2012/02/01

[港劇]深夜熱播《獵鷹》

話說而家在吾等同事中最熱話的劇集…係呢套﹗好爆﹗

明明重播緊《學警》series,無啦啦插上劉華大帝的《獵鷹》,有理由相信係趁《桃姐》熱啦﹗唔知有記播咗《法內/中/外情》字呢﹗

又說,突然間同事們都來年齡之顯露,個個都在講細個時睇完第二日返學點點點點講講講咁…嘩哈哈哈﹗我搭不上咀﹗我年輕了﹗嘩哈哈哈哈…

如果我無記錯,我應該係95/6年時在深夜重播時份睇過,那一期夜晚播的劇卡士都好強大,包括本人睇到如癡如醉的《人在邊緣》,而家睇唔番咁古惑仔既黎天王和柴九哥架啦﹗…於是小的晚晚有覺唔瞓有書唔溫走去煲劇(所以成績…唔…)…但我有無成套《獵鷹》睇晒呢…我都唔記得啦…前段同陳敏兒拍拖的劇情是有印象咁囉…

話說二千年初無記出番經典舊劇vcd時呢套係有的,不過唔知點解我又無買,只買了和陳玉蓮合演的《神鵰》(呢套係本人萬年至愛嘛﹗)同一大堆三哥翁美玲的舊戲,原來我都唔係睇番好多劉uncle的電視劇…

嘩﹗雷洛跟顏同呀﹗(係…也就是說…我看劉uncle的電影是比較多的﹗)((好似無見過咁好肉地的劉uncle))

劇情我只大概記得是好仔經過嚴格的訓練後成為差人,好出色那種,有個好女友和孝順媽媽(又總是單親的…)…因為佢太出色而被看中去做臥底,過程中忍辱負重,要受友人、母親和女友誤會…但又因為佢太出色,又得到大佬的看重慢慢得成大業…最後梗係一天光晒架啦…

um,我想講啲劇情跟十幾年後(96年)喜爺套《緝私群英》係一樣架﹗不過呢啲亦正亦邪既角色小的極buy…但究竟當年點解會無煲落去既呢…(其實晚晚睇到咁夜都幾辛苦…加之於仲有其他劇想煲架嘛…)

重播之後我只係出廳時lap咗少少…友人說當中串星云云中竟然有梁朝偉﹗嘩﹗《無間道》﹗不過晚晚追好辛苦啊…係咪應該去買番餅vcd嚟煲算呢…(陳敏兒好像除了頗難受的《愛生事家庭》,都沒怎樣見佢拍劇…印象中佢都係做主持架嘛﹗)

據偉大的維基說,播完《 獵鷹》會播番《學警狙擊》,唔知到時會唔會掀起番laughing哥熱潮呢?

****************************************************
um,嚴格來說認真地成部睇番的就只有《神鵰》和《皇上保重》,《鹿鼎記》沒看過,又說因為小的先看95古版《神鵰》(仲要係著咗魔那種),睇番83版竟然完全看不上眼(我諗我係異數吧?同事又講咗輪當年煲劉版《神鵰》點著迷法…um)…

(會唔會比人打?)唔知呢,我唔鐘意劉版加進去的情節((其實我好似唔止第一次講…)),如楊過扮王重陽整古全真教道士、Albert Au跟張德蘭客串扮師生戀人、唔知點解黃蓉要連走幾場先生郭襄呀咁,我只看到很多足囉喺條蛇度…完全扭曲咗楊過既性格…我唔知佢會咁做囉﹗um…同埋點解黃蓉會叫咗楊過做「阿過」架?其實我覺得歐陽佩珊的黃蓉聰慧之餘有點孤高和冷漠,雖然話佢由始至終都有點忌住忌住楊過,不過都無理由對住郭芙都好似唔多親近咁架…反倒是廖安麗的郭芙真係極乞人憎(即是說佢演得成功…95版的傳明憲太可愛了…)…仲有小的萬年熱愛童星馮志豐﹗哈哈哈…

同是先看9字頭版再看8字頭版,唔知點解小的係極熱愛翁美玲+黃日華的《射鵰》,但就受唔住陳玉蓮+劉德華的《神鵰》…點解呢?呀﹗我知啦﹗因為《射鵰》有三哥楊康呀﹗(笑)

另一篇:劉華最愛.經典10大
九一神鵰俠侶和神鵰俠侶

10 則留言:

  1. 今晚先同朋友討論,翁美玲真的魅力沒法擋!

