2013/11/23

あの日の~京都の旅~(1)

一點來就被扯番入地獄了…先來一個快的前言吧…

あの日の~た~び~~~~~~(我相信我可以向演歌歌手進發呀﹗哈哈哈哈)

衣(衣食住行的快寫前言…我是抄自己的舊文既﹗哈哈)

  • 看天氣是大概十多度左右,記得三月那次在東京中了個大伏,帶了冬天衫去點知熱到抽筋,今次見氣溫好像唔太凍,但又怕中伏於是都係拎定厚衫和羽絨…
  • 卒之今次中得比較少了,朝早和夜晚堅凍的(而我…是凍到…出鼻血了…囧﹗),不過都係厚冷衫就頂得住,羽絨都係有啲太誇,觀乎在地人都係一件U記輕薄羽咋﹗
  • 難道我真的不適合在寒苦之地生活了?幾乎每朝都喪流鼻水呀﹗都係講緊十度鬆的氣溫咋,再凍啲我咪要整個暖氣口罩先出得街了?囧
  • 又是我怕死,特登走去買了兩對HEATTECH的襪褲打底,卒之在室內是熱死了…
  • 之前一路都唔覺件睡衣衫是HEATTECH(但佢堅係的…)…每晚,無論係住HOSTEL定酒店,無論間房有無良好的暖氣…我都瞓到一身汗…囧﹗
  • 比起之前的一個人出走,今次是跟友人一同出遊,食野就開心得多了,點多啲影多啲嘛…
  • 難道真係好野唔賣出國的?點解連白飯都特別好食架﹗﹗﹗﹗﹗﹗
  • 過了這個星期,回到香港最沮喪的是…京都(或者東京啦)…人家除了有周圍都有的連鎖食店,仲有成千上萬的小店,又平又有貴,而且…沒有一家不好吃的呀﹗回來…好像選擇無乜…啲野又唔好食咁…典算?
  • 啲小店既食物都不複雜的,有很多菜式我相信(重點是我相信…)是可以在家翻兜的…UM,等我搵番某人本食譜出嚟研究…
  • 住的酒店有些包早餐,有些唔包的,有就食無就出去食咁啦,多士是中堅份子,旁邊配的沙律或煎蛋都好美味,重點是唔油膩﹗怎麼了…我又在說屋企樓下的茶餐廳早餐不好食了…呃,一口油囉食到…
  • 跟友人一起嘛,不好意思狂坐狂飲咖啡(但我是有狂叫攰的…笑)…不能打破我曾經創下的輝煌紀錄:一日五杯凍咖啡(咁凍的天氣我還是忍住要飲凍的…XD)…呃,因為自己一個行時一攰就去坐又去食件CAKE咁囉…哈
  • 今次都食得好COMPLETE,和式的鍋物、壽司、烏冬,美味到回味又回味的酒店精美晚餐和食到爆肚的早餐,洋風的奄列飯、吉列豬,喫茶店、和式菓子、新舊風混合的甜品店,人腳多就可以食多啲,呀~~~~~(娘說我肥鳥…囧)
  • 不能不說,那個香滑到不能的抹茶軟雪糕,哈根大師的芋頭雪糕和勁好味的焦糖燉蛋雪米糍﹗(是來自偉大的便利店的﹗哈哈)
  • 多得友人細心策劃路線,好幾家食店都是名物…呀﹗而且山卡啦的程度是如果我一個人去一定唔會有心機搵囉﹗哈哈哈…
  • 至於手信…今次是史上買得最少野食的一次(都掛住去買神社的物品了…XD)…呃,我唔想買啲太行的嘛…於是人人在YOJIYA買面油紙的時候,我是(自覺)好型的去買抹茶奶…哈哈哈﹗雖然後來我都係有買面油紙的…XD
  • 至於名物八橋…係咁2買包啦…雖然…那個聖護院…UM…是出現了一點意外的…
  • 前後共住了四個地方,首先是車站旁的新式HOSTEL,之後是町家HOSTEL,然後是湖邊酒店,最後是酒店
  • 新式的HOSTEL嘛,跟大學宿舍沒兩樣(咦,但我是無住過HALL架喎﹗),房間內除了無小茶桌放野外(於是我地將所有野攤在梳化上…),設施都是OK的,比較騎呢是…WIFI很弱要貼近門口才行(因為…個ROUTER就在門的對面…囧)…廁所和浴室隔數都多,係要行幾步咁。早上有自助早餐,又有各式茶包任沖唔嬲,很爽皮的說。
  • 第二ROUND的町家HOSTEL嘛…是百年老屋改裝而成,樓梯十級斜,每次行都好驚會成個人碌落樓…囧。跟住我地的行李都十級重,好驚會責爛二樓的地下…而好在,店員幫我地托了上二樓…要不都唔知點托上去了…(托落嚟時…我地係一個喺頭一個喺尾的搬落去…哈)…WELL,咁體驗吓嘛﹗住日式町家最爆炸是…牆很薄,會聽到隔離房講野的…夜晚連行步路都要細聲啲咁…呃,其實體驗吓都幾得意既…但唯一我最噢咀的是…只有一格SHOWER ROOM﹗FULL HOUSE的話有成十幾二十人架﹗得一格沖涼咋﹗天呀﹗(轟隆﹗)
  • 第三ROUND的是湖邊酒店,之前說有臭虫之患,但唔知係咪天氣凍定滅虫成功了呢…矛野呀﹗UM,房間是獨立VILLA,從車站由店家的姐姐車我地入去CHECK IN和入房間,成件事好金田一啲殺人事件咁囧﹗重點是二樓有個小閣樓,完全係密室殺人飛條鋼索出去運走條屍的場景呀﹗ANY肥,晚上的晚餐很精美,朝早的早餐又令人食個不停,可惜一點的是沒有太多時間欣賞酒店內的湖光山色就要走了…只隨意走了一圈和拍了些照片…UM,我想講的是…又話有DVD…但啲戲舊到不能…囧
