2012/01/09

《2011年度十大勁歌金曲頒獎典禮》笑談

新城我沒看,叱吒和港台都有睇,跟住呢個《勁多蝦碌》沒看…典知我走寶了﹗居然可以爆成咁…真係忍不住要自己上網搵番結果嚟睇啦大佬﹗

 (資料來源:呢度)

金曲獎 
1. 草蜢《華麗舞台》<--係咪計晒《華麗明星賽》節目入面播過幾多次呢隻歌?咁個節目hit既話都勉強解釋到隻歌hit啦…無記做乜咁熱愛草蜢?台慶俾佢地拎走節目獎和主持人獎之後《勁歌》又掃獎…
2. C AllStar《天梯》<--隻歌唔係上年架咩?
3. 王菀之《水百合》<--仲以為係《末日》添…
4. 林峯《Chok》<--前一天做的港台頒獎禮先聽過一次…係咪我out?我未聽過喎﹗
5. 梁漢文《一再問究竟》<--終於都有份了(好失落的感覺)…上一次應該係《七友》那水啦?
6. 容祖兒《花千樹》<--我覺得《牆紙》好聽啲…
7. 古巨基《爆了》<--對不起我真係越來越唔識欣賞古生的音樂…
8. 關心妍《仍然》<--我比較關心楊太幾時生仔囉…仲有點解佢拎唔到女歌手獎架﹗
9. 張智霖《戀上外星人》<--歌是ok既…
10. 蔡卓妍《年年》<--歌是ok既…不過我鐘意《往事不如煙》多啲﹗但唔同年份…

咦…我想問有一水係咪無記玩到十二首金曲?不過無咗五大,真係好多hit歌都無咗…但…東亞藍奕邦和蘇永康都有歌啫…佢地無影既?《那誰》呢?(無《那些年》都算了…劉子千係咪話唔上無記所以無《唸你》?《年少無知》呢?)既然mc jin和hanjin都有為無記做節目,不如share個獎俾佢地算啦…

最受歡迎組合金獎 - 草蜢
最受歡迎組合銀獎 - C AllStar
最受歡迎組合銅獎 - Rubberband
英記竟然搶唔到呢個獎俾癲士?佢地好慘啊…(糖妹有拍節目都分唔到一個半個獎嘛?)

最受歡迎新人(男)金獎 - 許廷鏗
最受歡迎新人(男)銀獎 - 鄒文正
最受歡迎新人(男)銅獎 - Rednoon
Rednoon係上年新人咩?銀獎的人兄不認識…

最受歡迎新人(女)金獎 - 林欣彤
最受歡迎新人(女)銀獎 - 鄭欣宜
最受歡迎新人(女)銅獎 - 梁佑嘉
呀阿啤啦下年繼續落多啲獎啦…可能有金曲都唔定的…

新人薦場飆星獎 - 陳僖儀
呀…敢問閣下係?

2011年度傑出表現金獎 - 王梓軒
2011年度傑出表現銀獎 - 王祖藍
2011年度傑出表現銅獎 - 官恩娜
官ella首《由他去》都幾唔錯的…不過佢喺《巨星》爆出到而家又好似靜番晒了…。那兩位王生…哈哈…佢地出過咩歌呀(我孤陋寡聞好了…)

最受歡迎唱作歌星金獎 - 藍奕邦
最受歡迎唱作歌星銀獎 - 王菀之
最受歡迎唱作歌星銅獎 - 陳偉霆
亞太區最佳女歌手但係唱歌係銀咋喎…好詭異…詭異唔過…陳生作過咩歌?(又係我孤陋寡聞)

最受歡迎合唱歌曲金獎 - 鍾一憲,麥貝夷《勾手指尾》
最受歡迎合唱歌曲銀獎 - 洪卓立,鍾舒漫《傻瓜》
最受歡迎合唱歌曲銅獎 - 葉文輝,狄易達《辣著生命》
據說《勾手指尾》喺0靚界十分受歡迎…而銀和銅…我又孤陋寡聞了…我唔識喎﹗不如俾《潛行》和《法證3》的主題曲啦…都係合唱呀﹗

最佳作曲大獎 - 鄧智偉,莊冬昕《Chok》
最佳填詞大獎 - 黃偉文 《花千樹》
最佳編曲大獎 - 馮翰銘@ the Invisible Men《水百合》
最佳監製大獎 - 蔡一傑《華麗舞台》
《chok》咁都有兩個獎…真係詭異…

最受歡迎華語歌曲金獎 - Twins《3650》
最受歡迎華語歌曲銀獎 - 林峯《讓我愛你一小時》
最受歡迎華語歌曲銅獎 - 容祖兒《最後情人》
我又孤陋寡聞了…銀和銅是甚麼歌來的?﹗嘩﹗都是英記的歌手…

最受歡迎改編歌曲獎 - 林欣彤《鳥籠》
改編的嗎?個人幾鐘意呢首歌的…

最受歡迎廣告歌曲金獎 - 容祖兒《澎湃》
最受歡迎廣告歌曲銀獎 - Hotcha《素顏假期》
最受歡迎廣告歌曲銅獎 - 林欣彤《非凡》
《澎湃》係咩廣告既歌?

