2008/10/20

[日劇]《流星の絆》一集後感

牌頭是三兄妹追尋十幾年前殺害雙親的真兇嘛,點知睇落是出奇的輕鬆,沉重只佔少部份,不知是暴風雨前夕平靜一吓,還是特意和前季同一時段的《魔王》分野一番呢?﹗

講咁多都係假,二宮和也+宮藤官九郎,理得佢係仇殺片定笑片我都鎖定追看架啦﹗

不知原著是輕鬆還沉重,看故事簡介(就係上面那一句,也不爆太多雷了…)很自然會覺得是《白夜行》、《魔王》一類調子沉重的,誰不知看起來笑點頗多的;看一看官網:「原作の要素を大切に、脚本家・宮藤官九郎が得意とする青春ドラマの要素を加えた金曜ドラマ」…啊﹗「擅長的青春劇作要素」…看來是要將原作改頭換面的了。

說實在,初看staff list見到宮藤桑拍住磯山晶真係好開心﹗但我想這部《流星》不會如《虎與龍》般玩到咁癲,應該會如《池袋西口公園》般邊玩邊滲啲對現實世界的申訴吧,笑完還是會感到點點苦澀的一種。(怎麼我看只看了一集就有咁多野估?﹗XDDDD)

先不理復仇的劇情,劇入面的gag位是幾好笑的,如店長話功一(二宮和也)個樣似足會偷睇女友電話,功一說「自從手提流行以為都沒交女友」,在旁的二弟泰輔(錦戶亮)大叫「手提電話流行咗差唔多十年啦喎…即係…十年都無女友…」…XDDDD…我笑傻了…另外泰輔和三妹靜奈(戶田惠梨香)邊聽大哥講欺詐計劃邊彈叫很恐怖,弄得大哥勁無奈之時又走番埋去叫大哥繼續講…二人都很攪笑啊﹗三人的兄妹情誼很濃…弄得我很期待之後佢地會點合力找尋殺父母的仇人呢…

大哥功一我覺得有點像《魔王》的成瀨,從佢個電腦wallpaper、對警察柏原的戒心、連朋友都唔多個又可以隨口講出案件快過時效了, 看得出佢機心很重,應該是日日夜夜都無忘記過十四年前父母的案件吧。只是他不如成瀨般吓吓黑麻麻打出個超陰沉樣,還是很有《拜啟》那種傻傻的氣質,又睇吓宮藤會點玩這個角色啦。

食店常客戶神(要潤)不停叫功一做master,劇集一開始是二宮獨白,硬覺得係宮藤在玩《溫柔時光》…(可能我想多了…)

二哥泰輔很討喜,佢和勁認真的功一剛好相反,hea hea的講野又么心么肺,很攪笑﹗阿麻生同學常被說演戲木口木面,今次應該可以發揮吓吧。看J家節目,阿亮哥哥講野係勁爆笑的…

三妹靜奈呢,唔知係咪睇完《Code Blue》,惠梨香妹妹講野超大聲超有力的,看他們三兄妹鬧交完全不覺妹妹處於弱勢囉﹗另,便利貼男上司一段很好笑…

講開又講,演功一童年的小didi係《唯愛》弘人個弟弟呀﹗兩年過去佢個樣唔係爭好多咋喎,還是咁好戲~(我覺得我一眼認得出係佢好叻﹗),泰輔童年個小朋友幾靚仔吓,有點張智霖+陳曉東的感覺,但就唔多似錦戶亮,最似係個眼袋﹗

本來唔諗住集集追,但還是忍唔住看了第一集…那就一定忍不住追落去…唉呀。又睇吓宮藤桑會點玩~(申報利益:本人係佢既超級劇迷﹗哈…要不,點會極速一集睇咗兩次﹗)

睇完很(笑得)很滿足,同時也很期待之後劇情會點玩…。應該會沉重一點吧?

