2011/05/24

Hello~hello~hello(貼歌集)


(哈哈哈…我做無聊野)…心血來潮想睇吓有幾多首歌叫《Hello》的…一search果然多不勝數耶﹗先來一首一講我就會諗起的uncle Dave~(其實我最想搵到小學英文etv的片…一開頭要hello~hello~hello咁架嘛﹗)

話說千禧開首幾年,uncle Dave無啦啦在英記復出,開始時跟趙學而合唱《誰明浪子心》,拖住容天后和何嘉莉唱《還有》(定另一首?)時…小的頗為期待的…咁我鐘意《今生無悔》嘛﹗uncle啲歌聽開有感情…仲好神心去買佢復出的第一隻碟添﹗首主打《hello》一樣肉緊…當年我等無聊友成日扮佢緊緊皺眉(要皺到夾死蚊先得﹗)地講「哈…佬」…哈哈哈…雖然之後的《萬歲》和瞓倌材是叫人囧爆的…開始有少少覺得…你在幹甚麼呀…

話說回頭,無理由成世要食住浪子條水架…唉呀,其實套紅色西裝幾型呀…《這個夏天有異性》幾好睇架喎…仲有我勁熱愛的《愛與誠》…好野﹗我會繼續支持uncle的﹗(扮熟mode)


其實prof.傾唱歌真係幾唔錯…死囉,小的看來真係會成為佢歌迷…佢上張碟的《hello》、《come 2 me》和《morning babe》而家都仲loop緊…um…不過小的不喜歡《花家姐》首主題曲,賣弄假音賣得太over了;另嚟緊的演唱會主題曲《熱能放送》無啦啦扮泡菜國電子舞曲,也不太喜歡…umum…


我繼續回帶,RubberBand可能係全金記至正常的歌手,也是唯一一個會令我去買佢地碟的單位…嘻。睇番先知原來RB的碟一路在順住字母出…而家出到《dedicated to》就係d了…咁似Kinki Kids既…不過我鐘意…我approved﹗呵…


貼吓本人至愛之一安室的歌先…其實佢近年啲碟我好多時係一野就rip晒入mp3機,連歌詞都無睇就出街聽…於是啲歌名完全唔知邊首打邊首,到睇演唱會影碟時覺得「咦﹗呢首歌好新奇喎﹗」再搵吓…吓…原來係呢隻碟架﹗oh…我粉絲失格了﹗咁呢首《hello》係難得會記得歌鱔和melody的…跳舞時會有個打電話手勢嘛…好難唔記得的…


貼一個歌詞先(for自己的…哈哈哈)

通い慣れた道 思い出がよぎるけど
久しぶりに会えたから 笑って話したい

元気にしてたかい? 僕は大丈夫だよ
1年ぶり そういえば そんなに経つんだね wow…

忘れるはずだったことが 曲がりくねった道で 泣いてる
たどりつけずに 今もまだ この胸で

一度だけケンカ したことがあったよね
誕生日を間違え プレゼント渡して wow…

君の手に残る指輪は 懐かしむだけじゃ 悲しいから
捨ててもいいよ 僕はもう 平気だよ 忘れるはずだったことが
曲がりくねった道で 泣いてる たどりつけずに 今もまだ この胸で

ふたりで決めたことだから 友達のままがいいね ずっと
それぞれにまた 恋人が できたって 今日という日よ さようなら
明日からもそれぞれの道を まっすぐに見て 歩こうよ どこまでも…

通い慣れた道 思い出がよぎるけど 悲しむより 少しだけ
強くなれたみたい あの日から…

話說小的《E album》先中招既…,咁既隻來自《jetcoaster romance》咁耐世紀既single既side cut係好後期先無意中聽到…滄海遺珠耶…好慘情的一首情歌啊…


SHINee…umum…我係search出嚟既…其實都唔知佢地係乜水…哈哈哈…(太多組合了…我那能攪清邊個/隊打邊個/隊呢…可能要問吓鄰博熊大人先得了…佢出了篇講女子組合的…幾時有篇講男子的既呢???)…


(都係search出嚟的…我都係唔知張根碩係乜水…《瑪麗外宿中》也是從熊大人的博度聽番嚟…umum…佢成為了我對泡菜國藝能界認知的來源了,有勞有勞…)呀,首歌其實叫《hello hello》…唔單止就咁叫hello的~呵…

(20/1/12後按:世事真係好奇妙,寫文的時候仲話自己唔識和沒認知,半年之後就為此君著迷花癡了…好可怕﹗)


貼完啲唔識既歌…貼番啲好熟吓既舊歌…。Chris Wong(呢個名我只會諗起會/高考 oral/practical skills成日見到個名…哈…但見有啲碟個封面Chris哥哥係寫番全寫Christopher架喎﹗)呢首《Hello Merry Christmas》又是一首由細聽到大的…好回味呢…


唔好意思,我開始亂嚟了…無計啦,活希兒小姐呢首《hello kitty成為朋友》真係太爆…我諗小的就算有腦退化都唔會忘記…成為朋友…~~~~與hello mimi成為朋友~~~~~

(第十首留空,獻給我心愛的小學英文舊版etv,希望有一日我搵到條片可以貼番上嚟~hello~hello~hello~yeah!~~~)

後按:謝博友提供,找到這個令人(我)十分懷念的英文etv片頭了~yeah~~

以上。

14 則留言:

  1. 岩岩前日又有隊韓國男子組合出左首"hello hello"(FTIsland)…shinee都只係云云眾生的其中之一…

    27th May 2011 14:30 PM

    回覆刪除
    回覆
    1. 其實我分唔到邊個打邊個都好正常喎咁…
      有人同我講佢到而家都仲未分得清kinki kids兩個邊個係剛邊個係光一…囧﹗

      1st Jun 2011 18:04 PM

      刪除
  2. 哈哈好低能呀呢篇,但係我鍾意!:-)

    27th May 2011 16:40 PM

    回覆刪除
    回覆
    1. 哈哈哈…唔講邊有得笑呢﹗

      1st Jun 2011 18:06 PM

      刪除
  3. 活希兒同蝦毛咪咪做咗朋友之後唔見咗XDDD

    28th May 2011 01:38 AM

    回覆刪除
    回覆
    1. 好似話佢後尾去了讀書…

      7th Jun 2011 09:41 AM

      刪除
  4. 我以為第一首被貼出嚟嘅會係Lionel Richie嘅 "Hello" 添,我果然係同而家後生一輩脫咗節喇......

