2013/01/06

突然懷舊之LOOP完又LOOP~韓文歌篇

文章的另一個名可以叫:「2012年好聽的歌發現篇」…都是上年發現的嘛…哈哈哈哈﹗其實都唔係好懷舊…我都唔好意思仲貼《成人禮》和《IT'S RAINING》啦﹗

《I'll promise you》呢…係成集悶到我癡肺的大結局(我講緊《瑪麗二叔公》)…就在差點瞓著的時候(但其實我是很喜歡翻LOOP這部劇…雖然確係好多犯駁和煩人的地方…)…第一粒清脆既結他聲響起時…嘩﹗好聽喎﹗點解去到最後一集先出呢隻歌呢?﹗囧﹗而…都舖滿白雪了…應該是好凍的吧…但劇中人單薄的造型…凍死人架喎…

《One of a kind》CNBLUE相信係睇《原來是美男》最大發現…雖然某人唱歌都好好聽(唉…點算?生肖書說兔人唔旺我喎﹗)…但其實呢首歌係唱英文的”哈哈…咁仲好啦…可以跟住唱~~~LOOP到有一水拎埋嚟做鈴聲…(有時人家打俾我我唔想聽電話…想聽多陣個鈴聲呀﹗~~~)

《My love》…CNBLUE宗泫有份演出的《紳士的品格》OST其中一CUT,又是一聽就著迷了的(另一首《EVERYDAY》都好好聽﹗)…即係呢,泡劇啲OST以唧牙膏式出吓出吓咁,但好衰地一路睇劇情一路聽,潛移默化聽到響起第一粒音就記得個旋律,仲會LINKUP埋啲劇情…好洗腦的說…真係好危險…

《SOMEDAY》…也是睇劇識的…我唔記得《尖唉》有無播呢首歌?好SURPRISE IU妹妹CUTE CUTE地既外型但唱歌極為紮實,又竟然佢唔係GROUP既一份子(劇中SUZY、恩靜都係組合的嘛…)…只是無啦啦爆出「床」照事件…是O了咀的…囧﹗而以歌論歌,《YOU AND 》後都無邊首合心意的了…

BTW,見到JASON…就諗起佢跟澤演隊2PM,跟2AM合組出了隻碟…叫《ONE DAY》…我真係忍唔住笑了…

《CAFE》~究竟點解喺無劇或中招人物牽動之下我會跟隊去睇BB既呢?之前一路都係聽《ALIVE》和《STILL ALIVE》,其實呢…B BOX呀RAP呀HIP HOP我都不太好的(所以我接受唔到某人的TEAM H囉…XD)…於是聽完上兩張碟(定應該當佢係一張?)都無乜邊首說得上係超級喜歡會LOOP爆的(《BLUE》囉…)…但睇完個演唱會後狂LOOP《CAFE》…原因不明。哈…

《60秒》~因為睇完《回答吧1997》得某大人介紹INFINITE的歌,走去聽完最入腦的竟然是金聖圭的SOLO碟…呢CUT同《I NEED YOU》都是LOOP完又LOOP的…唉…我又試喺堆SELL歌精舞勁的人度搵其他野聽?﹗哈哈哈哈哈﹗

《ALL FOR YOU》~徐仁國對我來說本來就係《愛情雨》那個攪GAG的鎮模(係咪呢個名?﹗我已經唔記得了…話時話,其實《愛情雨》首主題曲《愛情像雨》都係我其中一水的電話鈴聲,都LOOP了一水的…)和那個存在感等於零的金傳說,估唔到原來佢係唱歌比賽出身…而且演技不賴…《回答吧》成功洗走了徐先生在《愛情雨》帶來(給我的)騎呢感覺了…哈哈…呀…我無講鄭恩地了?﹗A PINK的MV看了一些…不對味就是了…

