2013/08/22

讀書報告 #14~《八十後的生存與生活》

雖然小的很喜歡看這類不同世代論述的書,但未試過好似睇這本咁睇到一半咁苦澀,真係聽幾多首正能量歌都不能洗走那種苦澀的味道啊﹗嗚

ANY肥,記得當年就是看《笨蛋,問題出在四年級!》(原來都有輕輕提過)和《ME世代》開始對這類世代論述有興趣起來,外國分類大概為BABY BOOMER(戰後的嬰兒潮)、X、Y、Z世代,Z大概是90後上下,有時會叫I世代…即係話上網的世代,跟Y世代(大概7尾和80後)比,佢地再多一份令X(大概6尾和70後)跟BABY BOOMER兩代摸不著頭腦,就好似而家咁話90後千禧後好難攪咁…呀…我無意踩佢地架﹗

又ANY肥,台灣分幾多年級,出生年份-11就是了,跟住又有啲草莓族呀月光族呀咁,呃,月光…好危險,有時我都會…哈哈。

日本好多名號,著書立說多到睇唔晒,M世代呀團塊呀尼特族呀咁,花多眼亂,大前研一都有好多我買了未睇的…掩面逃…(《M型社會》和《一個人的經濟》我都仲未睇耶﹗),前陣子很迷酒井順子,看湯禎兆成日講佢本名作《敗犬的遠吠》於是想搵嚟睇啦,但喺東京走了兩三家店都無喎﹗詭異﹗之前心思思想去AMAZON訂番嚟就算,但本書本身都係幾百YEN(幾廿蚊咋﹗),但運費就百幾蚊一本,可以買到兩本囉﹗好啦,趁去日本時再搵。

呀,就是說酒井順子講既,係獨身大齡女的人和事,不過唔係中/港女式的挑挑剔剔(SORRY,千萬不要叫我港女,我寧願唔認我係香港人…呀,不過我成日都唔認既…哈哈哈﹗),又不自傷自憐,反倒有種幽默和眼透世情,新井一二三有點像媽媽跟你話當年,酒井就似個公司前輩教精你(呀,《ANEGO》那種…)。據說佢除了寫吓生活社會潮流之外,仲對鐵道有一定熱情…哈哈哈哈﹗睇完我會唔會變鐵道宅女架﹗

好啦,香港。雖然拜讀了陳冠中的《我這一代香港人》和呂大樂的書…但告訴你…其實我唔記得內容了﹗哈哈哈哈﹗睇人家的世代論述總有隔岸觀火的感覺,回到自身的地社,越讀越苦澀。而家仲好似越來越單一化,6、70後唔妥80後,覺得佢地唔肯捱唔肯學,我以前XXX點點點架嘛﹗好啦,跟住90後小朋友呢(都唔小了,90年出世的23歲,是社會人的年齡了,媽,我接受唔到﹗),當然被6、70後父母看不過眼,加埋80後前輩指指點點。好啦我未講完,千禧後湧來了…

講了咁耐,終於入正題了,哈哈哈。

本書講生存跟生活的事,好多係健吾哥同人對談的內容,是他也是你和我,同相親相愛也相分(SORRY,我唱起歌上來…)。苦澀,是因為大人們仲拎《獅子山下》出嚟歌功頌德,打從十幾年前阿松(呀,我開始懷念佢…跟董伯伯了…真係一山還有一山高)拎了出嚟做報告的主題曲就不停滾住嚟聽,呢十年聽的次數應該仲多過首歌新出台後廿年的總和。可以講一句好煩嗎?此一時彼一時,當年係窮,但機會多喎,戰後百廢待興,跟現在樣樣飽和,外在環境大不一樣了,抱著同樣的「獅子山精神」係咪就一定WORK?I DOUBT. 即係呢,同一條成功FORMULA放在唔同時空出嚟效果都唔一樣架嘛,你試吓叫STEVE JOB而家再出多次MAC 機丫…

其中一個苦澀是我聽足大人們的教導努力讀書,讀完大學既時候…雙失喎﹗其實我都無以為自己係天子門生過架啦,我的要求都絕對不高,只能怨回歸後太多金融風暴經濟災難了?好啦,我只好怪我出世出得不合時。懷念回歸前的舊香港,不特別因為那是英治,其實中日英意俄法也可,重點是當年的世界簡單得多,回歸後很多小時候的認知都被扭曲了,好像轉眼變成另一個世界咁,好囧。

呀,不是憤世嫉俗的。望住新聞報章成日話80後上唔到車乜乜物物咁,I DOUBT AGAIN. 其實…四仔主義(係四仔主義,唔係四仔呀吓,呢個TERM好OLD SCHOOL添)而家係咪仲必需呢?畢業已經一身GRANT LOAN,要喺30歲前儲夠錢買車買樓又要還錢,會唔會難度高咗啲?跟住結婚要攪對得住天對住人對得住自己的世紀婚禮,THEN生個B又要嬴在起跑線,做齊以上先叫完美人生的話…呃,請原諒我想選「不完美」的人生…

