2013/08/14

[港劇]《情逆三世緣》同又講《衝上雲霄II》

Chut一聲《師父明白了》就做完﹗跟住Chut一聲《情逆三世緣》就做了﹗而據說,接《情》劇的是十七哥的《巨輪》喎﹗
  • Um,呢啲轉世情緣+穿越時空第一野令我諗起《鳳凰四重奏》,但諗諗吓,應該係《尋秦記》呀﹗
  • 見到阿Circle對住韓學士係咁叫Phoenix,即刻諗起項少龍見到琴清即刻擒青啦…(我攪gag了?)
  • 應該係歐陽波比會穿越三個不同的年代,但荷姐KEEP住都係那個年代的人吧?then每個年代歐陽波比都會同那個年代的荷姐發生感情THEN又死掉了…
  • 我而家先煲番睇第一集…琴晚先看第二集,其實我是很膚淺的,見到歐陽波比英文GOGOGO咁我就忍唔住笑…同埋CIRCLE上法庭就多,上公堂就第一次,then佢唔識拍驚堂木,係見有野飛飛吓想拍死佢就用驚堂木拍了野…公孫先生先嚟叫升堂…我笑了…
  • 睇住Circle係咁將韓學士叫了副學士我又笑了…而佢為了叫Phoenix(即古代的韓學士)認番佢連鬍子都剃埋又想笑,我真係未見過無鬍子的包青天喎﹗
  • 男人老狗古裝都係咁上吓架啦,荷姐個古裝郁都仲好清秀,真係keep得唔錯喎…
  • 但我想知點解都明知佢係學士院唯一女學士,都特登要女扮男裝?(定係那個已經係正常的學士郁?)
  • 蔣志光叔叔做公孫先生好配合喎,袁偉豪做展昭一嚟就比苟姑娘叫賤昭真陰公,而苟姑娘拍呢套劇的時候都仲未爆肥,依然好清秀吓…但這不是重點,最重點的是今次配音了,佢配音了﹗即刻聽得好舒服…個人覺得除了個body,佢啲廣東話都好有必要執啊﹗
  • 阿公主都幾惡死…而佢阿爸…阿皇上張國強…做乜戴埋頂紅色既皇帝帽,成個孔子的朋友咁…(咦,包青天個老細…咪…宋仁宗囉…)
  • 好期待之後Circle同開封六子成為朋友的劇情喎﹗雖然劇情介紹話韓學士係死喺Circle的包青天刀下喎﹗噢…
  • 波比哥都好攪鬼的,但唔知之後播到佢病倒後再拍番的劇情會唔會跌watt呢…
  • 死啦,我有興趣追添…又要睇呢套又要睇930…真係大件事…
《情逆三世緣》@TBB
主題曲都幾好聽的說﹗
 ***********************************************************
至於「雲外看,新生趣」,原來Uncle George先係王道,佢竟然頂得住李氏力場讓我們有半天假喎﹗計起上嚟又係,「天氣不似預期」係Uncle的後輩嘛﹗

其實劇情無乜特別,正常的TBB formula,劇情intro先有職業related的東東,之後就開始談情說愛嘛,於是啲主角繼續你愛我我愛你你唔愛我我又唔愛你,我係可以開住MYTV但唔望芒的做其他野,很好。

喺呢啲咁悶人的劇情之中…um,我想問成套劇囧囧姐究竟飲了幾多支呢個維他命水?

佢作為一個飛機維修員,拎住個士巴嗱就話合情合理啫,整gel甲…呃…同埋佢既眼妝都係好勁的…雖然,呢套野佢囧得少咗…是順眼了的…








至於法拉姐,對住Sam哥啲情深表現是完敗…即係最基本的流淚都唔掂…真係…um,佢既演技…um…難怪要露背了…

呀,我想話呢個破壞份子料理場口幾好笑…

但我想問點解Sam哥成日返屋企都唔換衫?唔通TBB想任何場口都令我覺得佢係一個機師?得架啦,我記得喎﹗想話呢,如果呢套劇係一次過追的話,呢十集左右可以兩日飛完囉…囧。

以上。

[港劇] 《衝上雲霄II》之唔知衝咗去邊度
[港劇]《衝上雲霄II》…哈哈哈…第二篇呀﹗
[港劇]《師父明白了》、《衝上雲霄II》

6 則留言:

  1. 法拉今次d演技真係...唉...
    未見過佢做得咁差.完全唔投入,好似成日心不在然咁.

    回覆刪除
    回覆
    1. RE:Denise

      八掛MODE…拍的時候係咪就係佢同老公鬧離婚的時候呢?
      ANY肥,平時啲劇都唔覺,今套特別覺佢做得唔好…

      刪除
  2. 雖然又係boby同娥姐組合睇到爛,不過自己都係好爛賤咁去睇,都好耐無認真睇tvb劇,有boby笑下點都好。

    我個人覺得佢係抄張藝謀套秦俑,都係三世,又玩下尋秦記d橋,現代人係古代d搞笑野,第一集真係一返古代d笑料就黎:「你好似痴左蘇既蔣志光,你好似無痴蘇既袁偉豪」,真係笑。

    有人話驚佢會好似高倫布咁,其實而家已經玩左穿越,都已經走科幻路線,望佢唔會再誇。

    苟姑娘係金枝好似無配音,唔知點解呢套反而有,我都好buy佢,其實話佢肥,我又唔覺,就算真係肥都好正,真係攬落去唔知幾正……佢今次個樣,有少少似以前個藝人李桂英。

    張龍趙虎果四個人一樣衫,都唔知邊個打邊個,第二時一定好多笑料

    by無敵

    回覆刪除
    回覆
    1. RE:無敵

      BOBBY和娥姐既組合睇得好舒服,而且唔覺佢地一把年紀有扮後生的感覺(然而…娥姐個角色真係…太少女了吧?)…睇佢地談情竟然好自然,奇怪…
      波比啲GAG我真係笑架,雖然個劇的橋好老舊,唔好話抄電影啦,無記自己回到過去的劇隨口數都有幾套…真係玩到爛…係好在波比做得幾好笑,而啲劇情係正正經經有紋有路,《哥倫布》我真係唔識欣賞,完全唔明佢想做乜…
      苟姑娘令是令,就算佢肥了我都覺佢OK的,但一出聲真係想死…佢真係要練練啲廣東話啦…

      刪除
  3. 《情逆三世緣》還有點像內地穿越劇《步步驚心》,至少當中有一句對白或是橋段是參考了《步步驚心》的。

    當Circle還在掙扎不願成為包青天之時,因為公孫先生(應該是他吧?)一句既來之即安之而決定留在古代做一個好官,這正正和《步步驚心》中的女主角因男主角的一句既來之即安之而打斷回到現代的念頭同出一轍。

    其實我之前也沒有看過《步步驚心》,只是高清台現正播放《步步驚心》才讓我找到一點參考的痕跡。老實說兩套劇集只屬同一劇種,故事架構全然不同,又說不上抄襲。

    回覆刪除
    回覆
    1. RE:五月

      《步步驚心》我只看了頭幾集就無睇了…
      呢套劇真係好多舊劇的影子,琴日講疫村時CIRCLE建議種牛豆,我心諗唔係連《仁醫》都玩埋嘛﹗好在無玩古代整現代醫具啫…唔係我真係好驚呀﹗
      或者,穿越劇來來去去都不外乎轉世情緣,將現代野帶去古代,攪吓笑又講吓穿越的人如何從不安到安定下來,最後就加番個生離死別,或者大橋來來去去都係咁,係我地怪錯無記啦…XD

      刪除

要講幾句嗎?﹗XD