2012/05/04

[韓劇]常見情節(?﹗)

um,雖然小的睇得唔多(初心者?﹗哈哈哈哈)…不過睇親都硬係覺得有啲熟口熟面位,好容易refer得番之前睇過邊套有啲咁既情節…心諗你使唔使咁環保又翻兜呀…

6/5/12後按:我真諗到野加喎﹗

睇係睇得唔多的,不過前陣子寫過一篇講港劇的,忍不住又對照一番…
(看來我真係有潛質去泡國做編劇,到時大家可以叫我堂本作家…哈哈哈哈哈)

1. 男一跟女一身份/智商/性格懸殊,而通常是由誤會開始,繼續變成情侶
唔知點解一定要對立架喎,一係一個富有一個窮,一係一個超叻一個超蠢,然後大家價值觀超級唔同,咁一開始就好多誤會成為歡喜冤家咁…(又…因為各式原因被逼同一屋簷下而笑料百出?)

而通常(係通常,前陣子在j2無意中lap到有套千金小姐vs總管家,無啦啦見到有女林大人客串的…掉轉囉咪),男的在高位女的在低位,而個女既堅韌不屈,慢慢溶化了男一,唔覺意吸引埋男二咁…

2. 而男一一開始會完全唔aware女一,然後多次表示「唔當佢係女人」、「佢唔係我杯茶」之類的斷言,但之後慢慢愛上女一,就一定會講「我是不是瘋了」或「我在幹嗎?」
李潤城說唔當金娜娜唔係女人時我就笑了…哈哈哈…你是無缺的朋友嗎?

加送,當女二開始害女一時,男二通常係明擋,男一就暗防…

3. 當男一誤吻了女一,又咁啱會係女一的初吻
通常個男的都係情場經驗相當豐富,而個女既咁啱係未拍過拖的…

發現韓劇都相當糾結於第一次,女一care自己的初吻,然後怪男一係花花公子,then當男一發現到自己對女一的感情之後就會同番佢講「你係第一個令我有呢種感覺」呀咁,說是第一次認真呀咁…

4. 沒有異性緣的女一(又通常都因為生計而唔得閒談情說愛),故事開始後會有男一…之後有男二…再之後會有三四五六七的傾慕者
是要令看劇的劇迷(特別是女的)特別容易投入自己是女一嘛?現實越無可能的越夢幻先越有幻想空間?

5. 跟男一旗鼓相當的男二,性格通常跟男一相反,男一溫柔就男二古怪(vice versa)。其作用是先向女一表白,刺激男一行動。但女一總係心向男一,當女一被男一所傷時男二就成為女一的避難所,等男一回心轉意…
我成日講的「溫柔天使」設定…男二無論係古怪男定溫柔男,都注定鬥唔嬴男一要望住女一回到男一身邊的說…然後自己暗自傷心流淚…

6. 女二永遠心向男一,而女二的作用是做壞事破壞男女一的好事
就算一開始女二有第二個男友(男二?)…卒之都係會心向男一的說…。我懷疑女二的作用是等劇迷討厭佢既所作所為,專心支持女一得到男一…

暫時我最討厭的女二…登登登登…俊俊媽~(拍手﹗)…後生時既佢都仲識得回頭是岸,中年既佢就開始蠻不講理了…本來小的都不喜歡徐演員和國民妖精的,但阿豬媽一出,啲後生女即刻唔夠揮…掌議妹都要讓路呀﹗

7. 如果有男三,通常佢係負責攪gag。可憐的男二和男三通常都係一個半個女二三四五六七都分唔到的。
太慘情了﹗呢個又唔似無記咁終於男女一一pair,男女二一pair懶係大團圓結局喎﹗

8. 主角們的父母一定有啲野,either不可告人的情仇,強行無理的要求等,總之有十萬個理由令男女一不能走在一起
我想話《城市獵人》李潤城阿爸跟《瑪麗》代表爸啲咆哮mode係一樣架囉…

而點解套套劇都硬係要整啲上代既恩怨情仇?﹗

9. 送訂情信物後就會炒大鑊
某橡筋連續三套劇送鍊之後就炒大鑊,其實佢係咪鑽飾店代言人?太邪釘了﹗會唔會有第四次呢?有我就笑囉…

10. 英雄總會出來救美
無論係古代的撲埋女角度同佢擋箭(我講緊《成均館)定係70年代的backdrop(我講緊《愛情雨)又或是現代的電視劇(我講緊《瑪麗》…《王世子》都有喎﹗)…總要有一場男角飛身撲埋去抱住女角用身擋跌落嚟的重物?跟住又總會受傷?令女一由憐生愛?

10a. 關少少事又有少少唔關事的:女角飲醉或傷了,男角就會揹住佢走…
跟住揹住回去的路上,女角總會有意無意(無論係醉了還是清醒)都會講到一點自己的真心話,然後讓男角更加了解女角或者更加動心了…但到男角想講自己真心話時,女角就睡著了…囧﹗

11. 打交…點解整係損咀角?
打交點解一定損咀角?然由就到女角為男角擦藥了…

12. sendsms
我懷疑,劇入面send sms係方便影手提的大頭…呢一吓同無記有得揮,當無記全世界都用索愛機時,《瑪麗》係全世界用加力士吐,《城市獵人》全世界用唉瘋(而且無得用殼,同埋阿李潤城成日掉部機…唔花就有鬼囉…),《愛情雨》/《王世子》全世界用力士碌,好爆,窮到死都仲有錢出部史馬瘋…真令人妒忌…囧。

(product placement odd的程度其實跟無記不相百仲,無記有可怕至極的痕身銀行sell修哥時,《王世子》有影住logo幾秒的咖啡店…,仲要集集座底出一次,煩到不行…)

13. 沖涼/濕身
好似好鐘意係咪都會濕,跟住順勢有沖涼戲,再穿上不合適的衣服攪gag?﹗囧…<<<沖涼是大家都說必有情節﹗加加加﹗
***********************************************
等我諗到再加先﹗卡卡…(但通常我話再加,都係無加的…哈哈哈)

16 則留言:

  1. #6的例外現在只想到秘密花園.女二由始至終都係心向男二的.

