2011/10/04

[港劇]終於和《我和殭屍有個約會》有個約會(之2)

看街坊劇評都說第二輯基本上係繼承番第一輯兼解番啲謎(咁況天佑究竟仲係咪殭屍啫?~~~),咁第三輯就評價不一,有人說好有人說爛…咁小的咁鐘意掃雷啦喎,睇第完一輯就跳了去睇第三輯先囉…


(謎之聲:哈哈哈﹗好青澀的十七皇兄耶﹗((謎謎之聲:《心理遊戲》不是更青澀嗎?)))

um,本人其實覺得陳百萬唱歌是很不錯的,這首主題曲一開始啲「呀~~~~」聽落幾match個神怪傳奇既故事,不過之後就男有男唱女有女唱…好似鬧交…(請你滾﹗滾起佢﹗)

um,search吓文做資料搜集時知道小玲姐姐開拍不久就受傷了,於是故事要大改,而家陣仲存活在亞記網頁中的故事概要就係本來要拍的內容(謎之聲:怎麼明知跟出街的內容差咁遠都唔update咗佢呢?)…嘩,又真係好差天共地喎﹗開頭都係況天佑跟馬小玲在盤古聖地跟瑤池聖母一戰(咩盤古被滅族喎…)…況天佑拚死將小玲送番2004年,目的就係要小玲到宋朝搵佢前世箭頭去再和聖母一戰(謎之聲:點解一定要搵天佑前生呢?佢前生800幾年既宋朝人?宋朝到1938年之間佢無轉世咩?同埋佢有乜特別技能?又唔係馬丹娜和小玲咁兩個馬家後人會勁啲喎…),自己就疑似被殺,之後的劇情就係小玲跟箭頭一齊查奇案,一路搵出最後大佬瑤池聖母咁。中間不免穿插吓啲神話crossover現代人物(好似青蛇白蛇咁)整吓啲情情愛愛線,睇落,幾精彩喎﹗

就說因為故事大改,馬小玲戲份大減,宋朝搵咗箭頭回現代後佢兩個就開始行行企企食飯兩味,取而代之既係現代SDU對付靈異罪犯青檸,跟住就遇上化名瑤瓊(﹗﹗﹗瓊瑤的朋友?)的瑤池聖母,用了好多集來交代佢同人王之間驚天地泣鬼神的愛情故事,之後又交代吓馬小玲和毛憂之間往事(穿插吓天逸先生十七皇兄咁),又無啦啦會有劉以達和MANGO演馬小玲父母咁…呃…就說馬小玲和箭頭行行企企,上面啲劇情佢地只係穿插吓咁,唔似第一輯咁佢地身處其中同時人物(特別係主角)的感情亦隨之而與日俱增,去到結局就去到臨界點…爆了﹗好感人架嘛…但呢個第三輯…我覺得係聖母(硬覺得呢個少少奸的角色叫聖母…好似唔係幾好…可能係我宗教既問題…哈)和人王先係主角囉…但佢地吓吓走出嚟講愛情的真締有啲煩…

(初頭SDU青檸那part真係有啲無聊…幾想skip咗佢…呀,原來黃子雄有拍過亞記劇的…)

第一輯跟況天佑(睇《烈火》太入腦…又係唔慣天佑變咗尹天照﹗哈)係死對頭的山本一夫今次變咗蒙古人,仲要宋朝時就做了殭屍,睇住陳百萬和尹天照FRIEND住行出嚟就覺得奇奇怪怪…(XD)。問題:中間話話袁不破曾經喺二戰時用山本一夫的身份去買愛麗斯的靈魂想develop武器…咁1938年山本一夫係咪真有其人?第三輯應該無overlap到第一輯的人物架嘛?﹗(我認真咗?)只能說陳百萬在這一輯比馬小玲和箭頭二人更行行企企食飯兩味,直頭佢同聖母相逢因為一滴心血相連而feel到大家情緒所以多番啲對手戲咁…呃,其實呢套劇男女主角係聖母和人王囉(我重覆)。((咦,劇情成日提住銀瓶,佢會唔會都轉世為人呢?))

雖然只係剛剛睇完第一輯,但我有少少明白點解一眾殭屍迷唔多buy第三輯…有少少如《刑偵》個case咁,新一輯唔係話佢唔好睇,但如果係追開的老主顧,對頭一兩輯的人物有強烈情意結,好想睇多啲佢地既發展的話,第三輯又偏偏唔係講呢啲野喎,自然會有啲失望既…

同埋呢輯殭屍係嚴重的大茄,主角係聖母和人王囉﹗(我重重覆﹗) 佢兩個啲愛情故事真係…um…應該係好想營做一個不一樣的觀感,襯番佢地係開天創地第一對情侶嘛,或者我唔多buy吧…真係有啲長和chum,仲要不停講完又講…呃?﹗﹗﹗好悶呀﹗我寧願睇復生講吓爛gag…有一幕毛憂用槍指住佢…佢同小玲講「你仲唔嚟救我,我就要改名做人死不能復生」…嘩哈哈﹗我笑了﹗(雖然復生大個咗唔可愛啦…但講野幾好笑喎﹗)

呀…十七皇兄的天逸天生都成日講道理的,佢同鄭浩南一出場就不停講人生、命運既道理咁…呃…初初頭幾次聽佢地講都會有心機投入去聽和諗,但成日講…真係唔怕悶嗎?(情況如馬小虎的露面超人…唔好笑囉唔該﹗救命呀…)

另:阿箭頭哥一頭長髮有啲難受…

另另:套劇鬼咁多女仔要配音,演銀瓶那個女仔是同胞吧?﹗初頭我以為演嫦娥那位都係啦…睇睇吓先知佢係口明日嘉…零印象囉唔該﹗

雖然呢套明顯筆直係多過頭一輯,啲特技都成熟咗好多,好過第一輯尾祭月時陳百萬和尹天照個入魔樣…仲hea過96年《西遊記》喎﹗但個故仔…或者係唔想重覆前兩輯…又或者係逼於無奈的新創作…硬覺得有點…有點…造作咁囉…

anyway,都會追埋落去既,而家追了大半架啦。

上篇:[港劇]終於和《我和殭屍有個約會》有個約會(初篇)

2 則留言:

  1. 當年看第一輯,都只是偶然的事,所以並未有全部看過。而那時候我會偶爾看看,全因爲馬小玲,所以,到了第三輯,已經毫無興趣了。By the way, 這劇令我想去杜汶澤,當年他還是要跟着萬綺雯,但今天,他已是份量十足的製作人,而且是我挺欣賞的一個,時間真的會令一切改變。

    3rd Oct 2011 17:11 PM

    回覆刪除
    回覆
    1. 第三輯太少馬小玲和況天佑,而佢兩個又好衰唔衰係一眾殭屍迷睇第三輯的原因喎﹗而除了這一點,本來條大橋都OK既,玩得夠神怪又夠癲,但太拖了,前段的SDU和後段的人王聖母大戰都無乜關係既…
      時間的確改變好多呀,當年喺無記請過去亞記拍的人(梁榮忠、張慧儀呀)而家都無拍劇,當年喺亞記的人(如MARS…唔記得佢中文名…、陳展鵬、冼皓英咁)而家又過咗無記…
      各人都有自己既路既…

      10th Oct 2011 22:54 PM

      刪除

要講幾句嗎?﹗XD