2015/09/20

[日劇]《民王》

竟然,這季我on檔追了三套劇,而三套都追到尾。

竟然,覺得最好睇既係本身無諗住睇但因友人大推而睇的《民王》…

竟然,呢套劇的原著小說我係喺兩年前買咗(《半澤直樹》hit嘛那時)

竟然,池井戶潤的作品我以為係正經既經濟政治野…點知會笑到甩肺﹗
我想話第一集阿仔樣阿爸去銀行interview時呢一幕真係一萬個like…笑到癡線…

我諗日劇真係好鐘意穿越(嚟緊又有一套錦戶小亮的)同靈魂交換,隨口up有n年前的《放課後》和《父女七日變》,劇情通常都係性格相異的人交換靈魂後笑料一大堆之後就互相了解就大團圓,如果係父女/子的話再加啲親情大擁抱,呢套都少不免,更癲的是加埋政治野喎…好癲地天馬行空…癡架﹗

阿爸/總理武藤泰山係好強的,而阿仔武藤翔就縮吓縮吓(或曰溫柔…),當二人交換後就係件頭大的遠藤叔叔講野陰聲細氣駝晒背咁行,阿仔菅田將輝就兇神惡殺面容扭曲…咁論演技梗係遠藤叔叔啲表情小動作嬴九條街既…




内閣官房長官狩屋孝司…一睇覺得佢個樣熟口熟面…search一search…《龍櫻》個超人頭緊身背心英文老師呀﹗然後我覺得佢會無啦啦唱英文歌教文法的時候…噢…呢個官房長官係有扮bb的桃色醜聞…然後俾阿仔樣的阿爸總理(個名好長﹗)用異常溫情的手法解決咗…噢…

狩屋對泰山異常忠心,又極關心翔,我突然套入咗《官兵衛》的家臣mode…XD,當阿爸和阿仔調番轉時狩屋成日唔知叫泰山好定翔好時好好笑…

另…點解佢可以次次都有支配合那集內容的酒﹗同埋,佢話晒都係內閣官房長,同貝原去食串燒飲酒得唔得架?仲要成日講總理既事…怕唔怕架?﹗(我認真咗﹗)


家臣﹗家臣﹗家臣﹗井上九郎右衛門(我是永遠不能完整讀出呢個名)貝原小秘書既設定,根據維基大神說:「無表情でクールな性格。泰山に対しても辛辣なツッコミをサラリと入れる、慇懃無礼な毒舌家」

慇懃無礼な毒舌家<--哈哈哈﹗佢兜口兜面對住阿仔樣阿爸話阿爸樣阿仔係蠢才都夠好笑啦~~~

高橋小哥除了戲內被女大生熱愛,戲外都應該多了好多劇迷吧…

<--呢個頭盔嚴重笑到肚痛…

女角之一本仮屋ユイカ我是完全不知她是誰(XD)…另一女角知英…睇彈幕先知佢係KARA前成員(而我只知荷娜…因為《城市擸人》,雖然我有研究過韓團,但呢套我係一首歌都講唔出名…哈)…睇住知英同菅田DD一齊扮大叔…sorry…又係那個反應…笑到癡線…

呀,原來佢兩個都有份演《暗殺教室》…

你以為阿爸樣阿仔讀唔掂漢字、講到喊、小動作讓人家以為無禮已經夠爆時…不…佢出了日本最叻的一招…用動畫嚟做外交仲唱埋歌跳埋舞…好癲呀﹗(隻公仔有無精品出呢?)







<--菅田dd個反眼樣超好笑…

唔知佢戲內成日鬧前輩,戲外會講幾多次唔好意思呢…

另,我想話翔君啲衫成日撞粉色,好可愛…then對vans…襯得好好睇呀﹗(這是甚麼評語?)



<--奧哈拉﹗我只能笑到反肚…

呢套野勁在,你估到佢想喺邊個位靈魂交換,但交換後啲人既反應估佢唔到地好笑,唱歌救外交呢吓都玩了兩轉…又俾佢過到骨喎﹗
<--不能不提suppose係大反派但我又超熱愛的西田叔叔,但佢戲唔多,可能太忙拍緊太多野啦…囧







<--呢張係《半澤直樹》的,原來當年都有心心圖嚟抹黑對手呢條橋

呢套絕對係小的本季心水之作,劇情去到尾除了笑仲有親情、熱血和感動位既,雖然結尾投票一場未免太傻太天真,不過睇劇唔太太認真,睇得開心就好。完咗係有少少唔捨得,就即刻重看過囉﹗仲係相當有樂趣﹗Yeah﹗


***************************************************************
另外on檔追的《刑事七人組》同《危機之神》,去到最後一集終於肯解謎,前者係ok既,啲case有紋有路,雖然東山大叔的過去只係講少少咁,然後12系個歡迎會仲未攪得成…但個team係run得順咗睇得好暢快,最緊要是推理合理嘛,有人說電視台想將呢套成為刑警系列劇(好似井之原爸爸套《九系》咁?)…係又ok喎﹗我like﹗

後者…只能說…是一個伏…很大的伏﹗雷度極高…囧

25/04/2016後按:[日劇]《民王》SP~《新たなる陰謀~》&《恋する総裁選~》

6 則留言:

  1. 民王超好睇!我睇左幾次!超鍾意翔同貝原!!! <3

    回覆刪除
    回覆
    1. 我睇到第三次,有時搭車食野無聊想搵啲野睇(新番睇到斷開晒唔好嘛…)就想開嚟睇…
      貝原啲毒舌真係好正,跟住翔明明係阿爸又要扮係阿仔側頭摸頸笑到傻咗…

      刪除
    2. 妳追返菅田啲戲睇既時候我去追返高橋一生啲戲睇 XDDDDDDDDDDDDDDD 佢成日都做茄喱啡架 XDDDDDDDDDD 信長協奏曲好好睇呀XDDDDDDDDDDDD

      刪除
    3. 哈哈哈…菅田dd留給我…
      一生哥又真係好似多演配角…微博有人話佢事務所唔夠牙力云云…

      刪除
    4. 陰功。其實一生哥好好戲呀~~~

      刪除
    5. 或者佢會好似土界雅人咁無啦啦有一套爆出嚟就紅咗…

      刪除

要講幾句嗎?﹗XD