2011/11/22

[港劇]《天與地》差天和共地

今年的台慶劇最後一套出爐了,之前的兩套(這和這)吹到天上有地下無(sorry,我真心覺得係吹的,特別係古裝那套),卒之…um,有看點既,不過係反方向的囉。今之卒之有套wow到我,同埋覺得堅要追囉…卒之有套覺得唔係笑片了…
  • 呢套劇呢之前小的都不敢抱太大期望,一來是人腳太重覆了,陳豪+林bowie+黃德ben+蛇視后=《金g》,then林bowie+黃德ben+邵美琪=《豬肝補氣》,林bowie+邵美琪仲有套《CIB刑事情報科》呀﹗真係太熟口熟面啦…
  • 一開始蛇視后一個大露背,then徐榮一個疑似側身沖涼倒影…嘩…咁激…um,又幾不落俗套(得到我娘一句:乜咁文藝),簡單幾幕就交代咗蛇視后既有老公又有情夫…跟住佢無啦啦上山再撈埋個時空交錯帶出埋陳、林、黃三人,原來佢地買人係相識既…幾新鮮喎…
  • 雖然第一野的床上(後?)戲有點美劇feel(但我是沒怎看美劇…),then蛇視后同小弟弟交談後時空交錯諗番以前啲野,同《CIB》第一集有啲相似,話說一開始好似無關係咁講喜爺、林bowie和伍姑娘一早做乜,攪攪吓先知原來係講緊同一日喎…真係估佢唔到架﹗(其實《CIB》除了首"chasing the truth~Yeah~~~"主題曲有啲難受,generally是好好睇的…)
  • 呀…離咗題添﹗我想話之前講的幾套劇都係戚其義監制,有佢陣除嘛…
  • 個didi令蛇視后諗番以前同4個夾band男仔啲野個交錯處理幾新鮮(雖然令我諗起《CIB》了…)…似BEYOND咩?之前微博吹到勁一勁話BEYOND投訴套劇影射,暫時又未太看得出啊…
  • 反倒是覺得4個男仔加1個女仔的setting好似日影《BANDAGE》,又係個女仔陪住隊BAND練歌,跟住男的鐘意個女而個女又鐘意另一個啲青春物語咁…
  • 食人情節被吹到似係看點…巧京京啊﹗
  • um,想說的是呢,比起830那套浮誇風,個人勁喜歡《天與地》的subtle,啲對白又精簡,鏡頭會唔知頭唔知路…但睇睇吓又…啊…原來係咁﹗(例如個電話線didi啦…乜得佢個樣咁似周國賢?)
  • 真是看得太舒服了﹗雖然唔知之後會唔會跌watt,上次《豬肝補氣》個頭都開得靚架,典知後尾就變咗三姊妹換夫遊戲…悶到狂fast forward…
  • 最舒服的是…比起《法證3》pro sir那個大過乜的屋企佈景(那些雲石真係一流﹗),辣姜哥和蛇視后個屋企竟然係實景﹗係實景﹗自從《水滸無間道》一開始張智霖間屋之後我好少見到有實景啦﹗巧簡棟呀﹗
  • 今年啲劇好得意,一係就c9到底(如我最敬愛的《團圓》…簡直係經典),要不就挑戰新視野,總不能忘記law霸個law,《洪武》馬神的sm和《真相》的連環爆粗啦﹗好鬼精神分裂…但總算吸引啲頂唔順tbb劇的人去煲番港劇吧…
  • 不過見到蛇視后拎住個年幾兩年前的索愛w系摺機…唉…露底了…真係想扮唔知佢係倉底貨都唔得了…
  • 暫時邵美琪和三個男角都未有太大戲份,期待之後的啦…希望唔好令我失望啦~

