2016/05/15

[日劇]春季新番~2

好癲…唔知做乜今季在喪睇…


《ゆとりですがなにか》(寬裕世代又如何)-->4集
  • 看著岡田將生被後輩恰,桃李dd喺第4集俾家長就舞台劇要求左要求右看得很不爽,每集都在等影帝出嚟爆…
  • 呢套有啲奇怪,主線是寬裕世代…但每集內容都很廣(定東拉西扯?),好像沒有《海女》(社會化一點的是這部吧?其他的都不太像…)般集中的主題…好似集集都同上集無乜啦家…
  • 我又唔想話佢東拉西扯…但又唔同之前啲劇咁focus…定係最後會一野串連返起呢?
  • 演後輩山岸(太賀)死小孩到呢…好想打佢一身…估佢都唔係真係慚愧的吧?
.
《ラヴソング》(LOVE SONG)-->5集
  • 呢套同上面(sorry宮官)一套都一樣,每集我都唔知我在睇乜,好似有進展又好似無進展…
  • 菅田dd繼續俾人打同打人
  • 夏帆繼續話自己有咗bb但唔覺佢有咗
  • 藤原櫻繼續都係唱歌很不錯,啲戲…好似開始睇慣順眼咗…
  • 雖然我還是覺得福山大叔跟水野美紀襯啲…(家姐叫阿春阿妹叫阿夏…這是常見改名手法嗎?)
  • 演唱片公司部長的係りょう﹗﹗﹗﹗喂,你的野獸真二男友轉咗行做律師喎﹗(閃…)
  • 呃…其實個故仔我真係講唔到啲乜…哈哈…

《世界一難しい恋》(世界最難的戀愛)-->5集
  • 喺網上睇過一篇說這套是對利打智愛的測試,如果鐘意套劇證明你真係好包容好愛利打,如果覺得劇中的社長是智障…um…
  • 第5集終於開口告白,然後回覆攪了一集…又嚟日劇跑(完全令我出戲跳進《求婚大作戰》…)…但劇只做了一半…應該又合又分的吧?
  • 小池榮子係秘書專業戶了(挑戰小秘書貝原﹗)((出戲跳進《Legal High》裡…)),然後我明既,秘書好多時會followup老闆私人事務,但跟埋返屋企(無邪念),工時長到無朋友喎﹗
  • 杉本哲太叔叔喺《Good Partner》度做集集都要相睇的貓田律師,這邊就可以跟高中老同學結婚…又是極令人出導…
  • 小瀧望個角色越睇越似《今天不上班》的田口(是我太懷念他了?)
  • 利打真cp係北村大神啦…有北村大神的場口就好歡樂…笑爆咀…

《99.9‐刑事専門弁護士‐》(99.9-刑事專門律師)-->4集
  • 奈奈雖然登上最美小臉排行榜第一名,但呢個留海bob頭真心醜…
  • 同期的《Good Partner》相比,呢邊的案件花多好多深思抽絲剝繭,睇得投入好多…
  • MJ集集都要煮野…《深夜食堂》嗎?
  • 香川照之…我硬係覺得佢係《半澤直樹》mode上身會害人…XDDDDD
  • 總之好睇…無乜野吐嘈啦…

《グッドパートナー〜無敵の弁護士〜》(GOOD PARTNER~無敵律師~)-->4集
  • 啲case呢,同樓上唔一樣既,business lawyer focus嘛…唔應該比較既…好似係…
  • 兩位後輩賀来賢人(熱海)同山崎育三郎(赤星)個名都好hot…但都好煩…
  • 做乜呢套同樓上都有個考唔到司法試的人?而據我的研究…而家好似話畢業五年(定唔知幾多年)內pass唔到就落弟,無得無限喪考架喎﹗
  • 集集都有定番場面,之前說貓田律師收相睇女仔的資料啦,then豐叔一定會喺講唔掂client時除低自己律師pin,說自己不以律師身份,而是以普通人身份說教,然後一定會說服到client的…咩呀…都唔係以真憑實據既…
  • 就是partner,好似集集都係鬧交咋喎豐叔同阿松雪泰子…
  • 做乜松雪泰子又係齊留海頭﹗而家興咩?

