[韓劇]《成均館緋聞》(完成﹗)

可以俾我後知後覺地開心大發現一吓嗎？乜原來接《成均館緋聞》的是《瑪麗外宿中》？﹗(個公仔圖巧得意啊~)

好在唔單我一個後知後覺，身邊有些劇迷都係頭一次看(有位同同直頭著迷到每次在影印機相逢都要捉住我討論劇情((其實是討論邊個比較令仔既多…XDDDD))一番添…)…我終於不孤單了﹗

呀，本來想在《愛情雨》來臨(注意係用來臨…而唔係開播喎﹗)前KO咗佢…不過實在無乜位可以飛(除了女二號…)，加之於老人家要注重睡眠，於是速度放慢了…而家去到四份三，仲有啲啲就攪掂﹗

李先俊（佳郎）： 小的知道有朴有天呢個人就係睇某韓劇達人的博(呃…小的韓團知識是貧乏的…)聽(睇)呢個名好耐而家先第一次一睹佢既風采。呃，其實我睇了一輪先分到甚麼老論少論，我一度以為老論是王相公的外號(囧﹗)((啲官位…好在之前睇咗《洪吉童》…其實煲呢套時俾啲官名攪亂咗好耐…))呃。睇佳郎(同時我會諗起佳能)成日木口木面(佢循規蹈矩嘛)，但整古大物之後會陰陰咀笑好攪笑(大物為了救偷數簿的佳郎整了個妓女look去見佢…佳郎個o咀樣係勁好笑﹗但點解佢會完全唔aware大物係女仔？)，前後俾帥哥四人組另外兩位男二三搶咗好多鏡…而且…中後佢又同女二好多對手戲…唉呀，女二面口真係令我好不安呀…

具龍河（女林）：校草哥哥﹗小的一度以為女林係掌議黨的，但睇睇吓先知其實佢係一副隔岸觀火的樣子，只求好玩開心度日…所以佢特登唔拆穿大物女兒身身份，又成日整鬼佢作樂(又次次都係叫佢同男人一齊沖涼…)…攪到桀驁無啦啦知道大物係女兒身…好好笑。好鐘意佢句「我可是具龍河呀」…

為了支持校草哥哥…小的已經打算之後ko(aka一條龍)埋甚麼《樹大根深》(據說係甚麼訓民正音令公佈前甚麼宮廷內發生的事件，校草哥哥話睇完個劇本深受感動所以寧願推劇都要接呢個4集劇的少年版角色喎﹗)同埋《婦產科的女醫生》(係咪有個名叫甚麼《順風婦產科》？但我唔係幾鐘意女主角個樣…XD)
文在信（桀驁）： 劉亞仁哥哥個名咁中國人既？見佢呢個嬲憂郁好難想像佢係儒生之一囉…唔係話有門禁要幾點之前返去架咩？(係咪我又睇漏了啲野？)又說本來我以為佢會係一味cool爆的，典知自從知道大物係女仔後會突然轉風成係姜新禹對大物關懷備至的﹗同埋啲表情突然走可愛風…至鐘意佢明明瞓開面又唔come被又ware開衫瞓，因為知道有女仔喺度就come被仲捲住自己，又夾硬同大物掉位lui埋佳郎度瞓…笑爆咀…(而佳郎個反應又好正…伸手指去篤醒師兄又令我笑爆咀了…)

金允熙（大物）： 睇得阿朴敏英姐姐個(娘娘腔…XD)書生郁多，睇番女仔郁好似無咁sharp…。而…演佢弟弟那位哥哥仔…個郁/樣奇異地激似房祖明﹗囧﹗(哈…女角唔花癡無乜野講…)

呀，大物阿爸曾經係成均館掌議，佢既死睇嚟係一條伏線，會唔會又好娘地係唔知邊個既阿爸害死佢呢？囧

掌議都相當令仔…但佢啲嘍囉唔得囉，無頭無腦咁，點解佢會收啲咁唔做得野既0靚架？而阿貂蟬姐姐好令女同埋氣度不凡，實在養眼過女二號好多…

我不停話受唔住的女二號…阿孝恩姐姐唔笑都還好…一笑就…有FF的衝動…呃…

um，一路睇呢，感情線很《原來是美男》，有人一早就知女主角女扮男裝，又有人中途知，then有人一路都唔知攪出同性疑雲，then個女二號硬入同女主角去搶男一，好在今次呢個女二唔知女一秘密，無逼佢離開(阿美男成日話走又唔走之後再話走咁都幾…um…煩的…XD)只係一心纏住男一咁…不過佢既面口是頗令小的不安…呃…。同埋呢，點解啲男一二三硬係只心向女一，無番啲女二三四分俾佢地既？好慘啊﹗女一一定同男一一齊架嘛，實在，男二和男三都好勢均力敵呀﹗(而開首那位同同就說帥哥四人組佢都鐘意﹗哈哈哈)

雖說大橋是似的，不過主角感情(友共情？)的火花位還滿溫心，大射禮佳郎一句幫大物創造奇跡啦，之後四人組走來走去替大物洗脫冤情，細膩中有感動的說…此時…可以delete了那位硬入的女二號嗎？(回帶…佢又唔似《洪吉童》個女二可以幫洪吉童拎解藥救大君喎﹗)…

而成均館內的學習生活就很 《花樣少男少女》，除了讀書外仲有成千上萬的活動(鍾意即興的殿下讓我想起《花》((07日版喎﹗))的校長松田聖子姨姨﹗)，一開始個疑似迎新禮簡直勾起小的對O Camp千萬個可怕回憶﹗(泣奔…)…話就話係train未來官員，但啲生活咁繽紛又多彩既，仲有點解啲比賽可以叫埋牡丹閣啲姐姐嚟既？

(成篇文不停講邊個令仔邊個唔令添…哈)

煲完再補完成後感。以上~

前言：[日/韓劇]《仁醫》、《成均館緋聞》、《黃真伊》
番外篇：點解古裝劇表達時間飛逝的方法是鬍子？
*******************************************************
31/3/12後記：

本來我suppose這套會是《花樣少男少女》式的快快樂樂學校生活，但劇組似乎唔想局限喺呢方面，於是在佳郎鬥大物的狀元之爭後，就轉去攪紅璧書和金騰之詞了，雖然中間穿插佳郎和大物的sweet sweet場口(也有女林和嬲憂((我堅持叫他嬲憂的﹗哈哈))的粉紅場面…哈哈)，但又要老土地…又係男女角其中一個父親有份害另一個的父親嗎？(我諗起《美男》泰京阿媽和美男阿爸的情仇了…)…呀﹗而搵那個金騰之書過程…是有點悶的…加之於成日黑麻麻…呃…

小的在估《愛情雨》會唔會第3度出現男角買野送俾女角但送唔到兼炒大鑊之時，呢邊佳郎送了介指給大物之後自己就代嬲憂師兄以紅璧書之名被拉了…啲信物出現的意義是…讓二人分開之時可以睹物思人嗎？﹗*0*

除了那個頗悶(我覺得)的政治情仇外(甚麼理想國度呀？)，個結局都滿sweet的，大團圓好丫…同埋係咪大物抄得甜書多…(所以唔覺意講錯野攪到面都紅埋好好笑)，所以最後一幕來了個滿有甜味的場口？﹗哈哈哈…而，女林去做設計師改變朝鮮時裝界嗎？可唔可以開外傳呀？《project runway》朝鮮版有得做喎﹗卡卡卡…