《ONLY ONE》…原來我一路都無聽過寶兒姐的泡文歌喎﹗囧﹗COMEBACK(好泡娛圈的TERM)既迷你專輯(也是好泡娛圈的TERM)…除了主打的《ONLY ONE》,《HOPE》和《ONE DREAM》都好好聽…我又試喺一個SELL歌精舞勁的人度搵中慢版出嚟聽了…XD

《YOU'RE MY MELODY》…old songs are so exciting…人家散咗咁多年我才怒煲…哈哈哈﹗其實中招的是大碟點題作《MIROTIC》既…但秉承人做我唔做,殺出新血路的風格…又喺堆歌精舞勁的人度搵舒情歌聽﹗嘩哈哈哈﹗其實,成隻碟都好對味,尤鐘意連住呢首同《PARADISE》一齊聽…LUM爆。睇番啲特別版…《LOVE BYE LOVE》同《DON'T SAY GOODBYE》都好聽的說…

通常貼歌文第十首都會離題的…我想話呢…怒聽完一大輪後…我LOOP得最勁的…是這首RAINY BLUE喎﹗哈哈哈哈哈﹗仲發現有個版本係五子跟德永英明叔叔合唱﹗實在太爆了…本身小的對呢首歌已經到癡迷的地步…德永叔叔原版、張學友8X年和95年重新翻唱兩版、千FA05年拉闊時的版本(也是唱K常點的…)…已經有四首都仲未聽厭…而家發現第五個…癲了…又勁LOOP…(其實我是敬卓哥的暗粉…好喜歡佢清徹透亮的嗓音…XD)

((都是近年學了日文先去了解番日文原曲的歌詞,當中有一話喺電話亭度反覆撥號但又停下來,好OLD SCHOOL啊﹗都唔知有幾多年無試過喺街度用電話亭打電話了﹗呀,是圓型要搖的那種唔係撳的那種吧?﹗))

******************************************
以上。

4 則留言:

  1. BOA今次主打歌是叫"only one",我反而覺得上一張韓專"Hurricane Venus"比較好聽,主打歌幾好loop,整張的慢歌唔錯啊,最鐘意"stand by"!!

    金聖圭"60秒"MV裡面男主角好靚仔XD(逃)
    "another me"整張,我比較like "41日",有種迷幻感...

    回覆刪除
    回覆
    1. RE:小木

      《ONLY YOU》係安室的…哈哈哈﹗攪亂咗…XDDDDDD
      咦…咁我搵嚟聽吓先…我好衰,人地唱快歌我就鐘意慢歌…人家唱慢歌我就搵快歌嚟聽…

      是OK靚仔的說…哈哈…《41日》都有聽…不過無上面講的兩首咁入腦啫…
      話說INFINITE都係呢水先聽,除了HOYA因為睇完成套《1997》比較認得之外係未認到邊個打邊個的說…

      刪除
  2. 我介紹果首係慢歌黎啊XD
    其實我對快歌一向都麻麻地,唔係甘鐘意電音歌。
    最近少時果首更無我想像中好聽,而且聽落去好奇怪...

    我覺得infinite已經叫做比較容易認啊,雖然人都幾多下,但至少每個人的樣貌有唔同特徵XDD

    回覆刪除
    回覆
    1. re:小木

      你介紹完我就去搵番boa隻《Hurricane Venus》嚟聽,慢歌好聽過快歌喎,啲快歌好《eat you up》啲電音feel,第一首(game?)ok,第二cut覺得有啲似,第三cut 《dangerous》時已覺得有少少煩…如果我無記錯《standby》係第四cut吧?即刻覺得有一股清泉湧入嚟…XD

      少時我淨係睇過《DANCING QUEEN》個MV,好慳喎用番舊MV啲片…同埋隻歌麻麻地唔太洗腦(佢地啲歌平時係好易入腦的嘛…)…《I GOT A BOY》無睇過(謎之聲:女團其實我唔係好click…XD)

      我好少坐定定睇MV…多數都係靠搭車聽歌記錯首歌…所以成日咪唔認得邊個打邊個囉﹗等我努力吓﹗

      刪除

要講幾句嗎?﹗XD