2012/02/02

[日劇]日韓《美男ですね》比比比﹗

掃雷小組又出動了。是咁的,當年《魔王》小的做了個好無聊的exercise就係睇完一個版再睇埋另一版比一餐,咁睇完韓版《美男》囉,聽聞日版相當雷…不好…興趣被挑起了…看了幾集…真係雷到無朋友…(但我又繼續睇緊喎﹗)

其實小的只係先入為主個多星期,但都被深深雷倒了,咁09年已中招喪煲完韓版的…上年睇呢個日版會唔會雷到不能回復過來呢?

(死啦…咁唔客氣會唔會俾人打架?咁如果閣下係Kis-My-Ft2 / Hey! Say! JUMP 就close咗唔好睇啦…)

瀧本美織/朴信惠:女角是相對比較無咁雷…um,以樣論樣朴啲傻氣和鈍比較突出(笑)(咦…抓了張唔係正面的相添…),所以佢俾黃泰京虐待時特別好笑…。日版角色設計在智商上好似正常啲?(又笑)…不過可能日版係夏季劇,啲衣衫好單薄…見到腰呀手呀腳都咁幼…無理由睇唔出佢係女仔囉…同埋就算扮男仔時啲化妝都係好女仔囉…um…重點是…指甲無剪﹗一睇就知係女仔手啦﹗

八乙女光/李弘基:我繼續覺得勇氣(啲名又唔同韓版…真係煩…)作用係《花樣少男少女》入面的中津同學,但中津同學看得我哈哈大笑,到佢失戀時我又跟住佢一齊傷心喎﹗但呢度呢…勇氣哥…明明阿茂都睇得出美男係女的時候佢仲嚟同性疑雲…有啲煩…定係應該怪斗真同學當年演得太出色呢?

雖然可愛度不及韓版,不過整體都仲可以接受既…





藤ヶ谷太輔/鄭容和:嘩﹗跟阿男主角玉森裕太同是Kis-My-Ft2的成員﹗巧京京…佢地當年有份喺《青春AMIGO》個MV度伴舞耶﹗﹗更京京的是佢竟然係同我同月同日生日的﹗咁我係咪要俾番少少面佢呢?UM…我覺得佢同鄭容和大家在鬥木口木面…咁呢個係溫柔天使角色嘛,佢睇住美男一步步走向廉/泰京身邊,自己只能暗暗傷心…是有丁屎咁多多內心戲的…

UM,雖然是木口木面咗啲…不過都未重災得晒既…起碼無令我想FF的意欲…(這算是成功了嗎?)…但唔知係咪日版節奏太快,總讓我覺得幾個人的感情進展的莫名奇妙的快…完全無感動位…看韓版還會為新禹哥而傷心的嘛…

玉森裕太/張根碩:最後…真係雷過雷沙湯丸﹗(好爛添﹗)…唔好講中唔中招啦…(抓圖時見到碩哥呢張相電力好高…﹗哈哈)…雖然韓版的眼線郁得人京…但日版竟然出另一樣我最京京的…幼眉郁…囧﹗anyway…呃…我想話…乜J家而家無靚仔嗎?官方圖都仲好啲,睇劇時,那個黑面很欠打…而做番韓版泰京的miu咀陰笑樣時…是.繼.續.欠.揍…真係…呃…客觀(雖然我已不能自己了…)而言…美男度真係高下立見喎﹗(14/2/13後按:真係角色問題呀﹗睇《ataru》玉森小弟是正常的呀﹗)

原來裕太didi(咦…佢跟某博友同日生日喎﹗)係J家組合Kis-My-Ft2的成員…呃…真係對唔住…(開始控制唔到自己…)…我嘗試開昔番個J家迷mode…um…但真係…係自森田剛之後另一位我不能認同佢係一個靚仔的J家人囉…

*********************************************************************
um,高呼完一輪好樣衰之後冷靜下來…(係…4位日版主角是以雷度由低至高排序的…)

um,我試著唔將日版拎嚟同韓版比,但比之於《花樣少男少女》呀《流星花園》呀(台灣化咗…但我係講緊日劇版…哈)《交響情人夢》呀咁…又嫌佢節奏快之餘(這可能是比起韓版唯一的優點)笑/感動位不足。咁睇呢啲青春劇,唔係睇令人就係睇故仔架啦(說好的美男呢?)…

其實套劇我唔明佢想定甚麼位,熱血嗎?溫情嗎?愛情嗎?韓版最精彩的笑位(如前段的執電話追貨車變咗爬上樓,成一樓咁高跳落去又竟然唔死得…傻的嗎?又如迷失雪糕店連還迷路)竟然cut咗,然後suppose係交代男一和女角(好煩…唔想再打啲人名啦…)的transit位(如掉戒指落水執呀咁)又變得蜻蜓點水,說實在,睇日版女角錄歌時完全feel唔到so called"感情爆發"囉…

