,雖然樣子有點奇怪,圓圓的臉。女主角則韓版的演繹與描寫稍勝。嘩,突然寫咁多,其實我對此劇不大熱衷,發神經,打到頸痛。

            30th Sep 2008 15:36 PM

            回覆刪除
            回覆
            1. 韓版我係本著想知結局而努力捱完的。我本身沒看韓劇,不會中朱生的毒…而嚴大哥我覺得佢太輕挑,反而無日版生田那種被往事壓著的沉重感…總之就係看不順眼﹗卡卡…
              撇除我對日版男角的喜好,其實故事上日版係過份簡單,不過氣氛取勝,韓版就勝在情節交代和人物關係表演較細緻,而且唔拖拉,很難得一部暢快的韓劇…所以我捱得完的說﹗哈哈…
              人物我當然選日版囉﹗卡卡。大野智之前我都沒看過他演戲,他初出道時我嫌他樣子太陰柔(比堂本光一更似女生…)。看完卻驚訝他出奇地適合演這個陰沉的角色,看落去會令人毛骨悚然的說﹗生田呢,小的看第一集《魔王》時還未看《花君》,真的被他那熱血吸引了…呵呵呵…睇番佢啲舊戲,呢位小弟弟戲路都幾廣泛…。j家train人果然有一水,不拍劇嗎?就用舞台劇,一樣可以鍛鍊一番…
              實在我都唔明點解唔掉走芹澤,喂,中招的全部都係佢身邊的人,仲可以冷靜辦案嗎?我覺得呢個係bug呢架…雖然全劇我還是看得很投入…哈
              1st Oct 2008 23:43 PM

              刪除

          4. 都想叫山下(山p)浸浸舞台劇呢,呵呵。生田的戲幾掂,戲路又廣,仲越看越靚仔添,閉啦。話說生田戲中大老都好勁,上次在first kiss見過他,好搞笑的,今次好不同,完全沒剩下半點影子。

            2nd Oct 2008 10:49 AM

            回覆刪除
            回覆
            1. 山p呢…我覺得佢同龜梨都有少少做自己多過演角色,可能係角色類型似似唔係懶cool就係傻小子,好像都沒有太大深度,讓我次次睇親都覺和以前差不多咁…
              齊齊中斗真毒吧﹗呵呵,睇番原來佢都有演堂本光一套《shock》…不過我唔係次次出dvd都買(貴呀…)返去睇吓屋企隻碟有無斗真既先~
              阿大佬係戲團hitori,本身係諧星攪笑架,《魔王》度佢咁正經真係唔多慣…有啲位我想笑的說…
              2nd Oct 2008 11:40 AM

              刪除

            2. 唔,有點期待下次斗真的演出。找來流星二,差點認不出哪個是他。
              大佬原來係諧星本身,在魔王中,除了初事,後來他又苦又嚴肅的樣子,我都替他苦呢。

              5th Oct 2008 03:33 AM

              刪除
            3. 《流星二》我係睇完大家劇評後感先去睇的,只係覺得個角色好似層相識,呢啲漫畫惡霸身邊的女生總係有人不懷好意要對付的吧?不過奸奸地又幾譆癮的…
              斗真家陣做緊舞台劇,最快都要出年冬季一檔啦…
              而家我全心期待二宮和也同錦戶亮套《流星之絆》了~呵呵…
              5th Oct 2008 12:58 PM

              刪除
          5. 你有個隻"shock"或者"endless shock" dvd是無斗真, 因為佢有份做個年都無出dvd... j+都唔知係咪專登, 之前同之後都有出dvd, 係佢有份做就唔出...激死人~~

            13th Mar 2009 22:35 PM

            回覆刪除
            回覆
            1. 我買過一次shock咋,應該係2002左右的,因為睇時唔知佢up乜,成隻碟pat咗喺度無睇過lu…
              斗真加入演出時我已經無心機買碟嚟睇啦…
              21st Aug 2009 21:37 PM

              刪除

          6. 路過舉手, 我是嵐飯更是魔王的大粉絲! 愛死這套劇了 !(泣)
            記得看ENDING時真的哭的很誇張, 領的最終目的太SAD了 -V-
            你的疑問也是我的疑問, 不過劇情上的小bug可以接受 ... 而你說的有《梁祝》feel, 只要是中國人都會被雷到 ... 不過我偶然在其他網友的討論中看到, 原來在基督教還是天主教中, 蝴蝶是代表寬恕, 而不是《梁祝》的化蝶 ...
            日本和中國的文化差異就在此時體現出來了 -口-

            16th Aug 2009 03:11 AM

            回覆刪除
            回覆
            1. 嵐的歌我較少聽,但呢隊既成員拍的劇我幾鐘意睇的,特別係二宮和也~幾乎係套套都睇的說…
              《魔王》本來係為睇斗真的,不過大野智演出確係令人眼前一亮,呢套對我來說係近兩年我覺得最好睇,同埋最有印象的一套﹗(仲令我中晒斗真毒添﹗哈哈…)
              umum,原來蝴蝶之謎係咁解,真係多謝你指教,睇日劇版大結局時我已經煲完韓劇版,韓劇版係無呢幕蝴蝶的,睇既時候仲覺得怪怪地諗緊點解,原來係咁既原因…umum
              21st Aug 2009 21:42 PM

              刪除

          要講幾句嗎?﹗XD