初遊沖繩~(3)~吃吃吃

如果我說我已經迷上了這家店…去到沖繩都要幫襯係咪太癲﹗哈哈…但佢個芝士布甸真係好好食呀﹗

(聖誕節時吃過便利店雪糕，然後在大阪吃過一次布甸，之後在表參道吃過cafe…好似見到都要幫襯一吓才安樂…)

Pablo最著名的芝士tart好大個會食死我的…於是挑迷你版(果然我是很迷芝士tart)…但拎到返酒店時變咗型…囧﹗…then我食到上晒癮的芝士布甸本身芝士味唔太濃，重點是隨盒附的焦糖漿和焦糖碎，濃濃的糖漿溝了點碎碎食到sock sock聲，加上淡淡的布甸就剛剛好了。咦，咁似我平時食豆腐花要落勁多黃糖…唔怪得我鐘意食啦﹗因為酒店好近國際通，幾乎晚晚都去掃個來吃。

新春期間哈根大師有mochi版雪糕但我無緣一試…見到呢個就挑一挑啦…但…好硬…我放了在枱上放了好久才軟番可以入口…都ok既…

哈根大師是旅行必吃的嘛…但沒有新/特別野，於是就繼續食個人十分喜愛的南瓜焦糖味…

隨便在便利店買的飲料…

旅遊書介紹的食店我只幫襯了這家…平民到不行的飯堂，店內的姐姐全部做得我女麻女麻的說。但咪話，啲豬軟骨入口即化…好食到不行…呢個餐我諗住試到最多野…卒之飽到不行…囧。又係邪惡的國際通唔知邊條小巷入面的說。

隨便(也是隨便)在酒店附近百貨公司食街食的…

最後我最鐘意做的事之一…在超市買便當…呢個牛超好食喎﹗雖然我唔知係咪沖繩名物啦吓…

以上。