    回覆刪除
    回覆
    1. 我睇《射鵰》重播時已經係95年,WHICH佢過咗身近10年,咁那時K100和《香港電視》都有懷念佢既部份,睇完即刻覺得朱UN版本唔掂…咁啱下午時間又重播,即追﹗

      刪除
  2. 我也覺得陳敏兒幾OK,印象中佢都成日做專業人士eg律師
    當年TVB都好似幾捧佢,咁當時佢事業咪好過智叔?!

    劉華既劇我都只係睇過一套,就係《皇上保重》了
    劇中既劉華是幾靚仔的,見到D人個個都好後生,
    尤其係見到而家成日做師奶既人化個靚妝去做妃子真係幾驚XD,
    仲有點解夏萍個樣好似廿幾年前已經係咁老?
    夏雨咁多年前已經做D咁輕挑既角色....

    其實套劇我前部份係跳來睇的,
    我最重要係睇我偶像初出道個青春樣,
    所以我係focus係最後個幾集的XDXD

    回覆刪除
    回覆
    1. 陳敏兒印象中真係無乜睇佢做劇…律師第一個諗起係陳秀雯…陳敏兒除了記得佢係廖啟智老婆,就係主持人囉~咁佢老公專注拍劇,大家方向唔一樣應該都無話事業好唔好過邊個既…

      係喎,你喜歡邵美琪架喎﹗我記得《皇上保重》係中學某年中午時份重播,咁那時無野做無聊聊咪日日睇,但啲劇情不甚了了的…咁那時劉嘉玲和劉華都已經全身拍電影,睇番佢地啲電視劇覺得好得意…

      夏萍姐真係好多年前已經好成熟…不過呢啲先襟老呀﹗同埋睇番n年前啲劇白茵者後生時都好靚吓…

      你講起而家成日做c9的人呢…我記得n年前睇《奇幻人間世》好驚訝陳美琪竟然可以咁靚的…但n年前睇過一次重播之後又唔見佢再有重播了…btw,主題曲係劉華和吳婉芳唱的《秋意中等我》,好好聽的…

      刪除
  3. 華叔叔版的其實最好看啊!皇上和小寶的互動最真切,推薦!

    回覆刪除
    回覆
    1. 咦…咁我要睇睇了…
      (其實我除了周星星的電影版,好像沒有正經睇過電視劇版…陳小春那套都係lap過吓…)

      刪除
  4. 上篇留言我想說的是《鹿鼎記》,不知怎地消失左…

    回覆刪除
    回覆
    1. 成日都係咁的…好奇怪…

      刪除
  5. 講開陳美琪,我對佢第一印象係《刑偵》Jessie既家姐
    我覺得佢幾斯文大方,個樣都幾有氣質,
    最鍾意佢第二輯同kk個段感情,好好睇

    至於《奇幻人間世》,D演員我都幾鍾意,當然包括當時好青春好靚既我偶像(當時佢仲係同戚監製一齊,唉歲月不留人...),仲有我覺得個樣好似湯鎮業既吳岱融,好好笑既羅樂林,氣質大方既陳美琪(當時佢個樣其實都已經好成熟,唔知佢再後生D係點樣)同程至美個大佬

    至於劇情方面都幾創新,完全顛覆哂白蛇傳既故事
    青蛇白蛇一齊爭仔之餘原來白蛇都可以好自私,
    套劇同而家個D好唔同,佢剩係講青蛇白蛇同佢地D仔女,
    唔會有其他無謂既支線。
    睇番先知原來套戲係王天林監製,嘩!
    首歌我都覺得好好聽,前個排《音樂情人》都有播!!

    其實呢D劇首播個時我未出世,重播時都係出世無耐,
    我呢個年紀係唔應該識架,但係我識之餘仲要覺得好好睇!
    死啦,我係咪真係應該早十年出世!?

    回覆刪除
    回覆
    1. 我記得有啲唔記得名(XD)的劇睇過陳美琪,最有印象麵係《刑偵》做JESSIE家姐,所以我成日覺得佢都係偏向成熟的角色…於是睇《奇幻人間世》時好奇怪原來佢可以做美艷古裝既角色…

      不過《奇幻人間世》我係間住間住咁睇,所以唔太記得啲角色和內容,最記得就係首主題曲囉…又說90年代初啲古裝片都幾破格,如《蜀山奇俠》咁,除了故仔奇幻啲之外仲有演員配搭和造型都同以前的唔同…不過90年代中又回復舊樣子了…

      喂,其實我成日都咁諗喎,如果我早啲出世就可以睇多啲好劇,(UM…我年紀是比你大的…)…睇番啲70年代、80年代啲劇覺得好得意…

      不過而家都無乜所謂啦,無記官方會出番影碟,跟住網上又好多channel睇番無官方出過碟的戲,生於而家呢個世代都幾幸福架啦~

      刪除

要講幾句嗎?﹗XD