2013/01/22

[港劇]廿年前後…《老表,你好嘢》

初頭睇2013年劇集列表(唉…卒之我都係睇唔到今年的節目巡禮﹗嗚)時見到呢套劇覺得好騎呢,啲表哥表姐題目n咁多年前已經玩緊啦喎,張堅庭和鄭dodo…勁90年代囉件事﹗不過大家都說好笑,我咁八掛梗係想望吓,典知上星期五竟然係羊兒和laughing哥套甚麼《狙擊》…opps…食飯時逼住睇…見煒哥仲多戲過羊兒…好囧﹗

雖然《老表》係講中港磨擦(從個英文名《Inbound Troubles》得知,但睇了一集個mode都幾…90年代…但又確係幾好笑…
  • 可能我作為一個港燦講係唔fair的…但…我忍不住說…王祖藍堅係好笑(to certain extend都幾誇張,祖國同胞睇可能係有啲唔鐘意既…)
  • 而佢既造型同講野方式…真係勁90年代啲表哥表姐郁,佢遲入行咗廿年呀,唔係就可以拍張堅庭和dodo姐啦…佢爭在未著中山裝出嚟講毛語錄架咋﹗
  • 可能真係會有人覺得佢係醜化緊同胞既,不過劇集唔誇又邊得嚟好笑?同埋都係反映大家眼裡的sterotype…(啦,我講又唔fair啦…但其實我祖國啲親戚,是從來無一個如表哥表姐啲戲咁爆炸既,從行為和語言上動作嚟睇,當然大家生活習性唔同,相處喺上嚟係有好多滴汗位…)
  • 即係,睇《金田一》個新sp我都在諗,難道日人眼中不論中港台的人都係講國語的嗎嗎嗎嗎嗎?
  • 我想知點解阿仔王祖藍講野有鄉音,但阿爸黃光亮無既?佢兩個做父子真係好爆…爆似樣呀﹗而黃光亮的年青版…是王祖藍…哈哈哈﹗佢喺回憶片段度的底衫造型…我噴飯了…
  • 香香公主喎…咪話,其實咪咪姐年輕時都好貌美如花的說…
  • 黃光亮連環俾人罰錢一段…有啲夾硬嚟…哈哈哈
  • 黃光亮係琴日先出場嗎(定係到香港?)…佢叫熾叔上嚟煮餐「便飯」…跟住有隊兵操入嚟喺廚房開晒爐,羅蘭一句「從來都唔知個爐頭咁好火」真係有畫龍點睛之效耶﹗
  • 羅蘭姐和修哥的Sophia和Benjamin…我忍不住笑了…而阿Benjamin見到一枱美食,說要影相up上facelook…我又忍不住笑了…而家食飯係先喂飽個相機架嘛﹗
  • 阿黃光亮一上到去Sophia屋企就話佢個廳咁細(雖然郭晉安間房都好癲狂地大…),我諗起細個時有位表叔都講過…而…佢屋企又真係好大…一棟3層的樓房呀﹗點同佢鬥大呀﹗
  • 據說萬二蚊係盛女社工…但好似只係行行企企食飯兩味,可能角色設定問題,唔及煒哥個邪惡大家姐咁一出場就勁有氣勢…
  • 啲配角好似好笑好多,暫時萬二蚊和郭晉安反而好似好普通…
  • 最記得…是郭晉安成日講「問題天天都多」…佢扮埋佢老婆唱就更爆了…
  • 二彎娜好似都有啲生硬…我好期待佢表演敬hins說既「厲佢既眼神」嘛…
  • um,我無睇之前的劇情啦…但讀得音樂系(碩士?)會滿足於只彈電子琴?﹗太神了﹗
  • 那位細細粒和鬼妹好好笑…我想問係咪自從蘇基成功後,每套劇都要加插一個咁既類型既角色?(其實呢套野的setting都好似《巴不得媽媽》的說…)

