Goodbye~Goodbye~Goodbye(貼歌集~2)

有hello就會有goodbye吧﹗讓我再呃多一篇文啦~

看資料才知David Gates此曲是電影《The Goodbye Girl》(再見女郎)的主題曲，電影其實沒看過的…但多年前從收音機聽過，一聽就很難忘…不時會想起的…

(看電影介紹，終於明白一句"goodbye doesn't mean forever"的意思了…弄得我想睇吓套戲添﹗)

前陣子突然很迷Norman張立基哥哥，搵佢啲舊歌聽時竟然發現佢改篇了做廣東版，「行李裡載滿負累及一生的掛慮，暗灰燈光映照出­一片空虛」…oh，sad過英文版好多喎…啲用字subtle但靚…也不失為一首好歌。


也都是某次從收音機聽到空氣供應的歌就中招了。小的小時英文不好(而家也不好…哈)，當年空氣供應係少數會聽的英文歌呢…咁當年仲未與r & b呀hiphop呀咁，仲可以清楚聽到歌者唱乜的…都可以係聽歌學英文的說﹗

雖然兩位uncle成日來港開show，不過次次都撞唔正去…um，又聽說叔叔們年紀關係…高音無以前咁響亮了…um…還是我得閒聽番隻95年既演唱會版回味吓算呢？


其實辣妹我都係跟風聽吓啫…啫係我覺得外國band有點太岩岩慚慚，好似求其搵幾個人就叫佢做group咁…um…。即係最紅那水我係頂唔順ignore咗…但到Geri離隊，4個人的資態出既呢首《Goodbye》我又聽得出奇入神…記得個mv係4人喺個白芒芒的城堡(疑似)景到行嚟行去…拍得好靚的…同埋啲打扮無平時咁俗氣(aka：高貴咗…)…我突然鐘意咗喎﹗不過…如果我無記錯…隻碟出完無耐…碧咸嫂就去了做碧咸嫂了…


一曲兩唱…我鐘意慢版多啲… 唔知呢，我鐘意張生啲結他舒情野多啲…電子野太嘈我受唔住…囧


咦，當年寫李克人的這篇沒寫到《再見(真情流露版)》喎﹗想話句「話再見，此際話再見不易」係成日講的…哈哈哈哈…首歌寫得幾感人吓，演唱會萬人大合唱一流﹗


我諗我係聽呢首歌學識「sayonara」的…效果如同聽劉鍚明學「moshi moshi moshi」一樣…哈哈哈…


唔係《學警狙擊》都未必會記起林利哥哥，然後再諗起呢首歌…其實我一路唔明點解會叫「小虎」…同埋點解台灣又有隊小虎隊呢？個名好hit要大家都整一隊嗎？點解呀點解呀？


j家的pv應該俾人大清洗了吧？乜都搵唔到既…umum…咁既，其實小的好鐘意有首叫《さよなら》的(是《Harmony of December》的side cut)的，仲要當時背緊文型喎，歌詞有句「しわくちゃになった手紙は 書きかけのまま終わってる」…書きかけ﹗寫到一半…﹗文型呀﹗…都說聽歌學日文架啦﹗

咁貼住其他既先囉…《生まれた時からのサヨナラを僕達は》呀、《solitude～真実のサヨナラ～》呀咁囉…


(硬係要整隻search出嚟唔知係乜的泡菜國歌…哈哈)…東方神起我知呀…不過無聽過佢地啲歌之嘛﹗


最後整首玉置叔叔的歌，雖然佢好多奇怪的負面新聞，但歌聲又真係好好聽…呃，人總係無完美呢~

******************************************
之後可以寫早晨、午安和晚安呢…哈哈哈…

以上。