《毒島ゆり子のせきらら日記》(毒島百合子的赤裸裸日記)-->4集
  • 就女主的必須劈腿設定我沒甚麼意見…我只想知的是…
  • 佢一朝早起身要去食早餐,之後去做gym(順便跟情人約會),then返報社,之後去永田町追新聞,追完返報社,再去飯局(應該唔係日日去既),仲可以同小津食牛角包,then回家煮野食,再跟美醬纏綿,毒島的一天未免太豐富了吧?
  • 可能政治版記者要執得正啲?硬覺得好似前田咁白色suit高跟鞋好唔方便…
  • 噢…啲內心小劇場點到即止比《不愉快的果實》那種驚死你唔知的風格好太多了﹗
  • 成宮如果宮串呢套一定好有趣…

真田丸-->18集
  • 秀吉好瘋癲…玩真田爸玩到殘…
  • 茶茶怎麼咁天真既?《官兵衛》入而既邪惡茶茶一出場已經做咗秀吉側室,仲要邪惡樣架喎﹗不是說竹內結子超齡(成套都超架啦),佢扮天真又唔算討厭,只係茶茶經歷咗兩次亡城,父親和後父都被秀吉殺死…真係會咁天真嘛…
  • 我仲未參透到長澤喺呢套劇度既作用…有無人可以話俾我知?

不機嫌な果実》(不愉快的果實)-->3集
  • 呢套全因有成宮小惡魔。雖然都知佢只係前段會出現,但估唔到會被如此草草收場一腳踢走…即係呢,要成就一段不倫劇情開始就講到野村幾魔性幾叻調情,到要完佢那段就整個霸王硬上弓(我又諗起著名的《第二春》了﹗都有呢個分手前再來一次的劇情﹗)再被另一個情人霸王硬上弓(笑點x一萬)…做乜呀…要合理化麻也子(栗山千明)離開野村都唔使做得咁粗暴架…
  • 好啦,原來老公航一郎(明智吾郎做到好似恐怖片男主咁)都有不倫,而對像係麻也子的老死久美…做乜好似無記劇咁啲角色只會同圍內人有感情線…好爆。ok,then阿久美又霸王航一郎…做乜呀﹗
  • 喺久美餐廳度成埋人坐埋一齊,勁亂的關係…好tbb囉…
  • 然後suppose係男一的市原隼人…我投入唔到…囧
  • 於是睇到第三集可以收工了…

《大發》-->12集
  • 張生喺呢套真係為藝術放棄自己著名的眼線啊﹗又食泥又被人打又勁污漕的…
  • 而終於,做了一半…佢同呂珍九終於可以對付大奸狗…等咗一半…等到媽咪都謝了…

上一篇:[日劇]春季新番
以上。

6 則留言:

  1. 李小球18/5/16 14:35

    不愉快的果實啲獨白真係長到爆炸,於是老套 x1000000000......仲有鍊爆蕃茄的爆笑情節真係搞唔掂......

    回覆刪除
    回覆
    1. 可能見講不倫唔夠《毒島》鬥所以轉走爆笑路線…第三集真係無辦法,由頭笑到尾

      刪除
    2. 李小球30/5/16 17:11

      你見到明智吾郎那個恐怖的樣子會打算追返嗎 XDDD

      刪除
    3. 不會…我夠了…囧

      刪除
  2. 你好,最近睇緊極樂天使當然是因為福士蒼汰意外地又ok 喎。

    回覆刪除
    回覆
    1. 我有留意個故仔不過今季看的劇實在太多…追唔晒咁多啦~~~
      看街坊評價睇吓遲啲會唔會追番…

      刪除

要講幾句嗎?﹗XD