[日劇]《民王》SP~《新たなる陰謀～》&《恋する総裁選～》

貝原小秘書徹底搶鏡，獨立成書喎﹗…哈哈﹗再次多謝某博友幫手代購，讓大家可以抱小秘書回家…不過要看的劇和書太多…我未揭傳說中的一萬字訪問…哈哈

小秘書與六怪客看了一集…好似《歡樂今宵》短劇咁…感覺…呃﹗看官網第三集有菅田dd粉墨登場…好啦，我睇。

我成日覺得如果貝原小秘書從政，咁佢既秘書一定係翔君啦~

好啦，筆記一吓兩集SP先~

1. 民王スペシャル～新たなる陰謀～

故仔都係跟番原作，只係將靈魂交換玩大咗，阿爸同阿仔交換完阿仔再同另一個昏迷病人再交換，而那個病人就快拔喉，於是就要快快手換到真兇。同時，有六個高官被人攪鬼地跟幼稚園學生交換咗…

啲小朋友老積地扮大人係幾好笑既，不過就說不出有甚麼新意…

我懷疑遠藤大叔之前有套《請讓我叫你做阿爸》，跟住又同真田爸(aka阿女阿爸)一齊拍緊《真田丸》，佢個樣好殘好謝同好瘦，好似菅田dd都要大隻過佢了…囧。然後可能佢無乜時間出外景，所以只係講佢喺飛機同出國接見佢個friend加得納總統，其餘都係同行小秘書和菅田dd的戲…

<--本篇讓人睇得很開心的公安新田都無乜戲…換來一個short short地的男公安和cool cool地的女公安，男的那個超好笑…哈哈哈…

故事老梗嘛，梗係喺泰山一番口水之下感動咗犯人度番阿仔，阿仔以為無咗既工又keep得住貢啦…時間太短所以個plot好簡單咋…真衣和繪里香都出得一野…

以為今集唔係小秘書主線啦…但佢勁搶鏡…除了一貫的神奇口袋之外…仲有不停出現的手刀、按摩連注射都做埋…佢太多功能啦﹗然後遠藤大叔被小秘書人體奧妙展人體奧妙展人體奧妙展覺得佢好辛苦…囧﹗

死啦…反應好冷淡添…因為小秘書的一集好睇好多呀﹗

2. 民王スピンオフ～恋する総裁選～

片頭小秘書將泰山父子的相換成自己好好笑…

又流鼻血﹗哈哈哈﹗同埋小秘書不停拗柴…這回是劇組自己創作的，主打講番貝原小秘書秘書之路，同佢跟雪野詩音青梅竹馬得來又帶政治陰謀的一段情。雖說是脫離原作，但有紋有路跟主篇風格很配呀…

然後小秘書原來係傳說中秘書的兒子…

喂呀…做乜小秘書讀書時會留花輪同學頭既？

然後泰山、小秘書、真衣、繪里香和翔君全部同一間大學出身﹗咁狩屋係唔係呢？

<--小秘書中學時口袋會有牧童笛就話，怎麼成為秘書後仲有…btw…你個friend圓面偶像吹牧童笛ok架﹗哈哈哈

個愛情故事一時甜一時苦又一時有陰謀又一時被小秘書智破…係好好睇﹗完全覺得好睇過上面個SP…電視台係咪有心推小秘書出regular啫…哈哈…如果佢做官員…一定要搵翔君做秘書…

同埋呢，其實小秘書大義滅親當中都有啲道理，但就無上面SP講得咁悶人…噢…翔君…sorry…其實我都好支持你﹗菅田dd…我有睇你套《情歌》架﹗哈哈﹗

《六怪客》後感再補﹗以上。

本篇：[日劇]《民王》