呀﹗但係晚晚咁樣830睇一個鐘成晚就無咗啦﹗

而,而家仲有排先到新年喎﹗(今日先係12月11日舊曆),初五的話去到2月14日先係,930已經播緊甚麼賀歲劇《初五啟市錄》…會唔會太早呢?﹗據維基說,呢套會剛好播到2月15日…即係初六﹗好爆炸﹗

8 則留言:

  1. 一早知你會講呢套野,遲d拜讀你上面既文,其實你未出呢篇文,我都想講我對中港矛盾既野。

    對無記既怨恨,其實唔想追劇,不論佢對藝人唔好,定點,但自己都好希望呢套寸大陸仔既劇,可以多d人睇。

    大陸仔有幾好,無需多講,我細個見唔少,唔講細個果d,你而家睇份報紙,咩假野唔係大陸黎?通街痾屎痾尿,邊次唔係大陸仔?

    我做野呢度工場都係大陸里黎,係,個個住左香港十幾年,咁又點?傾計開口埋口就大陸,中央台,佢有無冇當自己香港人?呢d人第二時退休咪又死返上大陸,廣東話又講得衰過舒琪,成日話香港年輕人講野懶音又盛,點解你唔小下d大陸里講廣東話講到咁?

    我真係好憎佢地,而家佢地就大軍殺到咁大把黎,瓜分我地d野,六千蚊好,公屋好,學位好,無人理,我有個好朋友,要上大陸工作,唔知幾時返到黎,其實好痛心,點解佢d人就咁死黎,香港人調轉頭上去?

    我講既話真係可以講好多,之後大把粗口,尋日,同呢個好朋友傾電話,先為呢d大陸里既野嘈。

    我唔知邊日真係會係街打鑊呢d人

    by有敵

    回覆刪除
    回覆
    1. re:有敵

      當然,祖國的朋友日日嚟行街食飯買水貨,確係令我地無論生活上的去到公並設施的層面都開始供不應求,但試掉轉睇,都係一種悲衰,如果佢地屋企附近有好既教育,有信得過的製造商,唔係假野流行,大家都唔會想山長水遠嚟買日用品啫?

      但怕且呢個局面短期內都唔會改善,無良企業只會繼續無良,祖國同胞買晒香港既野,咪買第二度咁囉…

      刪除
  2. 尋晚我都有睇大部分?感想:乜咪咪姐(繼巴不得媽媽後)周圍掉低啲仔女架?易彎娜個妝令佢更唔自然;郭晉安間屋細極廚房都大過我間房囉耶~~~

    回覆刪除
    回覆
    1. re:brownie

      蛇果報話韓瑪利姨姨有7套劇掉低啲仔女…仲強大喎…
      郭晉安間房喪大…巧京京…易彎娜好似成個人都好生硬好唔自力咁…唔知係咪未慣拍劇呢…
      其實,我睇完賦文那天的一集之後又無睇了…XDDDD

      刪除
  3. 你的疑問在前面集數都有解答的,這劇王祖藍有份編劇當然多寫戲份給自己,他好像比蚊蚊和阿旺更多戲份......值得一讚是這劇也不斷要蚊蚊短裙出場。
    BTW蚊蚊另一套好心作怪好像是3月會播。

    回覆刪除
    回覆
    1. RE:WINSON

      《好心作怪》3月播了,我琴晚發現17哥的《心路GPS》會接新年檔後播﹗
      其實我看完一集後又無睇了﹗哈哈哈

      刪除
  4. 期待左好耐等你講呢套!開頭果幾集真係笑到碌地,啲人腳好新鮮,張生眼線郁最搞笑,不過黃祖藍啲戲實在太誇,之後做呢套我都入房了

    回覆刪除
    回覆
    1. RE:鈴

      哈哈哈﹗我只係蜻蜓點水講一講的啦…
      張生我睇那集見唔到佢出場呀﹗
      原來王祖藍有份做編劇…唔怪得佢個角色咁突出了…

      刪除

要講幾句嗎?﹗XD