樓,差到一家逼埋劏房當然有逼切性上樓,但好地地一個年青人點解一定要搬出嚟住?THEN結婚後又一定要兩口子過二人世界…。NO OFFENSE,我係唔明啫,買到就話買,買唔起又可以與父母同住的話,點解唔住住先?NO OFFENSE(我重申…哈哈),我知,有啲老人家真係好難頂(就如我娘都開始變得多話了…有時多話到我會好想哭…),自己父母都話,老公/婆父母可能相見好同住極難,我明既。但有時我又會覺得,搬出去後得番老人家獨自在家,有乜事佢地打電話遠水都救唔到近火架…好話唔好聽,各自匿喺房得嚟,同屋共住有個照應還是會讓娘親大人安定下來的吧…一間屋多啲人SHARE空間(合理情況下啦…),公家的洗費多啲人SHARE,家務又多啲人SHARE,衰啲講句生咗個B都多個人可以幫吓,計落有SO喎,而且老人家老了身體問題自然多,都想多個人照應吧。

除了樓,仲有好多港人謎思我唔明的,香港好像越來越不允許追夢,細個時唔得(因為要讀書﹗),入大學又唔得(因為會搵唔到工),到出嚟做野又俾人唸(因為你唔去結婚買樓生仔…)…點解呢?我又唔係殺人放火,我有俾家用有做份正常工,都係工餘時去做吓自己喜歡的無聊野啫,點解呢?我很感恩我有啲唔會追問幾時結婚的親戚,但有成日問我幾時學完日文的…囧…

就說,其實唔係吓吓人有我有架,有能力咪去追,無能力,追唔到唔開心,追到又勉強,即係呢,無錢買車…我咪搭巴士?﹗其實生活總會好多方法可以在有限資源吓讓自己過得開心架…我咁諗應該無問題吧?﹗

呀,我重申我不憤世嫉俗的,只是覺得現在香港好似樣樣非黑即白,非我族類就係敵,好囧。點解只可以有一條路要跟足前人咁行呢?大佬有時啲野都唔係我想架,我只想既來之則安之,開開心心過得一日得一日啫,我唔想日怨夜怨,到死時回想…一件值得我驕傲的事都矛…好悲哀啫…

呀,講得太多了,容我再重申,我真係唔憤世嫉俗的,哈哈。

6 則留言:

  1. “其實生活總會好多方法可以在有限資源吓讓自己過得開心架…我咁諗應該無問題吧?﹗”

    冇問題呀,好正念添。

    同埋小的都贊成大個咗真係睇能力,做人呀媽梗係望仔大女大個個養得起自己有能力自組小天地,唔得都冇法,咪繼續一家大細囉。

    尋日行街見到名貴劏房180要8,800一個月租,我完全ORZ了,典租呀如果我出嚟做嘢得12,000(叫做高喇呵而家?)。

    所以而家「夢想」係我可以呢刻加大自己的生活空間,但幾個細路第日冇本事買樓都有可以寄母籬下..

    回覆刪除
    回覆
    1. RE:aulina

      哈,我是正能量少年團買員嘛。

      今日跟同同講起,當然我咁講係知易行難,同陌生人一吓子成為親人仲要一切住其實好難的,有能力亦不能怪人家搬出去二人世界的只係我覺得媽媽老啦,就算我唔係吓吓癡住佢,大家同住一屋就算各自入房HEA,都叫同屋共住,媽媽會開心啲啫…

      名貴劏房都8800﹗﹗﹗﹗﹗﹗癡線的﹗我寧願拎去去旅行了…

      夢想既野無話大同細,亦無話長線短線既,總之達成了自己會開心就可以啦…

      刪除
  2. 睇完你篇文, 諗起最近發生既一件事......

    話說, 最初我都覺得三十出頭要有車有樓又搞到個結婚係好難, 但最近我一班接近廿年冇見既小學同學話出番黎聚...眼見個個事業有成, 個個有車有樓, 仲有閒錢去講緊去邊度投資好.......我即刻就諗乜原來而家個巿咁好架...而我又真係咁渣架... 我都明人比人比死人...但有時真係無啦啦都有野主動黎叫你面對

    又話說, 我當年真係有勤力讀書架...讀大學個時仲跟住興趣揀添.... 結果就真係讀左科純文科之後, 呢十年都係社會上面"皃MOUSE", 我有時好後悔當初讀大學時揀左科咁既科.......

    我成日都覺得香港巿場太細喇.........你想做啲另類少少既野, 咁你既人工都會好另類.....不過我覺得香港冇得變架喇. 可以變既只係自己....有機會都好想移民去第二度睇下個世界

    回覆刪除
    回覆
    1. 唔記得留返個名, by alika

      刪除
    2. RE:alika

      你個留言令我諗起某日一位前輩級同同問我:你同同學比,你係高人工定低人工的一群?
      我諗了一輪…我估…應該唔係最差又唔係最好吧…

      其實我係比較慢熱,做野又唔係好有野心,做落覺得OK又唔想郁,我都知轉工加人工的幅度係會比等公司每年加人工來得高,不過就係無決心…咁落後大市都唔怪得人…。只好專心睇番自己,今年比前一年加咗,前年又比前一年加咗,總之年年都有啲進步就算啦…

      當年其實我好想讀HISTORY的大學選科時,不過我覺得我唔係教書的材料,又驚出嚟無野做所以就選了商科,有時我都會諗反正畢業都係雙失…做之有理無理讀自己喜歡的先。還好的是,JAPUS抽中的科目我都係喜歡既,咁我可以怨少啲。

      係,香港真係太細,跟住又唔知點解大家眼光都好單一,朝住單一目標進發,唔知點解大家都好似好驚跟其他人不一樣,好似離開大隊就會死咁。有時我都會俾親戚朋友問乜乜乜物物物,好在,我阿娘又好由得我…哈。

      刪除
    3. RE:alika

      講漏了,BLOGGER個留言SYSTEM係好易令人唔記得入名的…哈

      刪除

要講幾句嗎?﹗XD