    咁男二其實又未必一定鍾意女一.秘密花園又係一個例外!我的公主其實都係.諗諗下,王柿子都係喎.佢仲想害女一.

    咖啡店 - 可能因為競爭大?所以間間都會贊助一兩齣咁.caffe bene之前都有.瑪麗一開始兼職嘅個間好似都係H店喎.

    回覆刪除
    回覆
    1. 所以我有disclaimer(<<職業病﹗)是我看過沒有太多的幾套…嘻嘻…

      王柿子(忍不住自我ot)…佢快啲解謎啦,好心急想快啲睇埋個第14集…(開小差回留言當中…),阿男二個頭一開始好似有染金…中途突然變黑了?而佢塊面都相當包吓…(嚴重ot﹗)

      講起caffe bene…某人真係身體力行做宣傳喎,喪飲之餘仲萬歲俾《愛情雨》劇組,啲相在微博日日係咁洗版…請著佢做代言人真係抵到暈囉﹗(又ot了)

      刪除
    2. 越忙越想開小差.啦啦啦~~~

      14集好睇過13集!開始有d眉目啦.

      男二個頭... 完全被無視了.佢梗係諗得衰野多,唔zzz,所以口腫面腫囉. XD

      某人一向都好落力喎.最近好似好多代言/剪綵咁.佢係請d歌迷去做臨記抑或咩事呢?我見到話去應援呀咁.

      刪除
    3. 剛剛睇埋第14集…張會長同呀世娜講番細個啲野時我咬住塊薯餅唔得閒吞囉…哈…

      男二塊面越來越包,佢同世娜好襯…大家都係面包超人…

      琴日見某人攪了個粉絲大食會…跟住佢戴住草帽同人簽名…好好笑…最衰佢唔嚟香港啦今年…嗚…我做乜唔上年中招呀…呀…扯頭髮

      刪除
  2. 韓劇男主角沖涼鏡頭一定必備,就算每次都係無乜劇情需要
    總係要沖下涼、諗下女一/近來發生的事,然後通常果下都要有D懊惱、迷茫
    扮哂有野諗咁

    回覆刪除
    回覆
    1. 哈哈哈…大家都提到沖涼…哈哈哈哈…男既就企喺度淋花灑SHOW BODY,女既就浸泡泡?

      唔諗野撐唔到幾分鐘嘛,唔攪耐啲又SHOW唔到BODY

      刪除
    2. 沖涼Show Body完全係為服務女性觀眾而設的XD

      所以韓劇特別多女Fans哈哈

      刪除
    3. 咁又係,就算女演員想益男觀眾尺度問題都唔益得幾多…

      咁又真係煲得劇既係女粉絲多…呃…

      刪除
  3. 全部都可以apply落台劇度 xd 有楊丞琳的

    回覆刪除
    回覆
    1. 楊丞琳的我只睇過《惡魔在身邊》和《換換愛》,確係可以APPLY到以上情節﹗

      刪除
  4. 沖涼! 沖涼! XDDD

    仲有佢地不論男女都硬係要流好多眼淚......有時真係覺得「有必要喊嗎?!」

    回覆刪除
    回覆
    1. 自從出咗呢篇文,我逢睇到有沖涼的情節都忍不住想笑了…

      係喎﹗不過又說,大部份演員都哭得很pro,是雙眼通紅地哭唔似係滴眼藥水…我諗呢個係對佢地演技的考驗,順手加在劇情裡拖吓時間…

      刪除
    2. 佢地係會喊到鼻紅同流鼻水/鼻涕架!

      刪除
    3. lu:當年古某樂在《神鵰》度都喊到眼淚鼻涕口水乜都齊的說…那個可能係佢人生最強大的演技顯露…

      刪除
  5. 哈哈哈﹐我明白點解覺得屋塔房王世子好睇lor
    因為跳出了以上怪圈﹐泰武無愛上朴荷﹐堅持愛世娜﹐世娜害朴荷﹐又唔係因為爭寵﹐世娜朴荷個身世之謎﹐又唔係阻住王世子同朴荷...基本上﹐今次條主線唔係愛情度搞搞搞﹐而係圍繞住泰武個奪權陰謀來轉。

    回覆刪除
    回覆
    1. 係,愛情線無乜lai gau野,王世子同世娜結婚係為查案,藍叔對朴荷有好感都無行動…

      本來我以為呢套野只係笑,點知佢好有野心地係查案+愛情+攪笑,雖然有沙石都總算處理得宜…初頭幾驚佢解謎解到半桶水咁…(啲bug就變成笑位…)

      泰武個奸佬設定好tbb囉(我忍不住再講),

      刪除

要講幾句嗎?﹗XD