2012/02/27

[日劇]《Buzzer Beat》…很《LV》嗎?

小的確實係衝著「很《LV》」這一句而看這部的。(很有效率嗎?笑)…咁《Long Vacation》是第一部小的睇到中晒毒的日劇嘛,其意義是與別不同的啦。咁既然有說這部《Buzzer Beat》是前者的09版…咁小的梗係要掃一掃驗證一番囉~

(25/11/12後按:這部尾經完全爛尾…只看到第5集…)

暫時睇了3集(很有效率吧?哈哈﹗其實《雙頭犬》未埋尾的,仲有3集),果然找到很多相同之處:

(人物名字係咪應該分番開邊啲名係《LV》邊啲名係《BB》?﹗哈哈﹗)
  • 男主角都係24歲喎﹗(這個很無聊添…)性格同樣有點拖拉又擅表達自己。在自己專業領域裡唔係無實力,但發揮得不好(我無記錯的話瀨名好似一開始喺鋼琴比賽度衰咗?直輝直頭在比賽最後關頭射唔中啦)
  • 女主角是開朗性格,但在自己專業裡又是失敗的一群,小南被指為過氣模特兒仲被踢去照顧前輩,莉子在評判前拉小提琴竟然拉斷弦,然後被祟拜的前輩看中勁開心時才知對方看中的是己身體而唔係自己實力…
  • 男主角本來心儀(呢個有唔同了,瀨名暗戀學妹涼子但仲未表白,直輝同菜月已經交往中了)對像身邊都有個野獸般的男人吸引住佢(但明顯野獸真二係吸引過那位同鹹濕佬沒分別的代代木啦…)
  • 而女主角身邊又總係有個攪GAG的女生喎﹗(好似自從《LV》後都未見過稻森泉姐姐做呢啲開心果角色了…)
  • 那個有slogan的billgoard實在係似得太過份了﹗人家有Don't worry be happy時,後者有Love makes me strong喎﹗
  • 女主角屋企(《LV》是男女主角被逼同居啦)樓下個公園詭異地有籃球架可以打波喎﹗
  • 阿川崎教練對莉子展開追求,讓我諗起那位貌似錢小豪的攝影師對小南十分好的說(唔記得叫咩名…),不過最後肯定唔會得到女主角啦,女主角係要心向男主角架嘛﹗

讓我估一吓,套劇成日解釋咩叫零秒出手…咁呀直輝會唔會真係一直都唔敢對莉子打開心窗說亮話,直到結局先出end roll先出手來個最後最後的大團圓結局呢?(又會唔會加埋逃婚和長跑?)

UM,雖然設定和人物性格是似的,不過獨立來看,《BB》(呢個簡寫讓我想起一直被我視為《LV》兩生花的《Beach Boys》((又係《BB》喎縮寫﹗))囉﹗呀…forever your love~~~~~)都不賴既,有令人令景,有熱血比賽場面(令我想起《男兒當入樽》﹗特別係啲慢鏡影住個波入唔入到籃﹗),又有浪漫愛情場口(雖然有啲夾硬來,特別係第一集川崎教練拎番手電而見到莉子時放的煙花…),只要唔係拖拖拉拉就應該滿賞心悅目既…。雖然,有網友說…跟TBB劇一樣籃球場面只係開始時比較多,之後主角們都忙住去談情說愛了…

又um一吓,雖然劇集睇落係ok…但都滿多奇怪的東西…呃…點解官網張圖(好了,J+從前是不讓旗下藝人嘜頭出現的啦…但《雙頭犬》都叫有個圖丫?)…山P個背影可以攪到佢咁矮既?同埋拍埋啲隊友度佢又矮了一截?﹗(好了,籃球界總有啲人唔高但靠彈跳力補番既…)…Opps,同埋呢…點解成日都有啲赤膊鏡頭?專為女粉絲而設的嗎?(隊友串山P個胸仲大個女友時好好笑…這句是爆肚的嗎?)又又um一吓,點解山P啲角色唔係懶cool就係拖拉欲言又止的一類?

反倒是相武紗季演的菜月夠突破,表面上是善解人意又事事細心的好女友,實際上唔鐘意男友幼稚同埋啲不著邊際的浪漫,趁無人見到就食煙仲同代代木一夜情了,跟之前睇的劇(如《歌姬》啦…),當中純純又乖巧的小女生完全不一樣﹗Oh﹗而阿女主角北川景子…是第一次睇的…佢…佢既演技果然是…滿幼嫩的,男主角是表情缺欠的話,女主角就是表情過多…呃…同埋呢…我想問點解拉小提琴要拉到郁身郁勢(直頭是FING頭)呢?佢拉classical的吧?可以fing得咁high既?﹗

繼續睇。呀,一路睇一路諗住《LV》的劇情,突然好想翻睇一吓添…唉…當你覺得事事不順意的時候,可能就係上天俾個長假你啦…

**********************************************************
大件事了,在這個星期一凌晨4:19分,小的竟然在打文而唔係同周公傾計囉﹗囧﹗

6 則留言:

  1. 完全認同,點解呀北川拉小提琴可以拉成咁,就算唔識,乜劇組無人指點吓咩?佢次次拉小提琴都睇到我呢...... 還有,我都好鍾意舊個套BB㗎,兩個型男呀,又一經典!

    回覆刪除
    回覆
    1. 加之於我剛煲完講古典樂既《貝多芬病毒》呢,睇完人正正經經拉琴18集,而家睇北川小姐咁搖頭地拉真係好O咀…除此之外暫時套劇都覺得OK既…

      舊那套《BB》我主打睇竹野內豐(笑)…同埋笑反町隆史點解可以將首咁輕快和夏天FEEL的主題曲唱到咁眼瞓…

      刪除
  2. She probably learned that from Michiru from Sailormoon.....=_=

    回覆刪除
    回覆
    1. 哈哈哈﹗可能係喎﹗我忍不住笑了…

      唔怪得啲劇評大家都主打研究北川小姐的演出…

      刪除
  3. 北川我係集中睇佢d衫,,,唔係無咩錢既咩???點解d衫甘靚???
    相武~佢既反角做得都幾好啊~只要佢出場,我就會睇到投入d~
    山p~真係好靚仔...我已經無視佢既演技了~

    因為係籃球做主打~所以題材已吸引左我~我最中意d熱血既片種~~

    回覆刪除
    回覆
    1. 佢啲衫係唔錯,飄逸得嚟有啲少女風但又不是太lady(我在說甚麼?)

      可能係夏天劇所以擺上身的配件不會太多,就算啲衫無重覆都唔太覺,睇《瑪麗外宿中》呢,瑪麗和無缺suppose錢都唔多個(起碼一開頭係啦),但佢地成套劇幾乎無duplicate過衫,啲頸巾鞋呀十幾廿條/對嚟襯衫…睇到我笑咗…(劇集始終都會有sponsor既…寒酸極有個譜既又…)

      日劇啲熱血feel係幾唔錯,down時睇一套半套會有番力量,呢套野雖然男女主角演技都…哈哈…不過都賞心悅目既~

      刪除

要講幾句嗎?﹗XD