後記:[日劇]圓滿落幕~《流星の絆》

14 則留言:

  1. 石先生7/9/13 19:34


    我也有看這集日劇,開初覺得這劇會否太過緊張,但好像殺人事件只是一個把他們連起來的原因吧。說到底這劇會否是講三兄妹的感情。希望如此吧,不想看太沉重的劇種。

    20th Oct 2008 03:27 AM

    回覆刪除
    回覆
    1. 這部劇幾驚喜的…可能係故事大綱令人以為係沉重的劇…實在又無人話找尋真兇的劇唔可以輕鬆攪笑喎…
      (不過我讚又可能有人說我不中肯…鬼叫我熱愛宮藤啲劇咩…)
      22nd Oct 2008 13:04 PM

      刪除
  2. hi 2打6小姐,昨日睇朋友既blog link到這裡,原來妳都寫幾多日劇既睇法,所以小弟都上黍睇下作參考,笫一次留言,請多多指教唷^0^
    流星の絆 這套劇似乎都唔錯,不過可能睇e套前,睇左bloody monday吧,所以唔覺有咩緊張既感覺...不過暫時都係笫一集,要睇多2集先知值唔值得去追...希望會有驚喜吧..

    20th Oct 2008 10:22 AM

    回覆刪除
    回覆
    1. 多多指教啊﹗
      第一集我已覺得有驚喜…可能才追完《魔王》,俾《魔》影響咗我perception覺得《流》都應該係差唔多…
      睇落係咁攪笑真係出乎意料…
      不過你說得對,講好唔好睇係言之尚早,睇埋落去先可以下定論﹗
      22nd Oct 2008 13:06 PM

      刪除
  3. 編劇本去取回三十萬,並參考漫畫那幕真絕頂!
    不知為什麼覺得二宮和也像房祖名...

    20th Oct 2008 20:26 PM

    回覆刪除
    回覆
    1. 漫畫那段真係好爆﹗
      二宮和也…應該比mr.room靚仔少少既…
      22nd Oct 2008 13:07 PM

      刪除

  4. 宮藤官九郎拍住磯山晶,我一定要看!最近開始看《木更津貓眼》。

    21st Oct 2008 13:45 PM

    回覆刪除
    回覆
    1. 對對對…幕後名單已經係必看之選…睇埋幕前…仲加要睇…
      《木更津》我唔見咗套碟…好似爭一兩集未睇…orz…
      22nd Oct 2008 13:08 PM

      刪除

  5. 的確有很多gag位加插在第一集裡面
    就連劇中劇本的名子也用來開玩笑,《來自加拿大的信》便是抄二宮06年的電影《來自硫礦島的信》了,宮藤的搞笑風格還是改不掉呢~
    我也不想看太沉重,上一季看成瀨律師的沉重樣已經看到我也陰沉起來了……

    22nd Oct 2008 18:01 PM

    回覆刪除
    回覆
    1. 《來自加拿大的信》你唔講我都唔覺啊﹗umum…咁我估那個《溫柔時光》gag應該成立吧﹗
      這部劇就算睇咗第一集還是有很多問號,其實攪怪和沉重兩方我都想睇(雖然太似《魔王》的話我又不喜歡…)…我太貪心了,不如兩方面的元素都有吧…卡卡
      24th Oct 2008 13:44 PM

      刪除

  6. 反而開始有興趣看看之後的超正經劇情如何搞GAG又可以反映原著了...
    繼續「兔子發燒」級的欺詐? 讓世界充滿著易騙的笨蛋?
    Anyway都是虎與龍開宗明義惡搞會看得放一點...

    23rd Oct 2008 15:27 PM

    回覆刪除
    回覆
    1. 原著始終沒看過,唔知會點…不過當年《池袋西口公園》都係有原著的,一樣改到攪晒怪…
      anyway還是會期待~(我貪心點,想沉重和攪怪都有點…卡卡…)
      「兔子發燒」好好笑喎,話時話林氏飯係咪真係有架?攪不好又有一個欺詐…
      其實…真係有人話這部是黑暗劇嗎?
      24th Oct 2008 13:46 PM

      刪除
  7. 先看了你這篇後才看劇集的,當初不明白你為何會看兩次,但到我的時候,我也是連續看了兩次呢~迷!

    24th Oct 2008 00:14 AM

    回覆刪除
    回覆
    1. 不瞞你,在寫完這篇後我看了第3次…
      還是覺得樂趣無窮﹗
      24th Oct 2008 13:47 PM

      刪除

要講幾句嗎?﹗XD