TEE恤年華

我家置身於屋邨叢中，風和日麗的日子就可見到萬衫飄揚的壯觀景象-人人都要晾衫麻。八掛的我總愛望望人家晾的是甚麼衫，甚麼校服，或是甚麼制服；嘻﹗某 日…我見到王菲個頭…正確地說應該是一件印著王菲頭像的tee﹗此等熨畫tee已絕跡江湖多年，2006年的今日原來還有捧場客… 又懷吓舊先~  

攞命咸超Tee呀﹗XDDDDD

話說90年代初坊間好興"熨佢個頭"tee，到處都有tee檔即場俾你揀相DIY…多不勝數~四大天王至到王菲周慧敏鄭秀文、中日外卡通人物，任君選擇；揀啱公仔就揀tee，除了傳統多色圓領tee，仲有V領、有帽、長袖/短袖、外套、褲等，後來連袋都有，總之實有一款啱你心意﹗身為超級無敵郭富城粉絲的我也不甘後人有件橙色有帽tee，可惜搵唔到張著住佢影的相。過不多久，本人開始頂唔順如斯高調的捧偶像，改投咸超tee懷抱—當然係多不勝數，還有件質地非常柔軟(可比現在本人常穿的賴茄外套)的綿質外套，左前幅印了個拳頭般大的咸超logo，simple but artistic。

<--我就係熨郭先生呢個頭~~

行街最樂趣就係睇人心口—個圖案係邊個人物/公仔，原全係我衫寫我心最佳演繹。不過熨畫tee唔襟著，無論個師傅熨嘅手勢好唔好洗多幾次(無論係機洗定手洗)個公仔都好快甩出呢。望住甩出呢的公仔真係欲哭無淚。多愁善感的本人就為了悼念從牛仔工人褲上甩出來的Betty Boop就將佢夾係本書度留念—最後被媽媽發現…掉咗…

熨畫tee熱潮慢慢減退，換成是後來的印花tee。還記得《Titanic》勁hit時周街都係阿Jack和Rose攬埋一舊的tee，大人細路少女師奶人人有一件。其他選擇西洋的Backstreet Boys、Britney Spears、Madonna；東洋的濱崎步，發展至後來還有穿孔Punk BB單色tee，通常都係黑色tee印個單色人樣上去，個效果都幾恐怖，所以好似無咩hit過，都係偶爾係出口店和外藉家務助理星期日放假著出街威威時先見到吓。

後知後覺的本人跟過風係熨畫tee大hit的年代潮了一期後又回歸娘爆(睇番相，我初中時都…居然…仲敢著條美少女戰士工人褲出街…咁娘嘅嘢我都做得出嘅…)，知名人士大頭tee亦無再係本人身上出現過；心口一個郭富城大頭亦太恐怖啦﹗慢慢仲意搵啲有message嘅tee，得意之作有係花園街掃的"Happy 2000"(好明顯係1999年賀千禧時買的)；還有件"巨蟹logo" tee，好勁，除印咗巨蟹仔女包括6月21日至7月22號生日嘅人外，仲有性格summary﹗件衫只係20個大洋﹗真係唔得你死。

<--著住呢個logo的tee出街真有型啊~~

而家嘛，扮simple but artist，已經好少買卡通/MSG TEE啦，集中將我的銀兩奉獻比心愛的飄拿~今日我都係著緊飄拿呀﹗

******************************************
我是娘人之穿衣之道：

神啊﹗求求讓我返家換衫…   22/09/08
曾經扮型的日子… 21/09/08
今天的潮明天的娘   13/07/08
行街買衫買鞋…慘  21/04/07