突然懷舊之Johnny's篇

好似好耐無貼吓youtube咁啫…嘻。(年尾又係睇《FNS歌謠祭》的時候嘛﹗而呢個節目最鐘意就係回顧架嘛﹗)

近藤真彦：Sorry，其實我只係識《銀狼》主題目《午夜推移》和呢首尤如急口令的《ギンギラギンにさりげなく》，於是我只能回舊帶了…sorry。

少年隊：sorry，其實我也只係識兩首，《仮面舞踏会》和《君だけに》，哈哈哈﹗

シブがき隊：呢首《Nai Nai 16》好似唔知喺邊度聽過…

光GENJI：其實我聽來聽去都係一首《パラダイス銀河》咋…

SMAP：如果我無記錯，應該係某年睇完年末唔知FNS定紅白發現《夜空ノムコウ》超級好聽，跟住一條龍病毒發作想去找其他歌來聽的時候就發現呢首充滿70年代disco味的《Fly》…呃…這首我堅覺得呢五個叔叔哥哥跳舞係爆型的…(呃？我有被打的危險﹗哈哈)…之後的《世界唯一的花》(原諒我懶唔搵番個日文名)和《Lion Heart》(突然R & B)都好聽，但最深深印在我腦中還是《Fly》啦~(因為呢首歌唔多hit，讓我此等side cut人覺得自己好在型…)

(終於有啲係我現場經歷首歌係新歌的年代，唔係一味靠《FNS》懷古了…)

TOKIO：其實我想貼《Harvest》專輯內的《Image》，太偏了係搵唔到的…哈哈。貼住《手紙》先啦，近期覺得好聽的…

V6：um，這一隊我沒有特別喜歡過…覺得好聽的…係…J-Friends既囉﹗(呢個係Kinki+V6+Tokio為了神戶大地震災區小朋友籌款的限定團，每年12月都會出隻single，啲歌梗係好溫情的，好似有一年仲有MJ大神出手添﹗我第一隻聽既係後期的《Always a song for love》了，最後一隻碟好似係2001定2002年出的，跟住就解散了)哈哈哈哈﹗um，02年時突然買過佢地一隻碟，咁係覺得當中的《出せない手紙》、《One》(所以我識SES了﹗)和《Feel your breeze》(後來才知係第一輯《我Miss係大佬》的主題曲)好聽咁囉…

KinKi Kids：舊歌都給洗版了…囧。貼吓新歌啦咁。對唔住我嚴重粉絲失格，之前在日本見到Tower record寫住新碟出街日期是「12/3」心諗出年出啦喎﹗冷不防完來係12月3日囉﹗《L Album》已經出咗街啦我大囧了﹗仲要係第一次出雙碟集喎﹗囧﹗要聽要聽要聽要聽﹗um，至於舊歌…第一首梗係唔覺意睇到《沒有天使的街角》而發現的《除了你誰也不愛》(sorry，我懶打日文)，大驚的發現是…是…李彩fa那首好難聽的《你要記得我》呀﹗原曲好聽咁多既﹗跟住火羅事，想買番呢隻碟啦，點知那時唱片店賣緊的是新出街的《E Album》(E同L…相隔七隻碟﹗用了十二年…好漫長﹗)…後來才知我想搵的那隻歌係《D Album》架囉﹗我又大囧了﹗後來再發現《C Album》有首《青之時代》係俾万刀甲改編過的。講起呢隻碟，有一cut《Natural Thang》我係第一次聽到而家都覺得好鐘意的，硬覺得兩佬跳住舞live唱會好型好好睇的…雖然咁多年都無發現有過live啦吓。第二樣是…thang係乜嚟架？

嵐：雖然第一首令我留意阿啦池的是《時代》，但我咁鐘意《魔王》，點都應該貼番主題曲《Truth》既(唔覺唔覺，呢套08年的劇已經係五年幾前的事了﹗大驚﹗)…呃，好奇怪呢，以劇論劇小的係相當鐘意睇二宮和也架喎，但對呢一隊真係…唔通電(情況如Smap…)…哈哈哈﹗但我會繼續睇二宮，同埋繼續唔鐘意松本架﹗哈哈哈哈﹗

タッキー&翼：求其貼啲野啦，我想話我覺得《The world will never forget》好好聽架﹗同埋詭異地我MP3入面有《Venus》喎﹗呃，而…其實我對呢個group都不特別喜歡…雖然因為《Summer Snow》我係有留意過今井翼一吓…

News：其實《青春Amigo》係修二與彰既歌(呀﹗《野豬大改造》又是一個令人懷念)…其實News我也是沒感的…um雖然我知佢地碟內有首係光一寫的歌…um…um…山P solo啲歌好聽好多囉…同埋News跟Kat-tun在鬥走人嘛？啲人係咁走既…

関ジャニ∞：呢一隊…也是沒有追而不知道有乜歌…我仲停留喺只知道有橫山裕跟麻生同學的程度(而我啲叫法咁n年前就知呢個認知是n年前得來的…)

Kat-Tun：雖然走了赤西仁再無埋田中聖，但呢隊毫無疑問是小的自KK後覺得啲歌最巧聽的，despite佢地一副mk仔的外貌…um。呢首《Don't you ever stop》和《Precious one》都是loop完又loop聽一萬次之選，前者個mv仲要勁好睇…哈哈。這隊也是KK以外小的還是很神心的逐隻碟追的…雖然很多時都講唔出邊首歌打邊首歌…呀﹗

Hey! Say! JUMP：我的認知只是…《原來是美男》日版的Jeremy…哈哈哈哈﹗

NYC：繼續唔知係乜…

Kis-My-Ft2：看完日版《美男》是相當頂日版泰京唔順的，但睇埋《信長的廚師》和《Ataru》後發現佢係正常架喎…但…睇了咁多集《信長》同《歌舞伎之華》，聽了咁多集此隊的主題曲…我都係up唔出歌名的﹗哈哈哈

Sexy Zone：不知是甚麼關係(而個隊名實在太爆…)…求其貼啲野啦…

A.B.C.-Z：也是完全不知是甚麼…XDDDDDDDDDDD
******************************************************************
看來我對各隊的認知…跟舊文當中增長不多…泣奔…是我分了心去追泡星之故？我錯了﹗嗚嘩﹗