2011/05/09

[港劇]8年人事幾翻新~《衝上雲霄》

小的真係娘到爆,首播沒看,重播沒看,係到呢一期睇《洪武》睇到癡咗,開始一條龍吓bobo的舊劇,咦…呢套有齊燕王和bobo喎﹗終於的起心肝睇了…

um,8年(02年拍的,應該係9年了…)人事,何只幾翻新…係幾十翻新呢﹗

(03年到底是個讓小的很感敏的年份,一講起就感概良多了…囧)

11/5 update:我仲未煲完架﹗今日看報就驚見無記打算拍續集和電影版了…囧好驚喎?不過以無記啲續集standard來說應該相當有娛樂性的…我期待呀﹗(雖然肯定是沒bobo的了…)

個故仔其實都係老掉牙到阿娘都唔認得的,無記劇bingo的元素還是可以大派用場,三角戀多到阿娘都唔認得,不過可喜的是因為有國泰及機管局贊助,於是一貫「主題只會在頭幾集和尾幾集出現,中間全線談情」的紀律劇不死定律被沖淡了,劇中又有機師、空姐受訓和工作情況(而且是認真唔係亂作的),也在機場管理人員的工作情況,唔講唔知…跑道上係要射槍嚇走雀仔俾飛機降落的…也真大開眼界了~唔知有無人真係睇完呢套劇而跑去考機師和空姐呢?(還好,因為劇情篇幅很多花在工作情況上,再花少少去談情,就無太多位去俾機師空姐們去bar飲野…無《皇庭》咁恐怖…)


(劇中好多濛鏡…唔唔),唔唔,成套劇都係用solar airline個名的…不過呢張劇照終於露出馬腳啦﹗見到卡啡劈斯fing個brand color﹗卡卡卡…

個故仔係ok既,工作、愛/親/友情比重分配比一貫紀律劇都來得平衡,睇的時候是舒服的(起碼唔使一到談情位就狂fast forward)…不過呢…可唔可以唔好馬神、陳慧珊或0靚坤一談情就出那個一班女人在「arrrrrrrrrr~~~~」的配樂呢?好煩啊﹗同埋我想問…典解成個airline嚟嚟去去都係得馬神、0靚坤和十郎呢3個華人機師?真係唔好意思,0靚坤啲英文…um,是可以更好的…而演佢細佬的唱k…也是可以更好的…睇佢地無論揸飛機定喺屋企都不停講英文…辛苦了﹗馬神和陳慧珊條line呢…um,馬神高大威猛,又真係好鬼有台型,陳慧珊個角色成熟得嚟又有啲少女味,出奇地唔突兀喎(比起《烈火2》那個等愛的女人是討好得多)…只是當馬、陳二人定局已成…0靚坤身邊只剩胡囧…um…當年囧囧係未囧的…而佢仲keep住《流金歲月》個清新樣…當年睇zoe呢個懶熱心超熱情的妹妹仔應該不致太反感吧?而家睇就覺得好煩…無記係咪想整古囧囧呢…吓吓都俾呢啲角色佢既…

雖然人物角色是有點煩,但好難得個故仔工作部份是認真的(雖然我唔知在澳洲受訓上堂會講中文囉…),無乜爭家產二奶鬥大婆殺人放火金腰帶咁,是看得舒服的。

(看我寫得多認真﹗沒有point form的…um,只想說再看《搜下留情》((我竟然記得有這麼一套劇)),見到復出的陳小姐…,而馬神還keep得住時…只能嘆歲月係催女士們老呢…)

好啦…其實最引起小的文思是某日在微博見到這幅圖…呀~~~~~~真係時光飛逝呀,一睇…S4外型沒有太大兩樣呀﹗3個女的,好像只有胡定欣在上位而沒太多負面新聞,囧囧越睇越囧不用說,頁船不知怎的走去磨殼,完全唔知佢想點,跟住專心去番拍戲後…OH…啲角色成熟到呢…其實佢先3字咋喎…已經要同熟女們鬥怨婦feel…都唔知好事定壞事了…

S4啦喎,唱K和BOBO…我都係諗起《學警》…那一水佢地拍親乜劇都係學野(也就是說,呢班哥哥仔妹妹仔曾經為TBB帶來一點生氣的…),BOBO唔係親生仔不被捧係必然既,唱K就捧死咗…尤記得《酒店LONE人》的「別怪他~~~別怪他~~~~~」那個轉身GIF真係好爆,是頭號被恥笑對像…OT了…無呀,自從佢和欣宜扮完王子公主被插,低調地拍劇觀感又ok番(特別是《女王辦公室》…其實《學警》佢都係ok既)…。基於小的同時在看《少年四大名捕》(竟然係08年的劇,仲以為好耐的了…),S4的人腳由巴士高變成林lone…bobo的角色也是有點似的有點輕挑不認真…和穩重沉實的柏翹或三保差很遠呢…(好了…花癡mode快要開動了…)((我係咪應該另外專文去讚美bobo呢?))

