2013/06/03

(讀書報告 #8)~100毛(<-這算是讀書報告嗎?)

其實,《黑紙》我沒看過,我唔聽商台,當然唔知誰是陳強和阿bu,雖然我有喺fb睇《70後vs80後vs90後》,但我唔知原來係《100毛》散播出嚟…直至某日飲茶…做飲茶最signature的指定動作:去報檔睇有乜雜誌睇(which我已經好耐無買過雜誌…除非見到是某人做封面),見到有本野寫住「港喱的法式生活」…見本野又十蚊雞咁大把…揭揭吓又幾好笑…我無聊嘛…就俾錢了…

唔得佢死…報檔仲會減一蚊添…

本野真係完全擊中我的無聊因子,初頭唔知「100毛」解100 most,成本野有100個格,分唔同主題的column,揭揭吓見到有個number有一吓o咗咀…。都不礙事,我是好奇的可愛小雙子(死都唔認自己係巨蟹),一search…噢﹗本野的主題是「短、笑、港」,很港式的內容,然後好似twitter、plurk、微博咁細細段一格,跟住啲內容無聊得嚟又幾好笑(其實真係好無聊的,特別係改電視劇一期,上期講打工仔的《射波英雄傳》笑鬼死我…),好難得,真係由頭到尾會lun晒。

即係呢,而家啲雜誌表面上我很潮,但骨子裡到底還是買物指南,都算啦,有啲令野引發吓我mix & match(咦…你識咩?)都好丫…車…件件衫都千千聲,個個袋萬萬聲…我鬼買得起咩(篤手指)…

於是,若干年前小的無買牛奶、不要碰那些曾幾合時在櫃桶底陪我上堂的雜誌…

我記得呢,N年前我仲睇緊《YES﹗》的時候久不久會有啲得一期半期就唔見咗的雜誌,內容都係改吓圖(堅有的﹗)、改歌詞、整啲無聊漫畫和拎時事野笑吓,我記得有本係細細本白色的剛好袋得落校縷袋,堅好笑的那本,啲歌詞改得比《YES﹗》更出色,好似都係笑吓啲娛聞咁,可惜只出了一陣而我無儲落,很回味但無得延續…UM…咁看倌們明點解《100毛》小的會睇得津津有味啦﹗我仲好似某達人咁怒推人入坑係咁叫同事睇添﹗哈哈哈哈﹗

ANY肥,《100毛》唔知係特登定因為新所以無乜廣告,內容都有買物指南,不過只屬少數,仲會有買書睇戲和CD COLUMN,WHICH喺其他雜誌係縮水縮到細過劏房,慘不忍睹。

今期初戀,雖然我覺得影得妍希BB唔令(佢有啲眼尾下垂喎﹗點解佢一離開《那些年》即刻無晒女神氣質呢?爽健美茶個廣告仲驚﹗),但篇文的內容…尤其是初戀推介電影:《初戀無限TOUCH》和《喜劇之王》﹗太有共鳴了…哈哈哈﹗

本著大無畏(亂買野)的精神,小的挑戰埋林日曦的《青筋》,筆風抵死,雖然是我最討厭的本地書紙厚字少spacing多…不過內容看得高興就得啦。幾經查探,終於搵到上年出的《白痴》。原來佢係林夕徒弟,唔怪得《白痴》有夕爺寫序…又原來填過好多詞…我真是勾池了…當中…仲有…蕭正楠及陳展鵬唱的《巨輪》﹗實在太令人期待了﹗

睇完兩本台灣個人意見(呀﹗佢真名是陳祺勳呀…)的《品味教學》和《待人處世指南》,再看兩本土炮…我會唔會變得好有品味和潮咗…XDDDDDD

6 則留言:

  1. yahoo blog最近衰到玩限字數,我決定都唔再係果度寫。
    其實而家寫blog都未必爆字數,不過佢真係惹怒我,其實佢直接d,接左佢好過,佢跟本唔想人用。
    不過唔寫還唔還,我都仲用佢黎留言,又要整個新blog既話,又要開多個acc都幾煩。
    而家其實對手機多個對電腦,不過手機用好似得飛卜好用d,blog始終好似用電腦先係最好。
    唔用yahoo blog其實好失落,好唔捨得。
    by無敵

    回覆刪除
    回覆
    1. re:無敵

      咁衰?話得blog點解要限字數呢?咁佢不如改做微博了…
      yblog我一路都唔鐘意,因為佢要reg咗做會員先用得呢吓已經唔知想點,圍內的話我喺fb就得啦,寫得出嚟梗係想多啲人分享,唔係就唔使貼出嚟啦…我曾經想過開yblog做mirror不過都無咗件事了…
      手機我覺得係fb呀微博那些打一句兩句就ok,成篇文我覺得好煩,都係用keyboard喺desktop度打先夠快…

      刪除
    2. 你呢度好似唔錯,我可能係呢度寫都唔定。
      只係會員留言無所謂,咁起碼唔洗有無謂人留言,少好多麻煩。
      如果開新blog,都唔再叫舊網名。
      而且都講風花雪月算,有d野,你認真,好憤怒,係個blog度講,都無咩用,世界唔會變。
      有時終于明白,點解無里頭文化,咁不知所謂,會流行,因為係現實逼出黎。
      以前有人話,你同人做朋友,有兩樣野唔講就好長久,就係錢同女人。
      但今時今日,跟本,政治、民生、宗教你都唔好講,不過咁多唔講,果d都唔係朋友黎。
      都係果句,保衛地球唔好預我,毁滅地球先係王道
      by無敵

      刪除
    3. re:無敵

      blogger ok啦,我唔太有心機攪css,唔會點執版面,佢啲template都叫幾多,又有個平台俾我較吓大細字轉字款改吓底圖,有限度personalized,都可以的…

      風花雪月是重點,我好少講政治野的,我會留意新聞但好少拎上嚟講,平時生活已經有壓力,無謂再整多啲上嚟啦,講吓我鐘意既野搵吓有無同道中人,一齊笑吓講吓散播吓正能量咪幾好…

      刪除
  2. 我由第二期開始睇,之後就停唔到手期期都買。

    香港D八掛周刊我見到就憎
    難得有本咁抵死咁貼近我地班無聊人想法同仲要咁多高登術語(係!我認我係絲打)既雜志出現
    真係hit中我

    同埋最緊要係十蚊我afford得起

    回覆刪除
    回覆
    1. re:Nicky

      我去報檔買的話仲減一蚊添﹗九蚊咋﹗

      八掛雜誌呢…我真係無興趣知邊個係癡男邊個係怨女,邊個癡老細邊邊個俾人飛,又關我鬼事咩,睇完我又唔會開心咗…睇《100毛》至少我有得少吓…

      我無乜追高登的,不過對於能令我笑吓的雜誌我又唔介意支持吓,同埋啲作者同我應該係同年代,淨係兩大初戀電影《初戀無限TOUCH》同《喜劇之王》已經有無限共鳴﹗哈

      刪除

要講幾句嗎?﹗XD