繼大家去看《那些年》我走去看《奪命金》後，今次係大家都去影三眼仔/hello mimi，我走去影barbie…唏﹗我是芭比…最喜歡迷人pink barbie…(好無聊呀我…)((繼德福睇聾貓之後又一發癲之作…笑))
其實你唔話我知係臨近聖誕時影…我真係唔知係幾時的…看到有聖誕氣氛嘛…咁桃紅…又唔多覺喎…anyway，我喜歡"Little Doll, Big Dreams"這一句…小小公仔確係inspire到小朋友好多野的…啲cupcake都好令呀﹗
而那幾個剪影，右下角的是閃石，左上角是真係著上barbie腳的高跟鞋和手袋，由於真係著得上去…係見到好多都俾人拎走了…有個窿喺度的…陰公…貼得實啲丫嘛﹗
去到入面…我以為會有大型芭比和阿肯喺度添﹗典知係無的﹗上電梯吊住一舊二舊野係十分之唔搶眼和唔覺眼，上到去見到個setting係間屋咁，個門都幾華麗的…行埋一睇…這…這…這…是滿清十大酷刑嗎？吊咁多個芭比喺度…好恐怖呀﹗而家大澳曬鹹魚咩﹗
行入去除了係特別版芭比的展覽，就係吊箱放住各式桃紅衫的公仔…不過好多俾人撞跌晒…瞓低咗…oh﹗
話說啲衫係搵嚟內地設計師郭培設計，咁啱前幾日蛇果報登了一幅劉嘉玲姐姐的相…條裙無著喺芭比度咁雞批feel喎﹗哈哈哈
個人最喜歡4號那條長拖尾的晚裝，很華麗，加埋個箱有鏡喺後面，倒影中有倒影，更令…好有去舞會feel…(原來這種剪裁叫page effects…學野了)，8號那條都不差既…不過有啲娘囉個色…同埋似小鳳姐會收埋十幾廿個細喎喺裙底咁款…
9號和10號前面都是刺繡，後面就係蝴蝶…小的喜歡背後的乾坤，但9號有點似睡衣，10號又有點似孕婦裝…
2號和3號的波波摺(這是我作的個名)看起來無咁腫(著喺原版公仔咁細個無計啦)，3號條裙幾高貴的，有點像旗袍…但加埋個髮型…我諗起利孝和夫人…台慶切蛋糕的一刻…
(好細張睇唔到？)卒之阿肯只在6號出現…哈…
*******************************************************
跟同事講起呢個公仔…佢問我：你點玩架？
呢個真係好問題。小時候(應該係小一…)得到第一個barbie…其實我都唔知點「玩」佢…lego就切啦，煮飯仔咪煮囉，RPG啫，但barbie？唔通我自己作個故仔出嚟跟住將個公仔扮行嚟行去rpg…呃。好快小的就發現佢唔可以咁玩…係一啲都唔好玩的…
咁呢，因為當時阿娘車得一手好衫，屋企有衣車和針線，娘久不久會車啲公仔衫俾公仔(當然係大個啲既，要手抱那一種)，試過將我的校服裙車成迷你版俾公仔著(她說是因為長高了不合身，條裙無人執，掉了浪費…就reuse佢順手等公仔有衫換)…就係咁…小的覺得barbie著嚟著去都係原裝那套衫好悶…總不成日日同佢著衫除衫，要玩rpg但套衫又唔啱feel…於是就拎布碎和針線自己動手做…。而個唉啲牙喺邊度嚟呢…哈哈哈﹗梗係睇電視啦…
芭比原廠的衫個款都幾肉酸的，而且也頗貴，動手做就好玩了，基本上那水係電視做咩小的又跟住做(睇95《神鵰》時小的係做齊白色龍女裝、紅色郭芙和黃色郭襄衫的…卡卡)，衫可以自己做，就開始對佢個頭不滿意…佢把秀髮好難梳理，時間耐咗仲會一餅野化…十分恐怖…修剪又剪咗就無得救…對住個skinhead芭比仲可以點…無啦啦靈機一觸…當時針線盒入面有款棉質的線，拎上手質地係軟軟的，各款顏色都有，就繞繞整整整成一個假髮用大頭針固定喺芭比個頭度(感覺有啲似同佢針炙…重點是唔好剪晒佢本來的頭髮，剪少少，將原有的頭髮盤起，就可以當成軟墊咁俾大頭針定位，而定唔怕將個頭"long"到好大…)…出嚟感覺好自然架~咁樣，長短髮咩髮色highlight，連古裝郁都可以玩埋…死未。髮飾唔夠的時候就去飾物店搵啲娘爆唔會戴上耳的珠珠耳環做頭飾…咪話…個效果好掂的﹗(有一水小的可以願望能入tbb做戲服…哈)
不過小的繡功麻麻，繡花鳥簡單的就可以，想華麗一點就唔得了，實在有無得去上個course學一吓呢？小的真係好鐘意清裝的…
um，環保一點就係拎舊衫自己剪自己整，唔環保的就係去玩具反嘔城/玩具街睇吓有咩衫買，芭記的出品老實講好唔掂的，有一水就勁買jenny的出品，其實個size細少少的，不過ok都著得落…襯埋本人的潮色假髮…真係ok架喎﹗哈哈哈。我想話佢啲衫仲靚過我囉…後來再有bythle…就貴啲啦…唔捨得出手…。 (睇番舊文…唉…唔怪得我儲唔到錢啦…)
Little doll, big dreams就係咁吧…創意無限就不再平凡啦~噢耶~
另一篇：唏﹗我是芭比，最喜歡…
我當年玩芭比真係拿來rpg ga wor，即係toy story個andy玩胡迪咁玩囉，冇妳咁好創意同手藝 hahahahaaha
回覆刪除WEnDy：
回覆刪除我都會作啲故仔等barbie做女主角…又時會幻想佢係追緊那套劇的角色…
創意手藝就麻麻地啦，不過以前得閒嘛，有時縫野縫到high high地通頂都夠膽死的…