2013/01/11

[韓劇]《DR.JIN》結局貼圖文…

做乜時裝劇(《唯愛》…北村大媽看來都看了很多泡劇﹗)和《信義》都要玩呢吓徒手拎劍既技藝呢?

就是清爛尾嘛,幾回帶都忍你啦…


真係有圖先有真相,英來小姐人家要同佢結婚佢又悔婚,人家想死佢又叫人唔好死…煩到想打佢兩野…

(因為我懶用了PICASA嚟整合拼圖…跟住佢又好衰地有淨的吉位會求其整一幅嚟塞咗個位…於是不幸地見到英來小姐兩次…同埋我唔記得整走個2012的水印…哈哈哈哈哈﹗)










點解春紅會咁神奇?可以解構番真醫員個瘤是甚麼?掉番轉真醫員作為一個醫員都要問番佢病情會點自己會唔會死…我又忍不住笑了…

當我以為春紅姐會對美娜/英來命運點解會牽在一起或真醫員點樣可以返番去未來的時候…佢…佢死咗喎﹗我大囧了﹗




點解阿大君院講埋啲對白咁現代既?

<<<講呢句時真係笑咗…佢有無咁勁呀﹗根本是現代的觀念嘛…









最後幾集是不停的大君院手上有封信可以捉到左相痛腳,之後又俾做兩頭蛇的敬卓哥通風報信俾左相知,之後左相就搵堆人去搶和去偷,弄得大君院不得不放手,然後佢最後又會用計反嬴番左相…呢幕燒信…使唔使咁大煙?﹗

估唔到敬卓哥連《無間道》都玩埋…一路睇一路估佢究竟係邊邊的…應該都係自己阿爸的吧…

還是敬卓哥條LINE比較好睇和正常,雖然唔知阿左相是真是假,但佢接受番敬卓哥入家門時又俾佢叫自己做爸爸,是有一點感動的說…

<<<還真是有愛…
嘩﹗唔麻醉就拎番支箭出嚟﹗痛到無朋友…敬卓哥是不停的傷…不停的俾人砍…再不停的中箭…卒之瓜鬼埋…嗚…


雖然左相係好討厭,不過佢死前終於都吐真言,講番其實對呢個仔係有情既…嗚…呢幕應該係悶到嘔的最後幾集度比較感動的一幕啦…

那個討厭的大哥…竟然無死…阿爸失勢要自殺…佢竟然可以若無其事的再去上朝…天無眼呀﹗




<<<俾敬卓哥航劍咗咁多次終於有次係真醫員反擊了﹗
敬卓哥死時…永輝的反應係真切好多呢﹗

<<<又要好似《善良的男人》(其實係《DR. JIN》出街先既…)阿男一都要腹部中一中刀…

想話啲法國人總係失驚無神走出嚟桶人一刀…之後又失驚無神的消失了…囧﹗

真醫員就好似南方大夫咁唔知女一有無事之下無啦啦回到現代了,當我以為朝鮮會因為真醫員跟大君院的交情而有乜唔同時…係唔覺啦…(那個甚麼丁田制呢?)…呃…同埋古代遙妹寫了封信俾OO大夫,交代番之後佢點好番,點走上醫女之路,跟住野風辛苦生下的女兒成了新的現代既未來,但泡版…呃…就是沒關係囉…BB變咗係李校理的仔…再沒有戲的了…之後古代的英來…就是沒死到所以美娜也不會死囉…完﹗

詭異的…無啦啦大君院走咗去穿越…想點呀…
*****************************************************


 等到最後啲NG比較有樂趣…仲好睇過成集劇喎﹗

(竟然都寫了四篇:)
[日/韓劇]兩版《仁醫》
[韓劇]《仁醫》之忍不住要說兩咀…
[韓劇]《仁醫》吐嘈之3(至12集)

4 則留言:

  1. 呢套韓版同日版真係冇得比!
    日版好睇好多呀!
    呢套太奇怪喇.好多野都唔知佢想講咩!

    回覆刪除
    回覆
    1. re:星晴

      無睇過原著漫畫啦,但日版啲人做每件事都合理啲,又環環相扣,古代南方大夫做既野對未來既時空真係有影響,而男女主角的感情線又相當感人…

      泡版我明白佢唔跟足日版的原因,始終國情唔同,而日版成功跟足無運行既多嘛…咁改一改都係合理既,但好似越改越無力,初頭都想故弄玄虛咁,攪攪吓好似爛咗尾…就有啲可惜囉…

      最後有看頭的就只有敬卓哥條line

      刪除
    2. 我都明白要改編呢個故事唔容易!
      因為本身漫畫係以日本背景~
      但佢改都應該將醫學部分寫得好D呀MA!
      仲有.我覺得個編劇應該愈寫愈唔知自己想點.後面真係好亂!
      最大敗筆係韓劇最出名的愛情線都寫得麻麻.
      都唔知男女主角做咩~

      真係得敬卓哥寫得好!可能因為日版冇~佢可以好好創意出黎!

      刪除
    3. re:星晴

      醫學部份我諗係咪俾字幕組整了濛鏡?
      之前睇《婦產科女醫生》係好血的…睇到我大囧﹗
      感情線呢,男一成日好似發夢咁,女一就搖擺不定,跟住又寫到男二成日好似將夾硬娶女一咁…雖然係跟常跟劇情唔同有少少新鮮咁,但感情線一啲都唔感人,直頭係煩人喎﹗

      睇完呢套野我對敬卓哥支持到不停上升…XDDDDDDDD…

      刪除

要講幾句嗎?﹗XD