2011/09/20

[港劇]830 & 930 新劇說在前面文

時近台慶,而家播親邊套劇都話邊個邊個會拎視帝,某個某個又會拎視后,看點可能不在劇集,反而在那些為煲而煲的花邊新聞呢﹗

830線
九江十二坊 29/08-30/09 emotion
  • 點解又係陳錦鴻呀?究竟無記係咪想捧佢?數吓,《團圓》、《紫禁》(係客串既…)之後到呢套《九江》,隔一套《萬凰》又有佢…囧﹗
  • 吃飯時lap了少少,感覺是比較平淡(硬覺得係《酒是故鄉醇》既朋友,基於人腳沒有太大興趣的關係,skip了…
  • 據某友人說,鴻哥和蓮達妹在劇中兩小無猜…嘩,仲勁過《魚躍》laughing哥和chilam哥哥挑戰將太做後生仔喎﹗
  • 同樣係疑似跳槽,馬小生講到驚天動地,林保怡就唔見影唔知去咗邊喎﹗(btw,剛重溫咗《讀心神探》…因為有十七皇兄呀﹗哈哈哈…雖然好重抄的口味…但睇落又ok喎﹗)
[港劇]印刷之歷史2~《九江十二坊》

荃加福祿壽探案 3/10-28/10 emotion
  • 原來節目巡禮時叫《福祿壽.com》的…拍出嚟又確係一套懷舊查案野,應該都係阿姐加埋三個野一齊扮鬼扮馬去破案吧…夠攪笑的話(諗起《難兄難弟》…)都應該睇得過喎

萬凰之王 31/10-??? emotion
  • 之前仲疑似接《團圓》/《真相》檔,點知攪攪吓等到台慶月先出,小的對呢套劇滿有期待的…可是…又有陳生啦﹗囧﹗
  • 經歷過《紫禁》既驚雷, 原來無記天馬行空起上嚟可以咁天馬行空,又宮廷妃嬪鬥爭又可以咁公式化,呢套都係觀望吓好…
  • 雖然說睇過《魚躍》和《怒火街頭》,囧囧的確無咁囧,但做皇后囧住嚟做都幾驚…同埋詭異的是宣萱明明大囧囧一截,但劇情反而講囧入宮先,宣萱係後來先入宮再同囧囧爭寵…好詭異﹗(維基話宣萱個角色會殺宮杜雲汐…咦,《美人心計》林心如個角色名喎﹗)
  • 又有馬賽(好強,第三部劇了﹗)又有江美儀(好強,也是第三部了﹗)又有黃淑儀,點解啲人成日duplicate架﹗ 
[港劇]萬千星輝《萬凰之王》
[港劇]歡樂滿《萬凰》~
[港劇]星光updup耀《萬凰》
930線
不速之約 至7/10 emotion
  • lap了幾集,感覺相當《飛越十八層》+《情約今生》+《死亡筆記》(主打係個蘋果)
  • um,雖然歐陽波比我喜歡,但又見到楊怡我實在受唔住(我已經對佢對到唔想再見到佢了…同除紙山…),而且,楊怡個髮型從《魚躍》到《真相》到呢套再到而家拍緊的《on call 36》都差唔多…可唔可以係咁咦改少少呢?(囧在《魚躍》都有染吓髮和電一電丫…)
  • well,個故仔本來不感興趣(唔click真係有時無乜得解…),琴日無啦啦望到篇報導話林lone原來唔係魔鬼而係催眠師,成個係佢向波比報仇的報局喎﹗oh,唔怪得劇組說沒抄了…(你信不信?反正我信了…哈哈…我又玩微博金句﹗)
  • 聽完呢個咁新奇的解釋又有番少少興趣睇佢點扭橋,不過都miss咗咁多集…睇吓遲吓有無mood睇番啦吓﹗
  • 最後,林lone in臨豐街,很爆﹗
法證先鋒III 10/10-20/11 emotion
  • 據說有十七皇兄參演,我係咪要睇?(lap到演員表又有馬賽喎﹗)
  • 查案野應該會幾唔錯,雖然無睇過前兩輯,不過張可頤加柴九哥應該不會太差啦﹗(程英和周伯通耶﹗…我很無聊﹗)
  • 但會唔會有睇開前兩輯的人受唔住人腳變晒呢?(情形就好似《刑偵》咁)
  • 查案野應該天馬行空極有個譜,個角色亦應該會比較正經,其實係咪真係會challenge到laughing哥拎視帝呀?(這是我的看點﹗哈哈…應該唔會俾一個人玩足3年啦掛…)
  • oh oh oh oh賣噢唇﹗又有紙山,又再次同唱K一齊…OH﹗乜而家無記真無人得咁交關﹗
  • 不過睇紙山做女警好過睇佢做千三娘(現代或古代版…)既又… 
[港劇]好先進耶﹗《法證先鋒3》

