2012/04/12

[港劇]《盛世仁傑》

雖然是舊劇(維基說原來是08年播的,但後來改播了《click入黃金屋》…嘩﹗這是甚麼劇﹗完全無印象﹗),但因為劇中人有武則天和狄仁傑(但其實我無睇劉華的電影版),是有點點興趣的,終於今日看了…又真係不賴喎﹗


<<<借個位嚟講題外話,這是我小學時睇的小書…唔知點解我好into呢兩位阿太既故事…都話,我從小就練習娛樂版讀歷史大法,其實歷史係好funny架﹗ .\ /.

呃,其實呢,雖然關於武則天的書睇了一大堆,但其實關於佢既劇集/電影沒有看過太多,起碼我唔記得我有睇過馮寶寶那套先啦,劉曉慶那套反倒是有的,仲驚訝點解佢當年的年紀仲可以反轉頭演番年輕版…

呃,都是題外話啦,《盛世仁傑》我是頗期待陳秀珠演的武則天嘛,當年佢喺《金枝》演霸氣(又惡毒)的皇后實在太出色了﹗今日才看了一集…確係好霸氣~珠姐好有型﹗但佢演曹永廉阿媽(好了,武則天做周朝皇帝時都唔細的了)還是有啲驚囉…

好了,另外的雜感一堆:

  • 嘩﹗梁材遠監製喎﹗﹗原來《情越雙白線》、(睇到我滴晒汗的)《紫禁驚雷》、《隔離七日情》都係佢監製﹗(仲有《造王者》同17皇兄的《情越海岸線》)…咁啱我都有睇﹗佢好鐘意郭羨妮喎﹗而且啲人腳都有duplicate…
  • um,想講的是《紫禁》將歷史故事改到滴晒汗,康熙變廢柴而孝莊變森山老妖,勁驚。暫時睇了一集《盛世》,啲人跟我睇書得番嚟的認知都幾吻合…(還是因為《盛世》所以啟發《紫禁》的創作?)
  • 一開電視就見到big兒跟陳錦鴻﹗錦鴻哥又做過期有為青年嗎?(繼馬浚偉之後)…呃…而big兒,佢應該比法拉更唔適合做古裝,法拉口音有啲奇怪,除了唸一輪咀的四字成語有點吃力,基本上都ok既…但big兒真係十年如一日的鬼味腔…呃…算啦…佢都走咗…
  • 嘩﹗柴九哥是武承嗣﹗一心想吼姑媽的皇位﹗嘩﹗好期待﹗柴九哥係小人物啦,whereas醒哥係正義朋友…好耐無見佢演奸佬…(上星期出了門於是今日先睇第一集…)
  • 睇嚟佢同鄭則士的狄仁傑鬥過你死我活會好睇﹗
  • 唐寧又係閃咗人啦…睇劇情佢演既上官婉儀又係會攪事喎﹗(但應該唔會mention佢啲風流韻事?﹗)
  • 曹永廉演的李顯排位竟然低過陳錦鴻﹗囧﹗
  • 我想話當年我睇武則天傳時都有估武則天會傳位俾武氏定李氏(我太認真了睇得?)…whereas最後佢退位恢復番太后身份同已過身的高宗合葬,好似返回原位做番老婆咁,同佢稱帝咁一反傳統都幾諷刺…
  • 竟然唔記得講﹗主題曲是敬hins唱架﹗(但係四大反目前錄定的定係而播先夾番隻歌落去呢?)

就咁睇是不錯的(老作成份應該無《紫禁》咁高,看來可以翻煲番~)

另,繼續期待《造王者》…我一度以為這套《盛世仁傑》就係《造王者》囉…

12 則留言:

  1. 陳秀珠做曹永廉阿媽,恐怖得過郭羨妮做廖碧兒阿媽?
    梁材遠係咪即係Toby阿爸?
    陳錦雄比馬浚偉恐怖多了,馬起碼是滑頭的有為青年,陳是on居居的純情青年(嘔~)。

    回覆刪除
    回覆
    1. 郭羨妮係big兒後母嘛?睇劇情話係鄭則士元配叫鄭則士納郭做繼室既…

      唔係,梁材遠係另一個監製來的…

      陳生真係巧京京呀﹗佢呢幾年都拍拍埋幾多無記劇喎…咁睇《萬凰》做皇帝好似正常啲…

      刪除
  2. 我都覺得郭羨妮做廖碧兒阿媽有啲過份....(汗)
    我覺得呢套唔錯,係因為對白都好文鄒鄒!!終於有返啲唔太白話嘅古裝戲囉!

