2013/02/25

突然懷舊之HOCC篇

原來我一路無貼過關於Hocc的Youtube文,上面Tag度留了「十首」一欄,就讓我填密佢吧﹗哈哈

Um,一切都因為梅姐

得承認,如果某詩唔係梅姐徒弟,或者唔係咁啱當時身邊有個同學勁推《First》,我可能是唔會留意佢的…因為我唔鐘意聽rock架﹗btw,某詩作曲俾梅姐的《由十七歲開始》都好好聽的。

btw,其實我好後來先知Hocc的讀音就等如「何詩詩」…我仲諗緊係咪讀"hosts"…錯晒…囧…而我都linkup唔到某詩原來叫Denise的…

《未來》~究竟是出既時候聽的定係在鮮奶遇上某詩粉而聽番的?唔記得了,比起頭兩張懶rock的碟,小的比較喜歡《未來》和《水花四濺》同某博友大推的《喜歡喜歡你》啲小品野…就是很清爽囉﹗(做乜整了張咁cuitie的合照…btw…)

《如無意外》~一跳跳到去《艷光四射》隻碟,碟係買咗但我只rip了《如無意外》、《明目張膽》、《你是八十年代》、《艷光四射》幾首(係喎,點解呢?)呃,呢首係繼容天后在演唱會唱《最後一課》後另一首會讓我聽到眼濕濕又很窩心的歌…(我覺得《絕對》都會有呢個效果)

《花見》~我知我知,那一水應該係《光明會》嘛﹗某博友次次唱k都點既,睇到熟晒(《我是芭比》都拜某博友所賜而識的啦)…不過小的品味偏鋒嘛,我鐘意《花見》的幾句歌詞「就算是一生一次花見總算給我一個等的理由」…click中就係原因囉﹗

嘆息橋~人家在走對社會有承擔有msg的歌既時候我喺度怒搵啲舒情歌嚟聽…哈,我又走偏鋒路線了…呀,因為我是後來(07,8年左右)先聽番晒某詩的舊歌,於是我係攪唔清先後年份,差唔多水(在《Live in Unity》度唱過的我都當係舊歌啦﹗)的,仲有《出生入死》(呢首應該舊啲?)和《圓滿》我都好like的…哈

《木紋》~我係完全skip了佢本人高峰之作《梁祝》﹗哈哈哈哈哈…呃,咁中招既野無得講既,我反而好click之後的一張《What really matters》,原因不明。《大紅袍》、《睡王子》、《月光寶盒》都仲好記得(年代久遠啦﹗),《木紋》跑出一線呢…因為個outro﹗有一水cut了出嚟做鈴聲架﹗

滿地可~雖然我覺得「即將出去live gig」呢句覺得有啲odd,但都無損小的對呢首歌的熱愛…我就說喜歡這類溫心的歌嘛,um,我都要賦番首《魚則魚涌》先~「成長再迷惘,回首魚則魚涌有月光~~~~」

《可可》~十日喺瘋人院度唔click,又skip了去《Heroes》,就說我是正能量少年嘛﹗(嘔),於是特別中呢啲歌詞懶係正面的(笑)

《詩與胡說》~咁歌係可以以文載道,也可以表達吓其他野,談情說愛又好風花雪月又好,唔使吓吓太沉重既…呢首係《無名詩》入面最喜歡的,其實其他的都不賴,又說,回到基本,《Home coming》個show比起09年紅館show係好似渾灑自如啲。其實,出一張唔係target祖國而係台灣oriented的國語碟其實幾大膽的…

《眼淚教我的事》~最後一首我通常都貼啲騎呢野…但唔好又嚟《小丸子》啦﹗堅係騎呢,不如貼吓新歌,除了發音(係連我都聽得出的怪﹗係繼某詩唱Mr. Children的《hero》聽到我不忍再聽後的…)外,曲和詞都好喜歡…um…
*************************************************************
貼完,以上。~in the end in the end....(<-這首也是《無名詩》入面勁喜歡的一首﹗)

4 則留言:

  1. HAHHA..我都好鐘意in the end, 其他我同你就好相反, 我完全click唔中佢既柔情歌, 我鐘意埋佢d rock呀慘情歌呀~~~~

    by alika

    回覆刪除
    回覆
    1. re:alika

      我啲口味係比較偏鋒既,同埋我嫌ROCK野太嘈太炒耳,可以的話我會選慢或中慢版歌咁啫…嘻嘻…

      刪除
  2. 我都記得有一陣子我都幾鍾意何韻詩. 你揀個啲歌同我心水都幾似.

    話時話, 我好耐冇去唱過k.....

    回覆刪除
    回覆
    1. RE:紫熊

      某一水去唱K在某博友的影響下是有一段何詩詩演唱會時段架嘛﹗﹗哈哈哈

      自從RED MR.咗之就好少唱啦…應該係兩年前了…

      刪除

要講幾句嗎?﹗XD