最受歡迎男歌星 - 古巨基
最受歡迎女歌星 - 容祖兒

亞太區最受歡迎香港男歌星 - 林峯
亞太區最受歡迎香港女歌星 - 王菀之 

金曲金獎 - 林峯《Chok》
不是說二彎娜唔好,但亞太區又好似誇啲…無人可比(其實成個頒獎禮最悲就係呢樣…)…不如俾番癲士啦,反正佢地出道十周年周圍去開show又有新歌咁…。睇番網友貼的相二彎娜得獎時都o晒咀…囧﹗

至於那首金曲金獎…其實係咪視帝唔夠分,所以音樂的獎硬要分俾lone哥呢?真係勁京京,唔講啲真係hit既歌啦,就喺那十首度揀,識《chok》既人…係…um…哈哈。我成個fb都俾人洗版說唔知呢首係乜耶﹗ 

最最最詭異的是,主持和嘉賓竟然會比歌手更好看…呃…李克人出嚟唱歌時fb又被洗版說成晚終於有個正常既人表演了(仲有達明和葉sally)…哈哈哈。俾我係五大歌手,見到而家個賽制玩成咁,真係唔知下年會唔會頒個「最受歡迎女歌星」俾男歌手架喎。又真係好難怪,就算明知會齋坐成晚,啲歌手都會出席903而唔嚟呢邊啦…

好在琴晚唔開電視咋,真係聞者傷心聽者流淚,話晒想當年男女歌星獎係幾多歌手仆到去爭既架,你去拍劇我去拍音樂特輯(話時話,音樂特輯呢樣野都無咗好多年了?),跟住臨頒獎禮前報紙雜誌都在估邊個會得獎,唔夠分豬肉先無啦啦整多個亞太區出嚟。以前係唔夠獎派,而家係有獎無人拎…都咪話唔灰。反而台慶頒獎禮就好睇好多…風水真係輪流轉了…雖說有獎是鼓勵,但明知係無人選而夾硬頒俾自己…心頭真係冷一截…

last but not least,容天后拎到第七次,都真係幾慘,以前都仲話有千fa、張太同佢爭下,而家係無人理…都預咗係佢架啦…完全唔值錢…佢呢個七連霸,完全抵唔上梅姐的五連霸,咁佢又唔係唔努力喎…只係個獎太唔值租啫…陰公豬…

不過呢,the show must go on,期待出年會有乜驚天地泣鬼神的舉動﹗yeah﹗
2006筆記:我看勁歌頒獎禮…
2007筆記:我看勁歌頒獎禮…

10 則留言:

  1. 今年最無代表性既,都算係呢個頒獎典禮啦。

    回覆刪除
  2. 木鈴兒:
    無代表性…但最具娛樂性…真係甘拜下瘋…

    回覆刪除
  3. 講真攞奬張list上面我差唔多一首都無聽過,新人歌手除了欣宜阿Mag之外都唔識,睇住這張list真係覺得好陌生........

    回覆刪除
  4. 其實成個Show最好睇係D主持XD
    尤其係崔建邦,佢真係好掂
    無線無邊個後生可以好似佢主持得咁好

    回覆刪除
  5. 我以為因為我被韓流捲走咗所以唔知呢個 list 咩事咋. 金曲, 學下你, 巧京京, 我好似冇聽過, 反而古sir 個首難聽到爆 (sorry 我直接咗, 想當年我周圍撲佢演唱會飛的...) 有聽過. 許庭堅個首我覺得幾okay 的, 然後欣宜同mag 都有聽過.

    我其實以為係天與地個首會拎金曲, 係咪因為收視唔夠高所以冇獎拎呢? 我又以為最佳組合係福祿壽.

    回覆刪除
  6. Nicky:
    我本來意圖開住個電視聽賽果,邊溫吓書練吓琴…但完全集中唔到…卒之算…關電視了…

    吹波波四平八穩,無驚喜亦唔會點有失拖…不過佢私生活就精彩多了…噢…

    回覆刪除
  7. 少玄:
    欣宜和阿mag都可造之材呀,多啲新血等個樂壇唔好咁悶啦…唔係話唔鐘意容天后拎獎,而係無競爭之下年年都係佢好無癮咁啫…

    無記個list年年都有啲9唔搭8或從來未聽過的人拎獎,係今年特別奇異…同其他三個台比好似去咗第二個星球咁…

    回覆刪除
  8. 紫熊:
    死啦…我成腦都係my precious~~~(同時又諗起kattun有首《precious one》…好聽~)同my heart is beat beat beat beating boom boom....囧﹗

    古sir呢兩年開show都有friend問我睇唔睇,佢啲新歌唔係垃圾得晒,但主打我唔鐘意佢個chok過林峰既唱腔,聽佢唱番舊歌我覺得係污染…

    阿許生都ok的…但佢啲歌太苦情了(我鐘意林奕匡),阿mag和欣宜都有聽佢地隻碟,欣宜有點太用力,輕手番少少會好啲,阿mag就好計算好商業好穩陣,沒過火不過都不算太驚喜囉~

    《年少無知》唔會有啦…根本都不被無記重視…囧

    回覆刪除
  9. 講真,呢個頒獎典禮,我真係有近8成歌未聽過,
    我期待既係,到底有無人可以打敗容小姐啊?

    回覆刪除
    回覆
    1. tbb係幫過自己做野就有獎…我好日都唔睇吓佢啲節目(舊年算係睇得多劇了…),真係唔知啲人喺邊度彈出嚟的…近年仲要無埋五大歌手,睇無記點樣夾硬塞啲人去拎獎就好有樂趣…

      五大既女歌手唔俾得嘛,自己友又太新,癲士又唔俾,我都幾驚訝亞太會俾二彎娜…不過都好過真係俾關心妍既…

      咁容天后真係有努力出歌既(當然鐘唔鐘意/有無突破係見人見智),只係佢吓吓無對手之下拎獎就有啲慘…

      刪除

要講幾句嗎?﹗XD