um,巴士高好似都係咁上吓,可能係外型所限,硬係演啲好似好醒目的0靚仔;馬明好似係之前《女拳》的三水做奸佬有點突破,要不然還是一貫的忠忠正正帶點傻氣的…即是說…唔搶鏡囉。


過了這麼多年個主頁都仲存活喎﹗不過click click吓故事大綱的圖竟然變了陳豪﹗好驚呀﹗又說,呢套劇和主題曲《歲月如歌》一樣,既然事過境遷,睇吓回味吓都好既,those good old days~~~

《衝上雲霄》@維基

後話:續集真係嚟啦…好驚呀﹗(9/6/11 update)

15 則留言:

  1. 我其實最想三保拍d好似"先生貴姓"咁,長時間扮女人既時裝戲。究竟三保時裝扮女人係咩樣?好想知啊!

    9th May 2011 12:23 PM

    回覆刪除
    回覆
    1. bobo扮女人肯定靚過羅家良啦…

      《王老虎搶親》中三保係有扮過女人的…~

      9th May 2011 12:28 PM

      刪除
  2. 一直有睇開你個blog, 好鐘意你寫blog個風格, 不過今次終於忍唔住留言, 因為我都我鐘意LI套劇XDD

    LI套開頭真係睇得好開心, 好似眼睛去旅去甘!!而且人物配搭組合都好OK!! 我是支持吳生配胡杏兒的, 所以之後陳小姐的三角戀睇到眼火爆, fast forward!!

    最感動係吳生配胡杏兒果段, 睇佢地D拍拖戲好sweet, 特別係在外國那part!!
    而且D對白好搞笑(唔知係咪爆肚呢?!), 最記得係陳小姐係carbin話班機師講事非, 阿巴施光年話係高空講事非無人聽到麻XDD

    9th May 2011 21:23 PM

    回覆刪除
    回覆
    1. 多謝你留言呀~~~
      呢套劇好多人都鐘意,不過我無乜動力,到呢水先開始睇…真係out到唔恨~~~哈哈哈…
      胡囧囧當年個樣仲清清新新,又唔硬擠啲囧樣演技出嚟,當年我都幾鐘意睇佢的…可惜佢比吳唱k更加捧死咗…被楊怡爬頭了…
      陳吳馬個三角戀都幾煩,但比起其他劇集…呢套都算收儉…唔知後尾馬神要死時我會唔會睇到喊…(我才看了十幾集…)
      啲外國場景又真係幾有睇旅遊節目feel,唔怪得馬神都話拍呢套劇開心啦﹗
      巴斯光年呢…《學警》佢又係教官,呢套佢又係…我睇到有啲精神分裂了﹗

      11th May 2011 15:19 PM

      刪除
  3. 呢套戲之後吳鎮宇有上電台(忘了是不是三姑)訪問,好似咁岩又重播呢套戲。三姑問佢d新人點,吳鎮宇無開名咁話有一個好唔掂,教佢又唔聽講,仲覺得自己好醒好型添,肯定佢講緊唔唱k!

    10th May 2011 10:45 AM

    回覆刪除
    回覆
    1. 似唔唱k喎…佢同0靚坤最多對手戲…
      又咁…自從前幾年火羅爆事件後,k哥低調踏實咗好多,係事實嚟既…

      11th May 2011 15:21 PM

      刪除
  4. 宜家好似準備搵緊人拍衝上雲霄2
    不過應該唔會有0靚坤了

    10th May 2011 18:46 PM

    回覆刪除
    回覆
    1. 啦啦聲加條link先~
      0靚坤應該唔會有了…睇吓會加邊個中生落去囉…
      無記實搵到人拍既,不過唔知出嚟會唔會好難睇之嘛…(有《烈火3》之前車…)

      11th May 2011 15:22 PM

      刪除
  5. 火羅爆事件???願聞其詳^^

    12th May 2011 22:17 PM

    回覆刪除
  6. 和欣宜世紀一吻,觀眾不是同情他嗎XDDD

    20th May 2011 00:00 AM

    回覆刪除
    回覆
    1. 當年唔唱k串貢貢,《酒店lone人》時已經係恥笑對像…
      咁欣宜當年又被肥姐熱棒…無啦啦做公主擊中人們憎人富貴的心理…無計…只能怪佢兩個唔好彩囉…

      20th May 2011 12:05 PM

      刪除
  7. 電台訪問 爆個個 係囧囧,串佢唔到路既 唔背好d對白又ng

    20th May 2011 11:18 AM

    回覆刪除
    回覆
    1. 係囧囧?﹗真係多謝提供資料啊…
      囧唔似唔背對白喎…不過佢個樣似多ng…(完全亂估…XDDDD)

      20th May 2011 12:06 PM

      刪除
  8. 火羅爆事件???願聞其詳^^

    12th May 2011 22:17 PM

    回覆刪除
    回覆
    1. 咪賣飛佛…johnny deep…
      跟住和欣宜世紀一吻…
      《酒店lone人》和官ella的事…同埋首《別怪她》…

      18th May 2011 12:20 PM

      刪除

要講幾句嗎?﹗XD