日本 (5)
星、馬、泰 (4)
台灣 (3)((台北、台南、台中都有喎﹗))
韓國 (2)((但據會去的人說都係計劃中，未落實的))
歐洲 (1)
好明顯呢班人今年中咒地不停去玩…哈哈。但很詭異地，只有一個人衝出亞洲，另外的人不停在亞洲兜圈…哈哈。好啦，講番題目係前陣子看過的報導…
1. 時時刻刻都在拍照，沒用心體會旅行(紅色的是我有中招的呀﹗哈哈)
這個…我犯了…XD。好多時我都係相機行先既…不過影完我係會睇的﹗﹗﹗﹗(死都要認咗先，呵呵。)不過呢個年代有圖有真相嘛，而且好多時走馬看花，係靠睇番啲相先會有更多發現(就如，返屋企之後先發現原來行經弘大的一堆人圍埋屋就係傳說中的WHTIE HOUSE，勁多劇喺嗰度取景﹗差少少就會見到某人添喎﹗)
2. 打包太多行李
衫和褲如果唔係大熱天時就兩日倒換一換，著出街之前就喺酒店著住瞓，呢個時候LEGGING是好朋友﹗睡褲都唔使帶呀﹗除了上次三月出門以為會暖但TURN OUT係熱，攪到帶住的冷衫無機會著囉…。UM，就說，出門時已爆喼，邊有位走時放戰利品呀﹗(雖然次次都係多一兩袋要手拎…囧)
3. 看到喜歡的東西沒立刻買下，事後後悔
呢個我中伏中得多啦，除非唔捨得買的原因是貴，要不無無聊聊的輕巧野，即場就決定買唔買…
4. 手機忘了開通國際漫遊
呢個係一個價值一千六百幾元的教訓﹗(但其實我唔係唔記得開國際漫遊，係開錯了data roaming…)所以從此我飛機未起飛就已經關3G…連機都關埋(唔知點解我搭親的航線都唔俾我飛行模式，想打機都唔得﹗囧)呀，我有試過講以為自己WIFI緊點知唔知自己無關DATA ROAMING於是上了個千六蚊的網？
5. 輕信飯店「近市中心」的宣傳詞
哈哈哈，年初那次的酒店據說是車站旁十分鐘的，但TURN OUT係一個DOUBLE，拎到成手野時更唔止，就說雙手FING FING無所謂，拎到成手野時就好想死…。從此，是會看一看GOOGLE的實景地圖…穩陣啲。
6. 不敢吃街頭攤販食物，錯過當地美食
咦，我唔理架喎，除了生冷野驚會食到肚痛之外基本上都唔理…食咗先算…。
7. 搭便宜的機場接駁巴士，巴士過好幾站才到你的飯店
我個人CHEAP，於是選的酒店都以平為宗旨，於是都是無接駁巴士的。
8. 自以為抓到訂機票的完美時機，其實航空公司折扣常變動
呢個世界低處未算低，高處未算高，相對而言覺得OK咪算囉，我永遠都捉唔到SO-CALLED最好的時機…囧。
9. 在長途自助旅行首日就買了沉重特產
SO FAR我未試過要轉酒店的自助旅行…但OK既，除了書之外我好少買真係好重既野…
10. 帶便宜的夾腳拖，走到夾腳柱和鞋底磨破
我唔會著夾腳拖架﹗而去到酒店就算無拖鞋提供咪著住對CONVERSE囉，但求拎少啲野…拎少啲野…拎少啲野…
11. 過度倚賴旅遊指南
我過度倚賴直覺就真，旅遊指南出發之前就會成日睇，到達之後就唔想拎…
12. 旅遊保險沒買完整
其實我都係求其買的…
13. 出發前沒檢查簽證相關規定
這個不可能吧，唔係去到機場境都唔比出咪好灰﹗
14. 企圖在一個周末玩完德國柏林，以致走馬看花
一周玩柏林又太癲吧﹗不過走馬看花係有點可惜，人總要做一點取捨才行既。
15. 用信用卡領現金，支付高額手續費
嘩﹗這個很重皮喎﹗我會先預每天使費多少，跟住唱咗足夠的銀兩先，THEN再拎多一兩千港紙喺身，以備有乜事時可以救急，再唔好彩先出動信用卡嘛…
16. 沒將訂房明細列印成紙本，到當地手機網路還不能用時無法證明訂房
就算無PRINT OUT，都要SAVE定個SOFTCOPY喺手機吧﹗現兜兜PRINT出嚟唔使煩，電話既野會無電架嘛，或者癡咗線唔覺意DELETE咗咁點呀﹗雖然，可以的話我會盡量令我自己可以上到網﹗哈
17. 太努力殺價，搞得當地小販和自己都很火大
其實我個人係唔講價的…
18. 沒在機場換匯，身無分文到市區還要到處找地方換錢
除了去台北，我好似無試過去到當地仲要出埋市區先換錢，就算係到達先換都係喺機場度就要攪掂，幾廿蚊都無點搭車呀？
19. 低估國外機場大小，太晚到大機場以致趕不上飛機
通常都要計搭車入機場幾耐，再加CHECK-IN前兩小時以防有乜風吹草動，於是我次次都係有極早無極遲的入到機場百無聊賴，呢個時候反而覺得機場無野睇咋…
20. 沒把行李的洗髮精蓋子蓋好
呢個都算係人間悲劇了﹗之前試過將cream呀base呀那些東西放在拉鍊小袋，到埗後個袋被喼入面既野係咁壓壓壓，壓到唧晒出嚟…好在都係唧喺個袋度，唔係成喼野中晒招就爆了。之後我係用食物盒嚟網…仲支支cream都用保鮮紙包一包，perfect。*************************************
其實都係老生常談，不過…俾我呃吓文啦~
沒有留言:
張貼留言
要講幾句嗎？﹗XD