    28th May 2011 09:20 AM

    回覆刪除
    回覆
    1. 我少聽英文歌呀…我聽嚟聽去都係嗰一首半首架咋…有好野你介紹吓喎…
      我聽聽埋啲中文/日文歌咪又係老餅野…篤…

      7th Jun 2011 09:42 AM

      刪除
  5. Anthony Chan26/3/12 09:37

    http://www.youtube.com/watch?v=UTJkeSkNvC4

    英文ETV經典片頭


    29th May 2011 17:51 PM

    回覆刪除
    回覆
    1. 嘩﹗強﹗多謝提供呀…真係勾起我很多童年回憶呢﹗

      7th Jun 2011 09:44 AM

      刪除
  6. 哈!我岩岩想入黎話shinee 有首hello 同瑪麗外宿中張根碩都有一首......(完全韓化了.....)男子組合早期寫過啦. 不過好快out 了. 提及的東方神起同ss501 同已經解散了.

    "《熱能放送》無啦啦扮泡菜國電子舞曲"我聽到都覺得好odd 下. 仲有個首kiss kiss kiss. 泡菜國歌成日不停重複又重複, 但佢配合勁歌熱舞 (dancing queen?) 先好睇. 香港人跳舞唔掂喎.

    p.s. 鄭融除0左呢隻 kiss kiss kiss 隻碟都好聽 (做咩我講到離晒題?)


    30th May 2011 09:19 AM

    回覆刪除
    回覆
    1. (我仲係努力避開泡菜國既野嘛…呵呵呵…)啲人名和劇名我係睇你啲文先識…在此我要多謝紫大人啊~
      東方神起和ss501摺了?咁那隊乜野super junior呢?囧…
      《熱能放送》其實幾難聽吓的
      Stephanie《kiss kiss kiss》感覺ok…喺收音機聽過幾次…不過又無乜特別引起我興趣去聽埋佢咁囉…

      7th Jun 2011 09:47 AM

      刪除
  7. 看到"我都係唔知張根碩係乜水"忍唔住又講兩句吧. 世事真的很奇妙...

    看過一點《黃真伊》,但我不知恩浩弟弟原來是張某人,在劇中他和河智苑一點都不相襯,像姐弟多於情侶。(題外話,張生拍完此劇後曾表示暗戀河姐姐。)

    也看過《原來是美男》的大結局(在J2首播時),對,那時只看了一集大結局,因為工作關係要零晨三點返工,於是早早去睡,但睡了一會就醒來再睡不著,於是便看電視,剛好那晚播《原來是美男》大結局,看完也不覺好笑或感動。

    其實也看過一點《瑪麗外宿中》,由於網上的劣評,再加上文根英的眼袋,真的看不下去。

    又去年到韓國旅行時,看到滿街的自然共和國及咖啡店代言紙牌也沒有被張生的花容月貌吸引呀,就算在樂天免稅店拿到張某人的紀念品我都早已送人。

    想不到新年看了完整版的《原來是美男》就中招,幸好我只被演員張的魅力所吸引,歌星張不是我杯茶,聽了中文版Feel the Beat,還好都聽得出他正在唱中文,但中間有一大段rap應是唱韓文吧,我想中文歌詞只有寥寥幾句而已,似乎今年的重點應該是放在內地囉。

    回覆刪除
    回覆
    1. re:五月

      基於之前我一點韓劇都沒有看(只有一兩套啦),於是我看都因為張某人而看,咁我就好aware張某人和河姐姐年紀係差得幾遠,但因為我睇dvd,而那隻dvd又唔可以轉原聲,配河姐姐的那個女子又"鍊"起把聲喺度扮細個,讓我覺得很難受,我睇到恩浩公子死咗就無心機睇了﹗哈哈…

      《原來是美男》個上一輩恩怨有啲煩,因為我害你媽媽放棄你,所以我不能愛你…我又要走~~(成日都係用呢條出走橋製造生離死別的高潮),煩到不能…跟住又無啦啦去日本拍吓外景咁…個結局我忍不住飛飛地,同埋再睇埋《瑪麗外宿中》,就忍不住吐嘈做乜兩套劇都係張某人送了頸鍊俾心上人就會炒大鑊﹗

      我上年去韓國時未知張某人有代言咖啡店,唔係就去幫襯吓﹗於是只去到自然共和國買野和看了一吓codescombine,樂天dfs係行程之一,導遊帶了我地去,我又好節制地只拎了一張guide(同埋唔知點解拎了11份folder﹗哈哈),返嚟去尋韓者度見到那張野…值成20蚊架﹗

      張某人唱的歌呢,ost和佢日文的solo碟曲風我都鐘意,係team h啲yoyoyo我覺得好炒耳,本身我又唔鐘意去party,投入不能囉…我都係聽番佢啲日文歌好了~~~

      其實認真聽係聽到啲佢中文唱乜既…我咁harsh又好似好衰…哈

      刪除

要講幾句嗎?﹗XD