2012/02/06

[韓影一條龍]~下:《愉快的人生》、《七音符》、《男友從軍記》…

上篇,花癡一條龍之下集大結局。

《快樂人生/愉快的人生》 (推銀度:0.5 ﹗)
簡言而言,是三個中年大叔在生活灰到盡頭時靠音樂重燃少年時的夢,搵番自己的快樂人生。前段是有點悶的…去到差唔多四十分鐘都仲交代緊三個中年大叔基永、成旭、赫秀現在的生活,黑沉沉的畫面加埋刻板的生活…差點讓小的想放棄呢…(喺呢幾十分鐘小的係走咗去推銀的…哈)

故仔去到大叔們知道廿年前一齊夾band的好友尚宇過身先嚟料,因為佢個仔賢俊燒阿爸遺物時燒埋佢支結他,基永一手搶過來…呢支結他突然trigger咗佢重拾當年夾band的美夢…見佢周不時拎住支結他行嚟行去一路彈一路傻笑…我完全relate唔到佢就係《梨泰院》入面那個板著臉的檢察官叔叔耶﹗

又說基永因為失業靠老婆收入支撐頭家,成旭為了養兒朝送pizza夜做司機,赫秀妻兒到外地生活自己獨自經營二手車…初時聽到基永說要重組都唔理佢…點知因為俾人激一激而應承基永…入到band房時摸住啲樂器開心到不行個樣係超好笑…重拾失落的青春有邊個唔笑啫…仲要俾生活磨人磨了廿年喎﹗

<<<成套戲其實係睇三個叔叔重拾舊夢,某人造型上雖然很型(耳背有紋身喎﹗好狂野耶﹗)…但除了開口唱歌外…文戲都係唔夠大叔搶呢﹗
一路睇一路諗起《年少無知》…只可惜生活是必須妥協…um,追夢之後係俾班老婆們miu咀和黑面,又係既,有大有細靠唱歌邊搵到錢…但見到基永大叔從一開口苦瓜乾咁到拎番結他之後成日伊起棚牙笑喎﹗真係差好遠既…。同埋當有一個兒時同伴突然瓜咗,就alert到原來死亡係咁近…即係年青時唔覺生老病死既老病死會來臨架嘛…咁有啲野遲係遲啲,不過唔試就連少少機會都無埋啦…(咦…感懷身世了?)

又說因為活火山樂隊離世的是主音…總令我想起《天與地》結尾個疑似平行時空,人到中年四人組來jam番歌好開心咁結尾,呢套戲就由個仔代阿爸跟三個大叔上台表演,鏡頭慢慢從台前pan向觀眾再拉後到門口out fou去結尾…嘩,好開心…不過我又諗會唔會好似rock fest完後…大叔們繼續去面對番佢地亂七八糟的生活亂子呢…(但都叫開心過吓既…)

可能套戲係focus on三位大叔的中年危機,其實我有少少期待劇情講吓賢俊同佢阿爸之間既野,佢地父子關係淨係從個仔喺阿爸喪禮一副滿不在乎既樣,事後燒咗個結他同埋對話度話阿爸都整爛過阿仔個結他,應該係唔想佢行番自己條音樂舊路吧…之後又無交代過啦喎。跟住同三個阿叔相處時又無乜點交代度咁阿仔係咪了解多啲自己阿爸呢咁…oh。不過再講…套戲三個鐘都有份…


睇完基永大叔企定定好唔爆地唱《爆發》,再睇呀賢俊狂野地fing住唱…真係好好笑…。又說,點解某人會拍咁多band友戲?又又說,點解某人以前啲戲俾我感覺佢係一個演員(而是有戲交那種…雖然如某博友言極chok…)…但整吓整吓會越整越偶像派變擺令樣既?點解呀?

******************************************************************************************
 七音符 (推銀度:50/5﹗)

咦?乜又係樂隊主音?

但好悶…以超光速FF…飛完就算。完。

(咦,豆瓣說呢套08年上…咪仲後過上面套《快樂人生》?但某人呢套戲個樣好細個喎﹗)

*****************************************
 男友從軍記 (推銀度:20/5﹗) 
呢張POSTER好好笑…不過沒有太大動力去看…(是看得太多膩了嗎?囧)UM…終於有套唔係唱歌的了…

*******************************************************
9/5/12後按:

我又真係走去睇埋佢喎﹗其實四男四女四條線,我飛住淨係睇某人的一條line…哈哈哈﹗實在有點悶呢,而且啲人行嚟行去都唔認得邊個打邊個﹗呃…最記得的是…怎麼又係地盤佬﹗



我諗起《徬徨少年時》光一王子為了養家走去地盤做地盤佬…笑了…好在某人望落無光一王子當年咁un挑鬼命,演地盤佬是比較有說服力的說…

另:仲有一套《鬼來電三》…故仔十分流fei…就是為了睇某人而睇囉~
******************************************************************************
講開又講…某人可塑性還真高…(笑…)

7 則留言:

  1. 鼓佬叔叔係第部電視劇都係做檢察官的! XD

    七音符完全係韓劇淒慘戲嘅大雜會,幾乎所有韓式慘劇元素都集齊.囧囧囧

    仲有個女主角.... 完全係有被虐傾向.囧.但我懷疑我睇個版本d翻譯有錯漏,所以前因後果好link-up唔到.

    最後個齣未睇! XD

    你快d追埋快刀同部兒童劇啦.咁哩條龍就完成啦!! yeah~

    回覆刪除
    回覆
    1. 唔知點解呢個留言被掉了去spam…勁囧﹗

      鼓佬叔叔…令我睇《城市獵人》睇得好歡樂…

      《七音符》我悶到用9秒9光速飛完…飛到我都唔記得啲劇情…只記得好悶…

      而《男友從軍記》我終於在某日講番起後補番元…也是很悶…於是我飛住睇…見到有某人就睇無就飛…某人戲入面個女友個樣好老餅…大囧﹗

      《快刀》真係好野﹗oh yeah﹗但兒童劇呃…

      刪除
  2. 呢3套,,我上年已經得到手...但到而家都未有勇氣去睇,,,

    回覆刪除
    回覆
    1. 第一套《愉快的人生》是ok的,除了某人可口的外型和歌藝(好難得佢似個男大架嘛﹗)…3個大叔都演得好好睇…加之於我都一把年紀了…會睇得好投入…

      另外兩套就真係有啲浪費時間既…

      刪除
    2. 咦…錯神…係男人…

      刪除

要講幾句嗎?﹗XD