題外一個話…講開今年啲台慶劇…
  • 接番頭的一句,幾套台慶鉅獻,最京京都算係《萬凰》,成功將宮廷爭寵劇變成恐怖笑片(《紫禁驚雷》我覺得已經係底線…估唔到天外有天劇外有劇),點解個個妃子除了皇上以外都仲有多個男人?(阿全妃本身就有個穆親王啦﹗)…跟住個皇宮可以自出自入…之後啲妃子成日鬧交,一啲貴格都無,然後又衣不稱身…呀…算啦…真係very undingable…
  • 呢套《萬凰》…我覺得個難頂度係《宮心計》+《富貴門》的威力…(我講得太不留情面了?﹗﹗﹗)
  • 現在睇嚟,我都是不要懷疑黎視后當年點樣憑《金g》拎視后了…玉螢小主點及得上而家呢個皇后強大呢…如果擠眉弄眼就可以拎視后,咁麗妃當年真係死得唔抵了…
  • 《法證3》呢,我諗佢都想做出不落俗套而且我很強大的感覺,但扮高科技不成反而爆笑了,拎部tab嚟睇word doc,print出嚟算啦…仲有唔明做乜喺室內啲鑑證人員都要黑超晒咁…真係驚佢地行路會仆親…。但到中間17皇兄有份的那個case好似正常番,雖然除紙山和唔唱k依然是etv的小學生,等柴九哥和張姐來解答,不過好似找到平衡點了,扮高科技的成份也少了,正常咗笑點也少咗,但…無咗17皇兄…我最大的看點也沒有了?﹗﹗﹗
  • 估唔到係最被冷落的一部反而最arouse到我興趣去看…真係有趣…
努力繼續追,以上。

16 則留言:

  1. 我想講呢套戲係近年來唯一一套劇我係可以一集由頭睇到落尾而又唔會fast forward既TVB劇(難得難得)

    佢個D回憶手法真係好高,高到我懷疑自己係咪睇緊TVB而唔係睇緊電影(睇返先知原來第一集係由周旭明親自寫!讚)

    唔知你有無留意阿Yan前後搭過個兩架小巴,
    兩個牌箱係有唔同,
    第一個係港鐵logo(現在)
    第二個係九鐵logo(過去)
    呢D咪叫認真同有誠意既製作囉,
    連D普通觀眾可能都唔會留以到既細節都顧及埋,
    講認真,係TVB咁多監製入面無一個及得上戚其義(話說,近排戚其義已經變左我偶像)

    唔係個個羅住部平板電腦係度掃,扮高科技就叫大製作(係,我係踩緊法3)
    唔該俾個心出來啦

    而D主角既造型我係幾欣賞的,
    陳豪終於唔再扮傻仔,做Rock友,勁型(尤其最尾個幕)
    林保怡都型左,好鍾意佢D白髮(不過有人話似獎門人XD)
    黃德ben好住家男人Feel,我好buy
    阿佘好cool好型好靚女,印像中未見過佢咁Rock,一個幾好既賞試
    邵美琪靚左後生左女人左,襯陳豪都OK(始終都係髮型問題,珠光個髮型勁顯老)

    睇完第一集後,
    對個兩套所謂台慶劇勁失望,
    甚至有D鄙視曾經對佢地有咁大期望既自己

    P.S.近排都重溫緊CIB,勁熱愛喜爺

    回覆刪除
  2. 整電話個didi就係阿Yen死左個男友,
    佢係用自己第一身來回憶,
    但身邊既人同物都時光倒流18年,
    小巴,女皇頭一蚊,橙色電話亭,蘇屋村
    究竟周旭明個腦係咩構造先可以寫到咁勁?
    至於個didi,網上好多人都覺得佢似周國賢 XD
    佢之後會再出來,都應該會有唔少戲

    P.S.呢套唔係台慶劇,TVB話係年度推薦劇(囧)

    回覆刪除
  3. 呢個組合, 我第一時間諗起ge係火舞黃沙wor...

    其實我尋晚先睇左一集, 之前唔o係香港嘛...老實講, 呢班演員ge質素真係比近排的幾套劇高幾班, 可惜入面都唔係tbb的寵兒, 看來睇完呢套倉底貨, 之後都未必有機會再看到呢個combination ga 喇...

