2011/08/28

[港劇]好野重溫2~古版95《神鵰俠侶》

是咁的,舊文《歷代神鵰大雜薈》前陣子得博友留言講起95版既野…講講吓醒起…咦…16年啦喎﹗(時日如飛…今天在我心裡…)…而當年首播時好似係暑假尾播大結局的…看得小的特別依依不捨…唔想開學啊…

離題了,知音難求(雖知83劉UNCLE版深入民心嘛…),就努力去翻箱倒"龍"搵番啲發黃雜誌剪報出嚟分享一吓呀~有你有我雪中送火~~~YEAH~~~~

==========這是表明小的不喜歡劉UNCLE版本的分界線…==========

有幾個FOLDER喺櫃底搵唔到出嚟…於是只有少部份咋…唉呀…上面呢張《金電視》的係開拍之前的,仲拍緊《餐餐有宋家》時的…唔知點解《餐》時又唔覺古生咁白面架喎(佢喺報導度講過話導演覺得佢面黃所以叫佢拍粉先入廠的說…)…啲面色係OK架喎﹗而啲啡唇…我懷疑小的咁鐘意格仔野係受古生影響囉…嘻嘻…



左邊的係套劇出街時《香港電視》送的特刊,不過奇怪地只有男女主角和郭氏兩姊妹的小小訪問,兩三版劇照,然後就是廣告廣告和廣告囉…囧﹗不過都幾精美既…

又是舊文中提過的《螢幕偶像》,呢本野好神奇,明明95年出,入面喪講前前後後出的劇集,真係唔知佢其實係月、周定乜刊……

內文是很認真的…不過都係走唔甩會同吓舊版比咁啦…。UM,先申報,小的係先睇95版,之後幾年無記出番VCD後先睇83版的,《射鵰》其實都係一樣,也是先睇94版再先82版的,但唔知點解小的係熱愛翁版《射鵰》時但有點受不住劉版的《神鵰》…(我諗我是小眾囉…)…即係呢,舊文都說過,無錯83版選角是好的,而他們的演出都是好的,但小的實在受唔住啲加落去十級畫蛇添足的劇情,例如楊過扮王重陽翻生整古道士啦,又如區瑞強和張德蘭無啦啦客串一對師生戀的戀人仲要被街坊用石扔死…一路睇小的真係囧出一滴大汗…楊過係好心高氣傲架嘛,點會走去低莊地扮鬼嚇人,仲要之後小龍女低聲下氣同佢去重陽宮道歉…如果係佢當初唔夠陸清篤打又被趙志敬公報私仇就唔使寧死都走入古墓AREA啦…而那對攪笑的被扔死師生(SORRY,真係攪笑多囉…)…阿過兒係好偏執,你唔俾佢做佢就偏要做,喺英雄大會被郭靖夫婦反對佢同姑姑一齊已經激發咗佢啦…使乜搵對九唔搭8的人出嚟再鞏固佢既心志呀…救命啊…

唔知呢,或者製作團隊覺得只跟原著太沒創意掛,但佢地加入去的情節我覺得好唔LOGIC咁囉…
當年成報的視評,其實主打都係同劉版比較…UM,唔知呢,睇完劉版我覺得UNCLE將楊過演得太正經了,楊過其實係等小龍女那16年先同阿鵰兄一齊行俠仗義咋喎,而佢走去打大汗本意其實係去救郭襄咋喎,佢只係有MOOD就去行一吓,無MOOD就唔見人(難怪佢同黃藥師係FRIEND了…)…睇佢搵番個老婆之後就歸隱江湖啦…而佢後生時就根本係街童喎…只係佢本性係善良既,所以有邪念到最後都會懸崖勒馬咁解囉…如果要正義大俠,那個係郭靖囉…(謎之聲:雖然是本色演技,但古生演的後生楊過真夠輕佻浮躁((中年更係漸入佳境喎﹗)),熱心幫人但有點衰衰格格,做FRIEND又真係一流喎…OH…扯遠了…想話演技可能係有點不及,但佢又真係好係我睇書時想像既過兒喎…當然,一開始扮細路是有點難受的…雖然角色設定已改為16歲…囧)

