2012/03/13

[港劇]《東西宮略》…送飯(不)良伴

基於阿娘有閒情在家煮食,於是(不幸地)呢套劇開播以來小的都有幸睇到…呃,真係激發小的對國史研究熱情(是自《鳳凰四重奏》和《天機算》之後又一次﹗這也算是tbb的貢獻?)…而奇情的是…

奇情的是…小的頂唔順都算,連家母都受唔住寧願轉去新聞台睇豬狼鬥…

  • um,其實我真係覺得東宮和西宮係咪應該掉番轉?聽住阿西宮娘娘(咦,琴日劇情講到東西宮掉轉咗)…阿迎春姐左一句:耶~~~~~右一句:大王呀~~~~~~~…小的不禁有點打冷震…
  • 其實鍾無艷既故仔係咪真係咁經典好拍呀?使唔使陳妙英當年有套《無頭東宮》之後而定又整一套…
  • and then我唔明佢pat so-called胎記有幾令佢醜…
  • 呃,比起陳博士,madam jo似乎少了一點正氣,同埋佢講古裝對白個tempo始終都係怪怪地,一堆四字詞連住講既時候硬唔多順咁…
  • 咦每次聽到啲四字詞就不禁諗啲典故究竟戰國時有未…(孔子思想呢…應該是有既,百家爭鳴嘛那水…)
  • and then見到阿旺演齊宣王我繼續覺得佢係演緊阿旺…自從災難性的《醫家有喜》後見到郭阿旺就令我好不安…
  • 而同時我又想知究竟當年啲妃子係咪會稱自己做本宮…都算啦,就當係啦…我都唔明點解阿東宮娘娘(咦,琴日變成西宮娘娘了)會喺大王面前稱自己做本宮﹗啊﹗我諗起《萬凰之王》胡囧和宣圈都有在皇上面前稱自己做本宮喎﹗原來呢個傳統從戰國流傳到清朝﹗
  • um,也許我們不能太挑戰tbb的偉大歷史觀…呃…但我想問點解戰國啲郁跟《公主嫁到》時沒甚分別?﹗《尋秦記》(佢都係戰國喎﹗)都叫有少少唔同吧?﹗
  • 硬係覺得東宮和西宮娘娘啲戲服喺其他劇度見過…
  • 呃,阿迎春除了啲「耶~~~~~」之外都算恰如其分既…其實我想講呢…阿信陽君夫人王太…可唔可以唔好咁勁吸氣聲呀?睇佢坐喺度講對白都抖晒大氣咁(其實《真相》佢演helen作供時都係咁喎﹗)…點解要咁做呢其實?
  • 呀,好似在勁彈?我想話阮兆祥的晏英幾好笑,佢古古惑惑又足智多謀咁,佢先係真正的笑位囉…
  • 而阿梁烈唯演的史官生性直正,有事無事都會寫進竹簡上…又是一個好笑…但我想問…當年有毛筆未架?
  • 但真係好煩,之前先有套關二哥和二嫂,(死唔斷氣)做極未完的《缺宅男女》之後二哥變史官,二嫂就變930既二妹(講起《online36小時》,楊怡本來我是相當ok鐘意佢的…但自從佢升呢後一年見佢幾廿轉…都好煩吓了)同家姐爭男友…好煩…最爆係…嚟緊《當旺爸爸》 又再次有蓮達妹﹗救命呀﹗
  • (自從《天與地》後港劇又沒看點了((《4 in love》小的沒看))…小的都是努力去追某人和追2好了…)

想當年小的睇《鳳凰》(八國聯軍﹗原來清朝子民世界觀係咁強大﹗佢地知道世上除了大清國仲有另外八個國家喎﹗)睇到叫救命時阿娘係堅持繼續睇,今次阿娘竟然主動轉台,母愛實在是太偉大了(其實唔關事的啦…哈哈哈﹗)

以上。

tbb主頁 
東西宮略 陳敏之 升呢 擔正 《東西宮略》鬥醜女 法拉 陳法拉忽然1周 865期
(陳博士93年先選港姐,向海嵐98年架喎﹗套《無頭東宮》邊有可能係92年拍架﹗)

8 則留言:

  1. 咦? 阿囧同宣萱唔係係皇上面前叫自己做奴才架咩? 有期d人睇話佢地做乜自稱自己奴才, 跟住阿監製話清宮其實是用這個稱呼的...

    其實法拉利首主題歌...聽到佢d廣東話都重係麻麻地

    回覆刪除
    回覆
    1. 係呀,suppose,奴才又好臣妾又好,對住皇上應該謙稱,但好攪笑啲妃子會偶然對住皇上自稱本宮,then啲臣又唔稱微臣,會叫本官…我睇到笑爆咀囉…

      法拉利仲會出碟呀…佢好似係都咁上吓大個先移民海外,啲口音有啲奇怪,時裝片都ok,古裝片真係好"銀"耳…

      刪除
  2. SHARON~*13/3/12 22:43

    是說 呢套最近搞到我屋企好歡樂 XDD
    我妹仲話呢套好睇過《online36小時》XD

    迎春果D「耶~~~~~」真係對白黎架喎
    有哂字幕既...
    今晚見到FALA & 長腳蟹又係響度「耶~~~~~」笑到我痴左
    講真 FALA演技有進步左
    不過佢D口音演古裝 好UN耳...

    信陽君夫人D吸氣聲我冇留意(可能佢係緊張 XD)
    不過佢D表情...囧
    唔知點解我覺得呢位做戲愈來愈退步...

    >> 而同時我又想知究竟當年啲妃子係咪會稱自己做本宮
    +1
    《萬凰之王》入面唔係叫奴才咩?

    回覆刪除
    回覆
    1. 唔知呢,我唔太受得住法拉的演出,佢方式跟平時差唔多…但就係口音講古裝唔得,聽得好辛苦…陳敏之是ok既,信陽君夫人我睇《真相》時已經唔多受得住佢啲抖大氣式講對白既方法…,同埋佢真係得盡胡囧真傳,表情好誇張﹗哈,一堆頂唔住之下就棄劇無睇…

      祥哥、長腳蟹和梁烈唯是ok好笑的…

      《萬凰》入面叫奴才…但我睇過有啲場口啲妃子在皇上面前叫自己做本宮…即刻o咗咀…咁大膽既?拖佢出去斬啦﹗(XD)

      刪除
  3. 我都幾鍾意長腳蟹,佢cute得來唔係作狀,講野轉數快得來又幾好笑(係呀我講緊「三個女人一個墟」)

    回覆刪除
    回覆
    1. 那個甚麼《女人》的節目我無睇啦…

      《隔離七日情》蟹蟹做拜金女都ok唔令人(我)反感的…

      刪除
  4. 中史補完計劃﹐啟動
    妃嬪跟皇上說話時﹐是絕對不會用本宮的﹐一般用妾身﹐更謙卑的叫法﹐是賤妾。
    但有時TVB又好醒唔醒﹐王妃自稱臣妾﹐臣妾一詞根本不是稱謂﹐而是戰國時代時奴隸的統稱﹐男為臣﹑女為妾﹐後來泛指子民之意。如《商君書·錯法》:「同列而相臣妾者,貧富之謂也。」

    回覆刪除
    回覆
    1. re:文少

      真係集思廣益啊﹗

      沒有查過書呀,覺得「臣妾」比較正路(是我個人覺得…哈)因為由細到大睇劇都係咁叫…但肯定「本宮」係啲演員(或劇本)錯…對住皇上個個都要謙稱…有時上朝戲啲官員對住皇上都叫自己做本官…我真係笑了囉﹗

      刪除

要講幾句嗎?﹗XD