2012/02/20

開博6周年+出鮮奶記周年誌

上年出文說要搬(雖然最後係拖到11月才正式撇既…)不經不覺又一年,前陣子說了點展望(都不外乎係繼續搬囉),不如今天說天點回顧吧。

曾幾何時鮮奶係幾有心做,攪排行榜攪推介仲攪埋出書(見《Why we blog??》和這篇),前陣子執屋時執番呢本書出嚟,一揭,不無感概,當中mention過的blogger有些繼續寫點,有些搬咗家,有啲慢慢淡出…了…

風雲人物…又好似誇得濟既,其實都係想搵個地方吹吓水講吓自己想講既野啫(話晒平時好難搵人分享我啲花癡嗜好和煲劇後感…)…寫吓寫吓,唔覺唔覺就幾年咁解。有人說微博/fb/twitter的興起分薄了寫博的風潮…呢幾樣野對我嚟講係有唔同既,fb我唔會寫長篇大論,微博/twitter又有字數限制,寫到興起時好難話停就停架喎﹗

內文推介的blog有啲都唔知去咗邊了。

其實用開一個bsp我就懶郁,小的可是懶到連backup都沒有,說開個mirror來做後備都係懶懶閒,唔想manage兩個blog嘛。但前年年底(還是更前?)鮮奶的系統越來越不穩定,有事無事會無啦啦入唔到admin page幾轉,曾幾何時,admin大大會很快的在admin專用的blog度講解發生乜事同跟進,those were the days啦…說實在,初初都不以為然,見博友講起先知…吓?係咩咁。但當問題多了,就會諗會唔會有一刻突然大清洗了(被itunes清洗得電話太多…)…其實我最灰的…是打好一篇文之後按發送…竟然會load死咗﹗然後click番入去admin版面無save到喎﹗(說好的auto save呢?)舊文唔止一篇在怨唸又要從.頭.打.過﹗這是何其的痛苦啊﹗

(都不說一路都沒有的mobile版,同埋唔可以在每篇文都有edit link既icon,即是說睇文時想改,係要經admin版面再搵番篇文先有得edit…無得從文直接click入去改…嗚…我係錯神嘛…往往要出咗文翻睇先發現錯神的說…不過講番轉頭,blogger都唔可以在手機改的…入係入到edit面頁,但click落去文字格度係無反應的﹗囧)

最初其實只係好懶地save as html就算,文是全部都cop了,打算如果真係死咗都唔會乜都無…之後才慢慢搬家…。搬家真係好痛苦的說﹗小的由2月搬到10月,才將11和10年的文搬晒過嚟blogger,本來只打算最近的…但舊文link嚟link去,搬吓一篇搬吓一篇,搬咗成年今時今日都仲爭06年6月到07年11月的…好煩呀﹗

um,就係因為搬文,於是開番啲幾廿年都無開過的舊文來看,很多當年有來往留言的博友都沒寫了,然後好些link死掉了(更多是被砍的youtube片﹗)

又話說我只係諗咗搬晒啲文過嚟,萬搬帶不走(留言和read數),唯有文隨身﹗最近博友紫大人搬家文一出…登時叮一聲﹗係喎﹗我從來無諗過copy & paste留言到word上…又從來無諗過清空舊文來貼link讓人click過來新(過吓)的blog喎…

呢個都係cop晒先算啦。話實cop一篇文執錯字(係,09年大清洗過一次,今時今日再睇都仲有啲爆笑度一流的錯神…嘩哈哈哈),將啲肉酸的相collage咗佢無眼c乾淨盲(其實係upload十幾廿幅相再執版面好煩,blogger啲相排位好怪,有時想圖左字右tum tum hum咁排,啲字會變link或走位…要搏鬥好耐﹗),加番啲link(blogger無得好似鮮奶咁睇番篇文有邊啲文引用過((定係我無click到呢個分唇出嚟?))),執吓執吓搬一篇竟然可以攪幾個字…仲有最討厭是明明我篤咗舊文日子,系統又無視我,攪到舊文當新文出…真係old news is so exciting…囧﹗

希望唔好cop足兩年啦,呃﹗呃﹗呃﹗

btw,個人好熱愛的小工具是系統自行貼10篇click rate最高的文出嚟,so far咁耐個排行榜都被各自3篇的《天與地》和《萬凰之王》霸佔,加上幾篇講台慶/勁歌和劇集雜文,10篇都係TBB﹗(也就是說講電視文有市場嗎?哈哈哈哈)…卒之,係卒之﹗篇CONCERT YY出咗一個星期就衝上榜(我好似好興奮?)…卒之有篇唔係TBB啦﹗噢耶﹗

用咗3個幾月,其實分唇我係未摸熟的,簡單如點樣改留言部份的行距…(我已經唔記得晒啲css點改啦﹗睇鮮奶個blog幾多個n年我無轉過版面就是啦…)…好奇怪,有一日突然由密不透風癡埋一pat變成適中喎﹗跟住嵌入/整頁/彈出又有啲可以選回覆有啲唔得…讓我百思不得其解…是但啦…click click吓變成而家呢個模樣(但我又搵唔到要用驗證碼既地方喎?算啦…so far都唔係好多spam留言啫…)囧﹗

9/3/12後按:嘩﹗好感動﹗搬完了終於﹗

***********************************************
多謝支持之慶慶慶系列:

(我是掹車邊的百萬博客…哈哈…) 15/06/08
夢想工作與…呵呵呵…  21/02/08
我看你看我 (30萬read低調慶文) 26/11/07
二十萬read慶回歸 (慶乜野唔使我講吧﹗) 30/06/07
小blog一歲誌慶 (時日如飛之一年慶誌啊…) 22/02/07
多謝幫襯﹗~~~ (2000留言得獎者賀文啊…) 21/12/06
開博半年誌慶 21/08/06

9 則留言:

  1. 唉…我剛剛先慶祝完係sina一年,而家又要諗搬…真係好灰

    回覆刪除
    回覆
    1. 搬去一個多啲十卜既bsp唔使成日驚佢執,安心啲嘛…
      雖然自己寫既唔係啲咩咁勁既文字,但一下字無晒都係好唔開心的…

      刪除
  2. 連我也搬走了呢,新浪真的太過不思進取,沒法呢

    回覆刪除
    回覆
    1. 沒有辦法啦,鮮奶都唔係第一日不思進取的了,想繼續寫(或KEEP住自己亂寫的文)就唯有搬了…

      刪除
  3. Sina現況簡直就是植物台亞視,現在開始執包袱。

    回覆刪除
    回覆
    1. 又多一個逃亡者了…要握手嗎?﹗囧

      刪除
    2. 可以大力握嗎?XD

      刪除
    3. 是可以的,或者整一個逃亡者揮手區…

      刪除
  4. 作者已經移除這則留言。

    回覆刪除

要講幾句嗎?﹗XD