    回覆刪除
  4. Nicky:
    戚其義呢我都係佢劇迷,從n年前的《o記實錄》(當時的陳錦鴻點睇都好似正常過而家),節奏明快緊湊,同鄧特希都可算係第一堆我會追監制嚟睇的劇,同埋佢好得意在佢用嚟用去都係那班演員,但次次都會有感覺的~
    先講《cib》,首播時我無睇,到《烈火3》時發癲追番晒喜爺啲舊劇,睇番先知當時喜爺正戒煙,所以肥咗啲…好鬼cute的(變態…aka=告別鋼條身型之作)…
    anyway,我鐘意呢部劇講警察和雜誌點樣追線,伍姑娘和邵美琪係競爭對手,但二人工作上一啲都唔八婆,起碼唔見佢地喺廁所你打我我打你…靠係靠大家爆到啲咩勁料…睇得太爽﹗
    就如文所說好鐘意第一集個舖陳,手法好得意,用幾個角色去講同一日發生的事,第一吓睇時有啲唔明,再睇一明就暗讚wow~~~。另外就係邵美琪的幾個阿媽,好攪笑的…
    then呢,邵美琪和喜爺的感情線,好鐘意佢地分別兩次互相幫對方抹車,不落俗套,盡在不言中,喜爺喺劇入面真係好可愛的說…哈哈…
    仲有呢,好難得套劇係會有菲菲…無記用嚟用去演菲菲姐姐的都係得一個演員,其餘呢…就搵甘草姐姐去演…其實而家香港有幾多家庭仲會有本地姐姐做丫啲家事…(鐘點除外)…
    最後呢…劇中的cib返灣仔總部的…《潛行》返工業大廈…係咪《cib》啲cib高級啲呢?(阿泳漢定泳豪和徐榮成鬼日操兵出嚟好鬼攪gag的…)

    回覆刪除
  5. Nicky:
    《天與地》呢只係睇咗第一集就arouse到我的追看意欲了…可能我一路打機一路plurk一路睇,你說的一些細節我都miss了,我諗遲吓上網煲番先得…
    戚其義我比較失望係《天地男兒》和《珠光寶氣》,都係拖得太長啦,本身個故仔架構是ok的,但一拖之下就婆媽咗…浪費了…(睇番維基先知《天地男兒》係佢監制架喎﹗)…同埋《火舞黃瓜》我無睇,其餘我都覺得好正,不過可能佢比較偏離tbb的c9劇formula,好多都係叫好不叫座…
    陳豪呢…我都係鐘意佢做《珠光寶氣》式那種富家公子,帶點偏執和玩世不恭,演傻軵馬和得得地都ok,阿sir個角色真係太低能(容許我咁講),真係不忍觀之…
    林bowie《珠光寶氣》做財大氣粗佬都好正…唉,呢套劇其實好可惜的,拖長咗…個尾好似唔知點收咁…啲人物角色好立體,(不過喜爺就勁茄囉…)…
    黃德ben我仲投入緊《珠光寶氣》佢暗戀林bowie度…哈哈…佢做住家男人又幾新鮮…好似好少見?
    邵美琪《cib》個曲髮呢…顯得佢塊面好包…《珠光》佢做大家姐…可能係咁想成熟番啲掛?個look又真係顯得佢幾老…

    回覆刪除
  6. まこと:
    主角班底幾重覆的,配角都幾乎係套套戚劇都有(周家怡和簡慕華﹗)…
    又真係呢,啲人腳拍唔同監制真係有唔同化學作用…同一個阿蛇可以感覺爭咁遠…(死囉…我不能阻止去流露我對呢一集的欣賞之情…)
    阿蛇仲會返無記拍劇,林bowie就應該唔會了…佢一副唔自在既樣…

    回覆刪除
  7. 以前鐘意過鐘嘉欣,陳嘉桓有少少似佢,都不禁鐘意陳嘉桓。

    今次嘉桓有呢件事,好怛心佢,又一次證明娛樂圈污糟臘塌,其實之前嘉桓妹妹係個公開場合,有個死鬼佬搏佢蒙,都不了了之,事後d人問返嘉桓,佢就話公司決定,好可笑,即係自己死唔死,都要公司決定咁。

    講真,以前劉姓女星祼照事件,咁多年之前既事,唔係有d相,有咩人知有咁既事?