也是一個踩的劇評…OH…左邊係一個趣聞…尾段那隻九尾靈狐原來係隻狗仔喎﹗

便利CUT出嚟的…個TITLE好爆:楊過慘變楊具…哈哈哈﹗

海外版影碟竟然有閃卡﹗雖然製作不太精美啊…港版的VCD是甚麼都沒有送囉…篤手指…

99年時無啦啦在報檔見到的,這本野送的明信片幾精美吓,但內頁的相片就影似係從影片度CUT出嚟囉…不過當時仲未有得上網(我屋企),好難拉到啲相關MATERIAL嚟珍藏嘛,所以都照買囉…

===================這是貼完相的分界線=================

我諗呢套劇係陳百萬不堪回首的回憶呀…

呃…其實我係想搵十七皇兄陳展鵬在此劇的身影…可惜我幾乎由頭都尾LAP完一次都見唔到有疑似的身影…CUT唔到相添…嗚…

**************************************
屋企部機唔知點解個FIREFOX癲癲地,逼住轉用GOOGLE個BROWSER啦,但用佢嚟寫BLOG時INSERT相又EDIT唔到,跟住PREVIEW又出唔到中文…轉去用IE啦…又成日唔知HIGH到啲乜野掣攪到RELOAD,真係唔該晒﹗攪到我一開始那段我打了座底四次囉﹗

其他《神鵰》:
九一神鵰俠侶和神鵰俠侶
[港劇]好野重溫:羅樂林叔叔版《神鵰俠侶》
談到少少83版的:[港劇]深夜熱播《獵鷹》

另一篇:[雜談]我最「難忘」的電視劇角色…@TBB

10 則留言:

  1. 啊...你趁呢期重播"尋秦記"抽古生水!?
    其實我淨係睇過佢同任賢齊既版本...我唔係好明點解海綿大哥可以同時做楊過同韋爵爺呢?楊過又唔夠情深, 小寶又唔夠輕佻!
    離題...我當時都覺得李若彤好靚, 至少我估佢到"蓮妹"依家既年紀會keep得好過佢囉
    larp到篇剪報標題"傅明憲太可愛不似郭芙"...點解呢?其實郭芙應該係可愛的, 唔係點會咁多人對佢好, 雖然佢斬左過兒隻手...但佢冇心的呀, 點似佢媽黃蓉當年佈局整跛歐陽克咁恐怖?

    29th Aug 2011 16:52 PM

    回覆刪除
    回覆
    1. 我係忠實白面古的粉,無時無刻都同佢promtoe緊架﹗um…其實我覺得阿任生做沖哥就得,做過兒真係唔夠靚仔…而蛋糕哥…佢那套《神鵰》我沒細心睇,《鹿鼎記》lap了少少…好鹹濕喎攪到…oh﹗
      李若彤真係氣質嬴晒…行出嚟木木獨獨咁都得…當年佢拍完古生演《神鵰》後,就同郭先生拍《浪漫風暴》,都是我的偶像耶﹗我妒忌了…(癡咗…)
      篇野太以83版為本啫,咁比起廖安麗,傅明憲又真係cute啲,不過郭芙係靚,郭襄就清秀啲,傅小姐演郭襄的話又太靚了…
      其實郭芙都幾慘,佢係標準被縱壞的公主病人,全世界都縱佢,包括口口聲聲話要嚴的佢阿爸郭靖,咁突然有個人會反抗佢(aka楊過),佢自然唔識反應或者反應過激,又唔好彩手上那把剛好是削鐵如泥的劍…又唔好彩咁啱楊過中咗毒…其實要怪應該怪郭氏夫婦唔識教女在先…
      佢阿媽係郭靖先忍得佢既…同埋《射鵰》時佢十幾歲女,可愛大晒嘛,睇佢都了《神鵰》成中年婦人…好懶唔幫番成日俾佢恰既楊過囉…

