2011/11/01

[港劇]萬千星輝《萬凰之王》

由於屋企裝修關係連電視線都被拔掉,於是這幾天都沒能夠看17皇兄(還好這個世界有mytv﹗遲一日先有得睇《法證3》囉…)

呀呀呀…這不是重點,重點是…我重點期待的《萬凰之王》我都要遲一日先有得睇呀﹗見到博友說圖中的「萬千星輝」…um…我知道我一定要看了﹗嘩卡卡…

時間關係,仲未睇得晒琴日的兩小時版本(於是就無《法證》睇囉﹗難得到17皇兄主線的案件呀﹗)好了,嚟番我最愛的bullet point先…嘩哈哈﹗

  • um,一開始啲妃嬪送禮俾囧囧呢…um,係阿映雪(看《洪武》太入迷了…係沈卓盈)比較ok,李思欣個造型就好plain囉,then阿楊秀惠無論外型和對白的tempo都怪怪的…佢…其實係咪演番時裝好啲呢?
  • 呀,不過胡定欣未出場…可以拉番高個curve吧…
  • um,如果啲妃嬪都只係呢個level,真係應咗呢篇文所說的…um,啲人腳唔係太養眼喎﹗(上面講既幾個算係後生細女架啦嘛﹗)
  • 阿囧囧算係收歛咗佢誇張的面口,係講野時懶係chok住把聲有啲難受…唔知呢,好似《洪武》咁平時好地地,一到宮廷戲要懶係有個宮廷mode嚟講對白時就作狀了…
  • 我想話呢,睇得最舒服一場係《金枝》的皇后陳秀珠同做佢個女既囧囧教路點樣整走宣萱…
  • btw,陳秀珠又同劉家輝一pair了…佢地係咪梗咗架啦?(另…前陣子報導說劉叔叔中風…take care啊﹗)
  • 第一集已經係咁拍枱鬧人…其實係咪鬧人大聲呀咁就等如有戲味呢?還是覺得咁樣就可以先聲奪人?
  • 宣萱初段係受逼害的,後尾被逼虎跳牆先嚟玩心計,上面篇文說佢前段係劉三好,後段係如妃…喎﹗暫時都ok既…
  • 終於要講了:阿皇上錦鴻哥﹗佢做乜成日演天真小伙子架?﹗之前《九江十二坊》已經係咁,而家做皇上都要同囧囧講「朕既愛妃」…(廣東話講真係好肉麻架囉﹗)、「你睇﹗彩虹呀」…真係…真係…真係…我暈了…
  • 佢,作為一個皇帝,可以單人匹馬跑去皇陵(而皇陵唔係應該離宮一段距離架咩?我搭車去旅行都要個幾鐘啦﹗)…跟住叫人開棺…自己會落埋手一齊推…件事真係好詭異,定呢個皇帝夠親民又鐘意落手落腳呢?
  • 其實,阿皇上一時喺太后面前自稱朕,一時又自稱兒臣,跟住啲后妃又稱自己奴才…連喺重上面前都叫自己奴才…好似叫臣妾順耳啲呢…(人家說請教過史學專家…係咪我錯呢?﹗哈哈哈哈)
  • 再講:乜而家無記無人咩?做乜我見鴻哥見得咁密架﹗有啲懷念佢喺《團圓》啲燥狂大佬…起碼…跟佢老哥的年紀相配嘛…
  • 見到gigi姐做太后,跟住張國強做近身太監…即時諗起《王老虎》…哈哈哈﹗well,gigi姐今次呢個太后好似比《紫禁》那個深山老妖(奇異的是程可為姐姐都有份拍呢套劇架﹗)太后正常,至少唔會俾人鬧佢「佢呢個老太婆」吧?
  • 據說阿太后會同信太妃江美儀有一番龍爭虎鬥,呢吓有ok期待喎﹗
  • um,雖然說滿人係有兄終弟及,但康熙以後加強漢化之後都應該少咗啦?又雖然說係阿哥報夢叫皇上好好照顧老婆,又說甚麼家書的,但呢頭搵番骨灰嗰頭封人家老婆為妃…係咪急咗少少呀…作為大嫂又情可以堪呢…(就算傳到似層層的孝莊太后都無明目張膽嫁多爾袞啦﹗咦,我係咪認真咗?)
  • ((睇預告片仲有囧囧向陳山lone借種,俾皇上嚟神像後面發現了…哈哈哈﹗好粵語長片呀﹗會唔會講埋「你地呢對奸夫淫婦」呀咁呢?))
  • 死啦,只看了一集,已經覺得充滿樂趣,相信係《紫禁》之後另一套如此多fun的清裝片呢。
真係有圖有真相,這就是傳說中的冰雹,成舊成舊咁掉埋嚟…人都死啦…阿伊福晉仲可以企喺外面以身救花?

