不是博客活動之~初訪RED MR

哈哈，個題目係咪有啲衰？不過係驚看倌們見到個題目以為同個博客活動有關嘛…小的呢啲小小二打六，梗係無被邀請啦…

講起上嚟自從渣兜紅被oldway併購了之後都好耐無去唱過k了，一是小的事忙，二是有啲歌呢家有有啲歌得嗰家有，好不過癮。RED MR開業後本來都有興趣去試一吓的…但又聽聞價錢比以前渣兜紅貴得多…就打退堂鼓了…

某日友人生日忽爾有興趣去試一吓，喂，又好喎﹗包房的話由$2,000到萬餘蚊不等，十餘廿人就成團，除番一人都係百零二百，又OK喎﹗

傳說中的賣點王：Red MR Table，一望之下仲以為放大了的ipadpad，不過係macrohard出品嚟的，個用法就好似玩ipadpad咁用手指掃掃掃，有遊戲(波子棋好好玩﹗大塞車﹗哈哈)、facebook、微博等等，遊戲我等一坐低就忍唔住係咁玩了，雖然枱面舖了張墊，不過個觸感都ok，有踭輕輕一掂就成舖game reset啦﹗囧﹗呀，個air hocky個龍門(係咪應該咁叫呢？)大到差唔多係橫度的8成位，幾乎次次左邊一打中個紅色餅就可以飛入對面…嘩，仲使玩既…另外波子棋呢…係可以亂跳的…亂行完想返轉頭又唔會話你知本來位置喺邊，真的很像真喎﹗

個waiter哥哥姐姐好熱情地教我地點用，放佢張卡片喺度唔知點按按按就可以order野食，唔使吓吓打電話，微博小的試了#redmr#一吓…無既？﹗典解呢？係咪我打錯野呀？(很無聊…)

唱歌方面感覺新歌選擇不多，隨手click入hocc那頁…陰公囉﹗得幾首唔知去邊個歌手演唱會做嘉賓時的合唱歌，好頹啊…(其實很多時我都掛住玩，沒怎樣唱的說)

另外玩點係Kincet…這部也是macrohard的出品，疑似wii的朋友但更上一層樓是連控制器都沒有，全程手fingfing腳fingfing的控制，基於我等土人都未玩過，模熟個操作都攪了一輪，到捉到路時隻手已經fing到手軟了…囧﹗

野食我覺得好味過以前渣兜紅少少咁多，竟然有巴馬火腿叫﹗很驚﹗不過唔知係咪仲新…竟然無生日蛋糕(係蛋糕都沒有，於是帶蛋糕去沒收切餅費)…

又說，包場一班friend玩幾開心的，開始前我等無聊人叫個姐姐帶我地參觀一吓，大啲既房除了有k唱有機野外，仲有啲暗角有梳化坐，又有bar枱俾你望住個海談談心，比傳統k場更能照顧啲唔鐘意唱k的人﹗最大那間房包場要成萬蚊…um…不如叫公司今年喺嗰度開聖誕party…XDDDDD

就咁唱K的話價錢如何就沒看了…不過聽聞幾貴…有人知幾貴嗎？？？？？？

以上。