      6th Sep 2011 16:50 PM

      刪除
  2. 好懷念啊!那本香港電視特刊我也有珍藏,甚至連當時每一集的劇情內容都有剪下留著!你說大結局是暑假尾也差不多了,我記得是中秋節前後大結局的,九月中左右

    29th Aug 2011 23:37 PM

    回覆刪除
    回覆
    1. 我當年係癲到連後面節目時間表細格仔既劇照都剪埋的說…呀…
      我記起了…好似係中秋時節做大結局的呀﹗暑假尾做完第二日要返學既係《緝私群英》呀﹗睇完呢套小的就成了喜爺劇迷了…

      6th Sep 2011 16:53 PM

      刪除
  3. 終於見到你收藏的95神鵰,多謝啊! 不過美中不足嘅係D視評報道,尤其D評論都唔公平嘅,用83版做藍本嚟做比較,83版咁唔掂,由人物、性格、造型到故事全部都唔妥,完全的解讀錯誤。真要做視評就唔該用原著! 不過我懐疑當年寫視評D報紙佬根本冇乜幾個有做到功課的。所以我想make 個request ,不如 de1ete左D報道啦! 好冇? 依家咁我覺得都有D好似响度挖舊聞唱衰佢咁,而且無謂响大家集體回憶時都仲要唸番D衰野!

    30th Aug 2011 12:59 PM

    回覆刪除
    回覆
    1. 其實我應該仲有啲存貨的,不過要搬開好多野先拎到出嚟,所以遲吓先再搵﹗
      我又無諗到啲視評係「唱衰」大家集體回憶咁誇張呀,只係每樣野大家都有唔同觀感,咪拎出嚟一齊研究吓咁。既然當年確實係存在過呢啲報導,咁大家即管思考吓當中的觀點和自己的觀點誰是誰非(當然,是沒有既定答案的),咪集思廣益一吓囉,無壞丫(就如我堅拎95版係有其強處咁解)。就如《阿飛正傳》《西遊記之月光寶盒》咁一開始都劣評如潮的,但鐘意既人始終都係會鐘意既…咁囉。
      不過點都好,高興認識到你呢位知音人~

      6th Sep 2011 16:57 PM

      刪除
  4. 我都係用google, 你insert完相之後, 禁檢視原始碼(sth like that), 跟住再禁多些個個button 就出到相架喇!!

    你有好多珍藏呀, 我以前儲落城城個d都俾我扔哂喇...

    30th Aug 2011 15:09 PM

    回覆刪除
    回覆
    1. 我試咗有理無理成篇文打晒再出﹗得咗,但個過程好驚會乜都無晒,先抄到word上備份一吓先…
      再細個啲時儲好多郭富城剪報架,但到小的移情別戀去白面楊過時就掉晒…好可惜耶…所以大個咗唔熱衷剪報儲雜誌都好,儲落的剪報都會繼續keep住囉~

      6th Sep 2011 17:00 PM

      刪除
  5. 任賢齊做楊過唔夠靚仔,做令孤沖呢,果期又有呂頌賢版本,咁有比較之下...um...

    不過佢果陣紅就冇辦法,掛佢個名做主角易啲賣出去,咁果期又興武俠劇自然乜都關佢事了

    7th Sep 2011 15:43 PM

    回覆刪除
    回覆
    1. 我真係好唔buy任生啲名曲…唔怪得我完全ignore了佢那水紅呢個因素…卡卡…
      尤記得吳倩蓮一身黑衣加pn藍色眼影出嚟,襯埋個似沖哥多過似過兒既老哥出嚟,呢個《神鵰》真係creative到無朋友…

      8th Sep 2011 14:09 PM

      刪除

要講幾句嗎?﹗XD