十年誌 (7/3後補)

毫無疑問，能keep住個blog十年(其實以上)，對三分鐘熱度的我來說是一個成就…囉~



話說呢個博係我轉工之後因為地方偏遠，lunch多數留喺公司食飯於是無聊聊click click吓接觸到鮮奶國，睇吓睇吓自己都想寫埋一份，寫吓一年寫吓一年，世界變化萬千，但我好似傻吓傻吓依然，仍然喜歡風花說月講吓偶像睇吓劇，呢幾年去旅行又貼吓相，就係咁。人生suppose的大事…身邊人做吓一件又一件，我不時會想，咁係咪有問題…但時機未到就…um，活在當下吧。

就說是轉工後開始，於是乎…份工十年了，當中有幾年出走咗去年尾又回歸，感覺特別深。上工初期每天都好似在和十年前的自己對話。博內的我可以不長大，但在職場…um，已是老餅鳥。看著share drive內存著當年自己的東東，跟博海存著的自己…呢個對照真係好可怕…我係咪精神分裂…哈哈。

well，不寫白不寫，有時見到有圖有真相係幾開心…呀，原來__年前的我係咁諗架，又或者當年為咗考日能曾經寫過文呻過辛苦…又或者喺留言度約唱k…哈。十年人事呀，猶幸好多當年留言者成了朋友…就說，這是寫這個博得來最大收獲。

這一年對「十」字特別敏感…每失去一點好似青春走得特別遠…呀…

好啦，雖然唔知仲有多少人會來這裡，不過還是會繼續update…哈。