um,嚟緊應該仲有個幾星期無電視睇…miss笑點的話我不依啊﹗典算好呀﹗嗚…

萬凰@維基
[港劇]830 & 930 新劇說在前面文

12 則留言:

  1. 睇完你咁講,有D興趣想睇(好似幾富娛樂性XD,D妝又幾誇)
    不過近來學業繁重
    我連《法3》都無再追了
    加上我近來將對宣萱同張可頤既大部分喜愛轉到落邵美琪到=)
    所以我都係淨係等睇《天與地》算了
    我係呢D學業非常時期連追三套劇好似唔係咁好...
    留番放假一次過煲哂佢仲爽XDXD

    回覆刪除
  2. 其實呢, 我幾鍾意宣萱, 但係唔鍾意睇冏冏, 好矛盾呀...

    就咁, 同一句話又要再講一次, 天真同白痴都係一線之差...

    借種, 我反而諗起"金枝"wor...其實呢套同金枝都幾似, 遲D胡定欣做埋妃子, 咪即係安茜? 冏冏就明顯係黎姿, 宣萱咪係阿蛇lor...只不過呢套一開始就已經由成為皇后開始講ja嘛...

    回覆刪除
  3. by the way, 我好似唔覺見到有江美儀wor, 如果佢同太后爭, 咪即係皇后VS如妃?

    不過, overall我覺得呢套應該好睇過"驚雷"...鬥黎鬥去呢家野, 都係等D女人做啦...

    回覆刪除
  4. 皇上凡事落手落腳,都係想做好份工啫XDDD

    回覆刪除
  5. 博主嚴重中毒地迷上陳展鵬了,現在tvb的男藝人當中他跟黃浩然也算首席美男子了。
    萬皇之王有我全tvb第二討厭的囧囧,今年已破例看了同樣有她的魚躍在花見和怒火街頭,不會有第三次了。
    趁現在沒電視,快點看完殭屍2吧!

    回覆刪除
  6. 胡杏兒同皇上係天空飛果幕我笑左出來。
    咩D CG真係假到咁

    回覆刪除
  7. Nicky:
    其實我都無再追啦,公事和私事都繁忙,而且覺得都唔太值得追…當笑片睇就差唔多囉…
    個人有興趣睇《步步驚心》和《宮》,開咗個頭覺得很不錯,遲一陣子等公事和考試都過了可以慢慢睇…
    《法證3》我淨係睇番有陳展鵬個CASE就可以收工了…
    《天與地》我有興趣呀,不過就如你所講,都係一次過睇過癮啲,好似上次《珠光寶氣》咁,你叫我追82晚真係勁痛苦,雖然套戲GENERALLY係OK,但真係拖拖地,有得飛就最好啦﹗

    回覆刪除
  8. まこと:
    咦,估唔到原來你鐘意宣萱喎﹗
    我鐘意《阿SIR早晨》和《皇庭》年代既佢,之後佢啲角色有啲流於我很有熱誠和我很有恆心,跟住FORCE人順從佢咁…無以前咁熱愛了…
    哈哈﹗我鐘意呢句:天才與白癡只是一線之隔…
    囧囧個角色被吹捧到咁勁,UM,我睇咗兩集倒,我諗個劇本想做到有如《金G》那種奸得嚟都有原因,立體啲既感覺,講番佢本身都係善良既,只係為保后位而做啲衰野出嚟…不過我FEEL唔到佢HANDLE到啫…
    胡定欣似安茜既身份加玉螢既野心,都係呢度抄啲嗰度改啲咁啦…

    回覆刪除
  9. まこと:

    江美儀應該遲啲先出場…又講喎,有人發現《金枝》入面皇后和如妃,喺《萬凰》既時空應該未死,而陳秀珠既皇后角色就EXACTLY係而家黃淑儀既太后,咁既是說于洋就係陳錦鴻阿爸…好正﹗哈哈哈…信太妃唔知係咪就係如妃呢?

    回覆刪除
  10. brownie:
    佢唔好再叫囧囧做「朕既愛妃」…真係隔夜晚都嘔番出嚟…

    回覆刪除
  11. WINSON:
    我啲彊屍2完全停頓了…追完3之後就無心機追番轉頭…哈…
    我真係中晒陳展鵬毒喎﹗唔係佢…我都唔會睇《法證3》喎﹗佢同黃浩然(有一水我都好中佢《BIG血鹽HILL》毒的﹗哈)靚唔靚仔係咪首席就見人見智啦,不過我覺得佢兩個在亞記或外面啲電影/視劇度磨練過,啲內心戲、表情呀真係細膩啲,唔行貨的,真係抵佢地上位架喎﹗呵…

    回覆刪除
  12. 木鈴兒:
    我鐘意呀監製話點解唔出埠拍外景,佢話因為演員就唔到期…車…無筆直就無啦﹗

    回覆刪除

要講幾句嗎?﹗XD