    做娛樂圈,真係好白痴,又好似傅穎果時話比羅仲歉打,佢公司就發老皮好話傅小姐講出黎,好可笑囉!咁佢唔通受委屈講下都唔得?咁再過份d黎講,係咪即係佢俾人強姦,報唔報警都要公司決定?

    今次呢件事,唔好比我睇死馬德鐘同陳浩民無事,唔係曾志偉話罵過陳浩民之類,你老幾呀?你係差佬呀?

    其實呢d事,都係冰山一角,一個明星,捧佢上去要洗好多,紅都只係十多年,娛樂圈又咁既死樣,不如整虛疑偶像,佢又唔會生仔唔會離婚唔會盛,唔怕比狗仔隊跟,又唔會出事。

    by無敵

    回覆刪除
  8. 無敵:
    都係,肯定過一陣就無事,除非陳小姐公司報警告人既啫…
    微博那邊已經有好多藝人聲討當事人…我都係睇到啲微博先知係咩事…都好離譜吓…
    咁…我又覺得邊個圈都有離譜和循規蹈矩的人,只係演藝圈有傳媒日報夜報所以好似得易多呢啲究出嚟囉…
    唔知呢,我都覺兩個男當事人都係過陣水就無事…

    回覆刪除
  9. CIB真係好好睇
    喜爺同邵美琪D對手戲好正
    睇住佢成日好無辜咁俾邵美琪串真係好好笑
    最鍾意佢套綠燈理論XDXDXD
    抹車個度真係好Sweet =)

    雜誌社個D鬥法同對白都好正,一D都唔八婆
    基本上佢個“主題”CIB係無咩看點,只係一個幌子

    其實我都係咁年先知原來戚其義係《天地男兒》個監製,
    之後再發現好多我鍾意既劇都係出自佢
    e.g.《天地》系列,《O記實錄》,《創世紀》,《妙手3》,《金枝》etc
    《O記實錄》係佢第一部係無線做監製既劇
    我睇個時已經覺得佢D劇情同拍攝手法同其他TVB劇好唔同,仲有既係黃日華好型XD
    《天地男兒》就俾較老套,最頂唔順既係呀雪
    不過D Cast幾好演技都不錯(尤其係演阿爸阿爺個幾個)
    《金枝》應該係最成功既一套,因為呢套劇,戚其義真係俾人捧到上天,呢套劇成功可能係因為佢創新得來又接近大眾,不過套劇唔係好戚其義就真
    而《珠光》就係我最愛既戚其義作品
    以整體來講套劇唔算成功
    個頭開得好靚,
    但後尾就個劇情架構開始失衡
    唔知係咪同鮑偉聰係四十幾集開始無再寫有關?
    可能咁大台戲得周旭明一個撐住有D炆
    而且套劇既戚其義個人風格極強,可能人般觀眾唔係咁buy,不過我就勁鍾意
    至於人物塑造方便就真係好成功
    佢令我開始留意林保怡同邵美琪D演技
    尤其林保怡,我估唔到佢可以由一個好君子既太醫變做一個流氓,好正
    而邵美琪係未睇呢套劇之我只不過認為佢係一個普通過氣既花旦,睇原先知佢D係咁勁,氣場勁大,睇來真係只有戚其義先識將佢發揮得最好
    其他角色好似Ada同阿賀峰,仲有其他其他..都好好

    總之我就係好欣賞戚其義,
    除左工作外,
    都好欣賞佢為人,
    尤其佢係前女友失戀後,
    第一個搵返佢出來拍戲,
    俾機會佢,係事業上扶佢一把
    到而家都咁重用佢
    就覺得佢個人好重情重義!