其實…我睇到第四集先輕輕笑了一聲…(但轉過頭已經唔記得為邊段而笑了…)

而當我以為三位日版主角都係十來歲時…咦,原來都over 20歲啦喎…um…但佢地unun瘦瘦咁(這個倒是很J家…好似十年無飯食過咁營養不良…)…似跳舞GROUP多過玩樂器囉…(同埋…說好的星味呢?完全感受唔到喎﹗)

um…同埋我想問點解日版美男姑姑會仲靚過日版男一個阿媽?那位媽媽個樣有啲老和殘喎﹗(不過呢位姑姑和國民妖精…日版係無咁面目可憎的…)

um…我試著去諗會唔會有好啲既人選…但諗諗吓,呢套野喺日本紅得咁交關,就好似翻拍《神鵰》咁,先入為主呀﹗成咗名既男星先唔會令自己名氣去搏,咁捧新人囉唯有,其實《花樣少男少女》、《花樣男子》(好啦,唔寫《流星花園》)都無拍得咁肉酸而且都捧紅到劇中主/配角架喎…點解呢次會拍得咁肉酸既呢…(但據說阿女主角是紅咗的…喎?)

睇番維基,竟然碩哥登場(﹗)的一集收視無特別爆升…是因為觀眾已經睇到爆血管了嗎?(咁我繼續睇又係咪自虐?其實我想知有無人冒死挑戰上年翻拍的《花樣少男少女》…)

呢篇都有講少少:[日劇]《最高の人生の終わり方~エンディングプランナー~》小感
唔知驚唔驚的台版:[台劇]韓、日、台《原來是美男》
*********************************************************************
粉絲之顯露,某哥,算你狠…

8 則留言:

  1. 你講完之後我去八下家下花樣少年少女嘅卡司,原來除了醜版陳喬恩之外,重有一堆akb做班女校生行行企企,都霸得好盡下。加一班唔知名的男角(或者係日本o靚界好掂唔唔識?),都幾難理解明明早兩年先有個好成功的版本,之前又有個台版(當佢地日本唔知好了),無啦啦環保成咁翻拍?中間又睇唔到咩地域時代差異,佢地對akb咁有信心可以超越前人,定係環保得滯?分分鐘連戲服都係用返同一件

    回覆刪除
    回覆
    1. 呀…我記得啦…我笑那個位係醜樣泰京在山上遇豬(但那隻豬係狗狗咁大size,迷你過韓版那隻多多聲)後,自己在自己twitter度發佈自己在山上遇難…

      其實我都唔明點解要咁近時間內做咁相近的事,而且仲要前作係hit架喎…睇番新版《花樣少男少女》啲收視仲慘不忍睹過《原來是美男》…(原來是同季播的…)…家陣日本除咗無靚仔仲無編劇嘛…篤…

      又說,通常啲人氣偶像唔係拍開劇而無啦啦走去拍劇都係仆直既多…

      刪除
  2. 啦, 我都話你會鍾意呢套的ost 架啦. 話說呢個ost 仲係我個playlist 度.

    我睇完日版想翻睇韓版, 仲真係走去睇咗一集, 不過真係唔得閒先冇睇咋.

    我都唔係好明斤石客串個集典解收視冇上升, 明明斤石係日本好紅架喎.

    回覆刪除
    回覆
    1. 哈哈哈…我在你和lu的介紹之下一步一步沉淪落去啦…

      日版係啲人好難受,故仔無咗笑料之外輕輕鬆鬆都ok既…但人係最重要喎﹗明明我只係先入為主個多星期啫…都已經十萬個受唔住…

      阿石哥第8集先現身…相信頂唔順的人睇到中段已經棄劇…就算有紅星客串都返魂無術啦…

      刪除
  3. 俾你笑死!! XD 明明之前話(日版)睇到想嘔, 估唔到你都能夠Finish左佢....

    不過~我都有睇晒~覺得雖然d人好唔得, 不過d配樂都幾ok喎!

    回覆刪除
    回覆
    1. 其實我仲係一路睇一路嘔…甚至有諗過睇一集日版睇一集韓版嚟balance番(這是何其悲壯之舉呢﹗)

      其實…我睇到第5集出完文就飛咗去睇第8集有碩哥客串的一集…之後就無再開過嚟睇啦…我堅覺得啲男主角太樣衰…我接受唔到…(不過啲歌轉咗日文我鐘意聽咗…)

      刪除
  4. 最近在J2台重播時睇左幾集.....我想講呢...個男主角真係好醜樣...我唔介意劇情無聊左小小..但一睇到男主角個樣就好想打爆部電視 =='''

    回覆刪除
    回覆
    1. RE:Alika

      上年我都睇到眼火爆,真係差太遠了…
      但玉森裕太拍其他劇時又OK架喎…唔知點解,係《原來是美男》最得人驚

      刪除

要講幾句嗎?﹗XD