天與地 21/11-???
  • 過咗台慶先出,呢套野應該唔係爭標分子啦,不過見監製係戚其義,人腳都如《珠光寶氣》、《CIB情報科》、《火舞王瓜》咁一貫班底…有興趣咗…
  • 原來呢套劇就係陳鴻烈叔叔的遺作…OH﹗ 
[港劇]《天與地》差天和共地
[港劇]又講《天與地》~如果~命運能選擇~~
[港劇]最後的《天與地》

基於有啲劇未有TBB主頁,劇情是估估吓,有後感遲吓再續~
*****************************************************
暫時兩線劇都無興趣睇,可以專心去清舊劇了,剛開始煲《疆屍3》(我跳咗2…哈哈,我要睇十七皇兄嘛﹗),要努力清貨先…呵呵…

以上。

14 則留言:

  1. 呢幾年真係每到台慶都會有黎耀祥既出現
    不過今年佢再冧莊既機會唔大
    反而對於tvb用張可頤同宣萱既劇做台慶劇就真係有D驚喜 =)
    期待佢地既表現

    呢排tvb可能真係要清倉,將D拍左好耐既劇放出來播:
    《天與地》09年9月拍
    《不速之約》10年2月拍
    《萬凰之王》10年7月拍
    尤其係《天與地》等左2年先播,好似話因為個故事係由人食人開始講起再反映人性既醜惡,所以怕人投訴
    皇天不負有心人,終於俾我等到
    希望唔會因為C9唔鍾意睇而影響收視....

    《法3》《萬凰》《天與地》一齊連住播,我真係要做好追劇既準備XDXD

    20th Sep 2011 20:07 PM

    回覆刪除
    回覆
    1. 張和宣二人是你的飛佛啦~
      鬼咩,無記啲花旦新既又未捧得上,舊既又要返大陸拍劇,用嚟用去都係那幾個,真係睇到嘔,梗係要喺出面搵吓人番嚟…一年睇五次除紙山和楊怡我真係想嘔啊﹗
      台慶後清吓倉都唔出奇既,開始聖誕又新年啲人喪出埠旅行,咪就係馬小生講的炮灰位…呵…
      《法證》和《萬鳳》我都幾期待,《天與地》就睇吓點,可能等佢播晒先一次過追,戚其義啲劇唔婆媽(如《珠光寶氣》的話一次過追好過癮的﹗

      26th Sep 2011 09:50 AM

      刪除
  2. 在法證3, 聽講十七皇兄做張可頤的"前男友".

    21st Sep 2011 00:02 AM

    回覆刪除
    回覆
    1. 係呀,話佢係客串10集…囧﹗

      26th Sep 2011 09:54 AM

      刪除
  3. 成乍劇,最有興趣都係法證同天與地,法證一路有睇開,雖然無Bobby但有柴九哥,應該唔會太差(話時話我睇86倚天都有柴九哥做小腳色!XD),天與地,巡禮時係有張家輝架,好可惜又係人物全換了

    疆屍3聽聞太唔好我反而無睇,其實2真係ok架

    21st Sep 2011 01:47 AM

    回覆刪除
    回覆
    1. 柴九哥捱了廿幾年二打六不是吹水的啦(小的好鐘意留意啲跑龍套的人…哈),最開心係當歐陽bobby和大宇哥都上咗位的時候,終於到柴九哥,皇天不負有心人呢﹗我諗《彊屍》個case會幾似《刑偵》,如果由第一輯中毒地追,第2輯係base on番第1輯個故仔再加細節地追,會睇得過癮,但到第3輯人面全非個故仔變咗重心唔係彊屍而係人王和瑤池聖母時,一直以來支持小玲和天佑的人就會看得好唔過癮(就如《刑偵4》時勇哥和義仔無影了﹗)…我唔係追開,當新劇咁睇又ok,不過第3輯個故仔感覺有啲作狀(我感受唔到人王和瑤池聖母段愛情有幾驚天地泣鬼神了﹗),啲對白又長…會忍不住想飛的…XDDDD

      26th Sep 2011 10:01 AM

      刪除
  4. 呢套又係套師奶劇,你見有黃淑儀同馮素波都師奶到爆。

    好似有集講楊怡無啦啦到黃淑儀度睇中醫,咁你同佢唔岩仲會唔會去佢度睇醫生?白痴!