  • 最後一ROUND是正式的酒店…但80年代到不能…不是用匙卡係用真匙的說﹗房間內都寬敞的,只是那個與其叫做暖氣不如叫做熱氣的室內溫度系統有啲難受,同埋無WIFI﹗我煲劇不能喎﹗
  • 八天搬四個地方係咪好勁呢﹗係啦,就因為要搬地方,所以不能如之前咁每天買完野返嚟一野PAT晒落地等最後一天才執…一路都KEEP住啲野亂極有個譜的說…哈
  • 就說酒店(前三間)都說有WIFI,但我是病態網民嘛,友人都選14天1GB的SIM CARD,我就懶勁出了張14天無限的,無限的這個速度是慢一點的,但可以狂上就由佢啦,但…當友人都接通的時候我還未上到…好灰。CHECK極改極都唔得時…算,出去食飯…食完返嚟竟然就OK了﹗真係柳暗花明又一村…囧。不過這個無限上網真係好慢,SEND張相就OK既,唔夠力開YOUTUBE睇片…於是我21日睇唔到第一集《漂亮男人》﹗囧
  • 這回是我第一次去京都,咁好多野我都用東京嚟做BASE啦…當我以為西瓜卡可以喺關西用時…囧﹗我銀包裡出現多一張叫ICOCA的東西…
  • 當我坐SKYLINER是很舒服地邊坐邊睇風景時…HARUKA有幾卡是自由席,而且都坐滿了…於是企了大半程…腳都爛了﹗
  • 京都市內主要鐵路有兩條,但很多地方都係巴士方便啲,咦,竟然係咁﹗我搭了好幾次巴士的說﹗噢耶﹗我愛巴士﹗
  • 鐵路竟然係唯一用到ICOCA的地方,巴士唔得囉﹗但好在,巴士前頭有部唱散紙的機,50、100甚至1000 YEN都唱到,唔係真係企喺度,邊度得嚟咁多散仔搭車呢﹗
  • 比起搭車,大部份時間其實都係行…當睇地圖以為好遠時原來係行得到的喎﹗囧﹗我覺得我行了十萬九千里啦﹗(又是說,如果係我一個人去…我肯定行行吓就放棄去搵喫茶店坐啦﹗)
  • 友人應該很噢咀的吧?我真的很易攰架…哈哈哈﹗雖然我成日扮日本人…但說到坐日式食店…要跪或屈膝坐足成程時隻腳真係頂唔順…最後一餐食鍋物時一見到枱底有空間可以伸腳時我有幾開心你知道嗎﹗﹗﹗﹗﹗﹗﹗
  • 今回搭了JR(仲搭到去山卡啦鄉下地方添﹗)、地下鐵、叡山電車(跟東京的荒川線又是另一種風情)、琵琶湖汽船,連私家車都坐埋,真夠過癮,係爭的士無坐咋,見到好多MK、SAKURA咁走來走去嘛,比起馬交喪難截車,京都應該易搵的士得多吧?
  • 每天除了食食食,就係睇睇睇,去了好多神社拜神和買野(買野是重點啦﹗)…但都不緊要,最緊要的是…我見到明星呀﹗西田敏行叔叔(竟然係西田叔叔﹗)哈哈哈﹗最爆的是…之後竟然俾我要風得風要雨得雨地買到《人格失格》和《源氏物語千年之謎》的DVD﹗我仲想點呀﹗滿足到極點啦﹗
  • 仲想點丫,春天去有櫻花,秋天去有紅葉,喪影了千多張相,有多日影到相機無電沉睡了…大囧﹗哈哈哈,今次係特登拎番相機去的,雖然阿瘋啲相都影得OK,但始終相機啲層次令啲嘛﹗
這一回其實我沒有時間太深入研究景點,幸好友人細心計劃(我成了FREE RIDER…XD)…雖然有些東東(如…上網…哈哈哈)我是被東京MODE植入了,但京都還是有其獨特之處,看來…我要搵個藉口再去研究一吓弄清楚才行了﹗嘩哈哈哈哈﹗

先寫住咁多,遲吓再寫DETAIL啲…嘻,請呀﹗

4 則留言:

  1. 我也愛抺茶奶,是伊藤久佑衞門的即沖茶粉嗎?

    八橋就不大愛,覺得唔好食,但八橋是京都名物,才買來做手信。

    期待你的遊記^^

    回覆刪除
    回覆
    1. re:五月

      我買了yojiya的抹茶奶作手信…大家都在買面油紙我買奶茶…破格呀﹗
      我好鐘意食甜的,但對八橋不特別喜愛,應該說,當那樣野係名物,我就會好想避過佢搵啲有特色而有好食的野嚟買的了…我係好衰的…

      刪除
  2. 我地真係要多謝家姐的行程安排......兩個東南西北搞唔清的人係絕對會迷路的呀!
    我地那個上網plan都係14日架,今日仲收到佢電郵話續期添!囧

    回覆刪除
    回覆
    1. re:助手

      我地真係離譜到不行,才幾步的路我地都分唔到東南西北(但無啦啦我又點會睇東南西北呢,一係轉左一係轉右架啦﹗)
      剛剛琴日收到b-mobile說你個plan完了﹗(咦,都係14天的?等我改番先﹗)

      刪除

要講幾句嗎?﹗XD