    回覆刪除
    回覆
    1. 郭羨妮係後母喎睇劇情介紹…

      我記得前幾年《帝女花》邵美琪做郭羨妮阿媽又係超驚﹗

      係囉,啲對白幾認真,好似睇得過,等我清咁手頭上既劇從頭追番呢部先…

      刪除
  3. Toby老豆係梁家樹,否則你應該見到佢做左big兒個位了
    呢套好好多,比起九點半果套似樣好多
    九半果套都唔係做戲,乜都用對白講晒,又懶好笑咁

    回覆刪除
    回覆
    1. 無用啦,toby姐做親啲角色都唔討好既…而家《方程式》個乜鬼商雙又係勁煩…我寧願睇寧安和晨晨囉…

      九點半那套我極速閃人的…肉麻當有趣的終極呀﹗

      刪除
  4. 上一則留言有錯字所以自己del左

    張敬軒首歌係一早錄定ga
    因為我記得當年知呢套劇搵外援唱主題曲、仲要係果期有《酷愛》勁hit的張敬軒,咁就覺得無死啦,會好快有得睇.....點知,咁就雪左幾年

    回覆刪除
    回覆
    1. oh,唔怪得,so far呢兩三年啲劇成日都係藝員自己唱,好難得先有一首容天后,佢都係英記人啦,環球人真係好耐好耐好耐無聽過唱主題曲了﹗不過還好是古裝劇,放了幾年都仲ok﹗

      唔知套劇雪了幾年關唔關人腳事呢,郭羨妮、唐寧、廖碧兒都走晒啦,又唔知關唔關首主題曲一早整好晒關係(在外國播過嘛),所以放著唔播呢?﹗

      刪除
  5. 陳錦鴻做有為青年起碼我會覺得佢個角色真係咁忠直
    馬浚偉只會覺得佢好文塞讀死書唔識變通(順帶一提,全TVB最憎佢,冇樣冇演技冇觀眾緣但都仲套套劇做主角?!)

    我發覺這套劇的人每次說話裡面有「聖上」兩字時都會側一側身然後拱手,很礙眼。

    回覆刪除
    回覆
    1. 都係喎,馬小生啲角色成日都係忠忠直直又好死牛一便頸的,但啲劇情又永遠順住佢去,啲逆佢意既人總係會俾佢感動到而回頭是岸…

      陳錦鴻可能有一段時間無喺無記現身,所以呢兩年睇番佢啲劇會無咁惖…

      聖上手勢這個我又無留意到,其實我都係上星期先開始睇番咋﹗

      刪除
  6. 講起武則天﹐大陸上年有套武則天秘史﹐有我心愛的殷桃姐姐做少年版武眉娘﹐中年版又係用返劉曉慶(點解又係劉曉慶!!!)
    最爆炸係老年版﹐係大宅門果個斯琴高娃!!!
    論劇情同場口﹐呢套盛世仁傑真係無得比wor~~

    回覆刪除
    回覆
    1. re:文少

      劉曉慶又做武則天﹗斯琴高娃演過孝莊又演埋武則天,佢有無演過慈禧太后呢?

      以前亞記播呢類劇我實追(《孝莊秘史》很不錯的說…)…不過呢幾年懶追電視,睇劇集都係喺網上重看番或者睇dvd,變咗又無心機了…

      都係,國內的劇集除了場景和造型之外,故事和對白都認真好多,tbb劇無得比,係靠啲演員救番…《盛世仁傑》算係眾多tbb古裝劇裡面比較認真係用古裝一點的腔口來唸對白啦…

      刪除

要講幾句嗎?﹗XD