2012/10/29

救我一命的咖啡~

小的大概一年前開始幫襯759阿信屋買得最多的唔係零食,而係咖啡啊﹗和同同食完飯後大家仲會入去研究一番邊隻有優良抗睡功能添~

經過我地試完又試,大家都覺得左邊的直火咖啡唔錯,起碼唔係一口奶味,有番啲咖啡應有既澀味之餘又不失幼滑,價錢5..8一罐,價錢中等。




我一開始貪平呢兩罐3蚊罐的,飲下去比*$或PCC的更甜更奶啊﹗飲完抗睡能力是…零…呃…果然不能貪平…(佢唯一的用處係俾我認吓泡文字…估吓啲發音…哈)







如果我無記錯罐裝的*$好似9蚊上下,因為飲過惠康的玻璃樽裝都頗為之甜和奶的說,但見直火和呢個UCC的微糖都係5.8(所以我說是中價啦~)罐,咁就試吓囉…,UCC這個微糖很不錯,咖啡味比雀巢的更香濃~微糖這個好似頗受歡迎,公司和屋企附近的759都成日剩幾罐,而隔嚟的BLENDED就一大排囉~

 (真係多得我平時買親都會無聊影一餐…卒之有咁多圖可貼…哈哈哈)雖然說759啲罐裝咖啡選擇多,但我等同同一致公認抗睡能力最高的…是維媽的這個紙包(右)咖啡﹗自從離開舊司(的即磨咖啡機)後,小的就朝朝一包…

左邊的雀巢是每星期去太空漫遊上堂一眼瞓就整一罐…其實佢咖啡味唔算好濃,我諗係心理作用吧﹗而奇怪的是佢比白朗平一兩蚊(如果我無記錯的話…)又說自從小的怪腸胃飲親多奶的東東會肚痛…又說飲過一次伯朗即刻要入廁所之後…幫襯汽水機都係唔好貪得意試吓呢試吓路了…

都講起*$和PCC了,想說最近好喜歡*$的海鹽焦糖星冰樂,雖然唔知有幾海鹽,但就唔係太甜剛剛好的說。PCC呢一年到尾又翻兜焦糖布甸LATTE了,雖然我半點都喝不出焦糖布甸味,但去親HEA溫書就想整一杯,加一個焦糖芝士蛋糕,好寫意的感覺啊~(UM,這兩個咖啡是半點抗睡能力都沒有的…)

又唔爭在講埋,最近好喜歡的雪糕店個咖啡很一流…而趁呢水萬聖節維媽又出番橙味古古力奶了,正﹗

跟上年篇文一樣…文末又貼吓友人的手信,這個OREO沖劑作為一個甜魔我是很有期待的,但看來我沖得太多水…變成一杯淡茂茂的古古力奶…係我錯了…囧﹗
****************************************************************
我會努力試759啲罐裝咖啡再向大家報告﹗咇﹗

2 則留言:

  1. 似乎我體質很特殊,喝過不少咖啡但從不覺得它們會提神或抗睡眠,就算晚上喝完也照睡可也。

    回覆刪除
    回覆
    1. re:WINSON

      晚上我飲咗都照睡可也的,晚飯時我唔會理照飲咖啡或茶的…
      係朝早那一吓緊要啲…哈哈

      刪除

要講幾句嗎?﹗XD