    回覆刪除
  10. Nicky:
    唔好意思遲覆添…
    係呀,cib邵美琪同王喜啲感情戲好正,難得地喜爺唔係一味懶英勇,佢啲角色一係懶cool好勇猛,要不就係婆婆媽媽懶好人,難得兩樣都唔係,溫文但又有主見那種…攝正喺中間…可惜去到《珠光寶氣》角色又回復老好人,變成可有可無的囉…
    《cib》入面阿孖仔同阿徐榮(唔sure係咪…印象咋得)成日操兵咁去捉人好好笑…夠戚其義用人真係一條龍,有劉綽琪的…哈…
    話時話我都係呢水睇維基先知《天地男兒》係戚其義監製的,um,個人覺得呢套和《珠光寶氣》都有點可惜係人物設計好立體,成條大橋好完整,不過集數多就要攝支節落去,終於有啲拖拖拉拉…相比之下我鐘意《天地豪情》多啲(呢套唔係佢監製的吧?)
    《o記實錄》我只記得第一輯,睇得好爽,節奏超快超緊湊的…也是我最有印象的陳錦鴻劇集,永遠記得佢既西裝縷+tee…哈…
    《金枝》都係我最喜愛的一部之一,但家陣說開第二輯我就有啲擔心,佢原班人馬再拍《火舞黃瓜》都差了啲…無心插柳柳成蔭,我有少少驚佢破壞咗舊作的美好印象呢…
    《珠光》我鐘意人物設計,個個都好立體,有忠有奸得嚟唔會脫離現實,啲上流人生活你會覺得好有lifestyle,而且落重本又去青海又去泰國咁,好俾心機。不過我係覺得中後期發展感情線太多,特別係二妹一段,好拖拉…有啲煩…
    後尾三妹和terrance老豆(唔記得名)啲感情有裂痕時,結尾又好似唔夠時間收…攪到有啲草草收場…呢個好可惜囉…明明三妹同terrance之間應該有好多火花可以擦出…
    林保怡、邵美琪和黃德ben一段又係好正…雖然愛在心裡口難開係有啲老土…
    講起上嚟第一次睇時有啲skip咗有啲ff咗…有機會都想認真再睇一次…唔知會唔會miss咗啲野…

    回覆刪除
  11. F.Y.I《天地豪情》都係佢監製既,我都覺呢套好過《天地男兒》XD
    BTW,之前《CIB》伍姑娘間中學叫《聖法蘭雅根XXX中學》個名好似《點解阿sir係隻鬼》個間事關呢套都係佢監製

    佢91年過檔ATV做監製,過檔前佢係TVB只係做編導,佢係ATV個幾套劇出左名後,95TVB請佢返去
    (佢係ATV期間曾經同萬綺雯傳過緋聞,不過多數係流既,因為佢話自己自91至近年都係單身,自稱工作狂)

    提供以上咁多資料全因本人八掛XD

    回覆刪除
  12. 如果有張家輝會更好囉, 黃德賓點做D好人角色都覺得佢係奸= =

    Natsu

    回覆刪除
  13. re:Nicky
    《天地男兒》呢,一來當年我好like白面古天樂,二來松松姐姐和chilam哥哥我都鐘意,都鎖定一定會睇…咁開頭又唔單止係家族情仇,仲有啲差人查案野,又飛車又爆破咁,都有少少《o記》啲影子,睇得好興奮的,不過後來就係拖拉的感情線和羅家良點樣變奸…好o咀…囧﹗而我睇的重點:古先生就由原來的主角之一變成超級無敵二打六…好失望囉…

    我睇過的亞記劇加埋呢水翻看的《殭屍》都怕唔多過10部…哈…《點解阿sir係隻鬼》聽過但無睇過囉…

    回覆刪除
  14. Natsu:
    哈哈…我覺得佢都係做木獨佬的材料…
    呢期開咗《飛女正傳》出嚟睇,佢做想查janetbin真身而癡埋梁巧芝度的差人又幾攪笑…

    回覆刪除
  15. chasing the truth yeah~~~ 睇到呢度唔覺意唱左出來。正!呢首同「男人心一字馬」都係我「柯貪飛佛」黎架 hahahahaha

    回覆刪除
  16. WEnDy:
    chasing the truth yeah~~~個yeah~~~係重點,真係聽到笑…
    保怡哥入tbb之前唱既歌我唔太識…係呢首yeah!~~和男人心一字馬相信我永遠都會記得…(佢會唔會喊呢…)

    回覆刪除

要講幾句嗎?﹗XD