    馬賽比黃淑儀養果度又係白痴,既然黃淑儀唔想比人知馬賽唔係自己生,點解仲比佢地同boby來往?搞到我一直都以為馬賽係馮素波生,仲要搞笑到之後先知唔係馮素波生,但又其實又係……唉!想點呀!

    林峰個角色好扭怩,佢既然為報仇置生死于道外,咁佢搞咁多做密?一槍打死boby咪得!呢套野真係好多反駁位。

    2nd Oct 2011 19:55 PM

    回覆刪除
    回覆
    1. 呢套我無認真睇,行過LAP到幾吓咁,我諗楊怡諗住黃淑儀話晒係奶奶,做生不如做熟所以去睇佢掛?﹗﹗﹗﹗
      馬賽既身世之謎勁粵語長片,原來係馮素波生既之餘,波比又走去幫黃淑儀製造機會等馬賽多啲留喺佢身邊…um…又要玩生娘不及養娘大嘛…
      唔知呢,我行出廳時lap到少少咁大把,無認真睇既關係只能講我的印象:感覺呢套又係一套講大橋有趣但執行就好多bug的劇,好似好想帶出生命真締啲比較高深的訊息,但拍出嚟又硬要加番啲感情倫理tbb劇必備元素,攪到兩頭唔到岸…

      3rd Oct 2011 16:58 PM

      刪除
    2. 林峰想慢慢折磨Bobby,一槍打死他太便宜他了,

      8th Oct 2011 11:11 AM

      刪除
    3. re Luso:

      同時也在慢慢折磨觀眾…囧﹗

      12th Oct 2011 15:44 PM |

      刪除
  5. 其實楊怡個髮型在今年播出的所有劇中都是一樣的, 可能出年都係同一個, 今年你漏了一套劇, 點解阿Sir係阿Sir都有楊怡的....話時話, 以前的楊怡的確較討喜, 現在看不速之約愈來愈覺得她俗不可耐...點解呢....

    還有只要看過大陸製作的宫庭劇, 就會對TVB的古裝劇失去興趣, 無人又無景, 故事千篇一律...除非返大陸取景, 看TVB的古裝劇完全無投入感...

    因為有張可頤和黎耀祥, 只對法證先鋒比較有興趣..但點解又有除子珊, 好似還有陳法拉,今年第N套吧...TVB真缺乏人才...
    8th Oct 2011 11:06 AM

    回覆刪除
    回覆
    1. 講起楊怡個髮型, 雖然我係幾鍾意, 但真係好少見到一個女藝人套套劇都係用同一個髮型. 相信下年果d劇都仲係呢個頭.

      9th Oct 2011 15:01 PM

      刪除
    2. re: Luso

      係囉,本來楊怡好地地架喎,自從佢《宮心計》完後我覺得佢開始有啲煩(個人而言),啲角色好似無乜突球咁,明明以前睇《酒店lone人》呀《水滸無間道》、《學警雄心》呀咁覺得佢ok架喎﹗
      tbb就算去橫店取景,始終都係會有好多廠景,最近睇番《少年四大名捕》,全劇原來喺大理取景,即刻勁有新鮮感,如果有埋景睇都係一個看點嘛…人對tbb而言更死,一年可以有幾套楊怡徐子珊,就算ok喜歡佢地咁睇法想唔厭都唔得,而且啲劇本取向保守(雖然今年好咗少少…),往往係大橋聽落精彩,但骨子裡都仲係那幾個elements,有時我懷念佢地係咪將啲橋段寫落紙仔度,跟住抽…抽到乜就寫乜…
      《法證》好似無陳法拉?但徐子珊同唔唱k真係幾悶…半年內見佢地做一pair兩次…囧﹗

      11th Oct 2011 17:42 PM

      刪除
    3. re:Daynight

      係啦,係咪應該係咁2染一染或者加長剪短整少少整化?gel吓都好丫…起碼睇得出唔同劇配唔同造型,都無咁覺佢不停出現…而家係煩上加煩…囧﹗

      12th Oct 2011 15:47 PM

      刪除

要講幾句嗎?﹗XD